بالنسبة لمسابقة مفتش مركزي للضرائب

[toufik316]

هل تم اللإنتهاء من التصحيح أم ليس بعد وهل هناك أخبار من المدرسة عن النتائج.

[حسين28]

كرهونا في حاجة اسمها : خدمة و مستقبل و عمل لائق و شهادة و نيفو جامعي و مستوى دراسي و انسان مثقف ....
هذو المصطلحات الكل اكرهتها و كرهت الادارة و اللي يخدموا فيها و اللي يديرو في المسابقات و اللي يحطو الاسئلة و اللي يجاوبوا اعليها و اللي يعلنو النتائج .....
كرهت كلمة خدمة........
ياااااااااااااااااااااااااااااخاوتي متمني نروح مرة في حياتي لمركز البريد و نرفد شهرية كيفي كي كل خلق ربي ....
حاب نحس روحي عندي هذف و شغل في هذي الحياة
الله لا تربحهم قتلونا بالحياة و باعونا
عايشين فيها غير اولاد الحرام

[krimo09]

لا تقنط ياأخي حسين بعد الشدة يأتي الفرج ، أنت فقط اتخذ الاسباب وتوكل على الله وأدم صلتك به بالدعاء وثق بأن الله لا يضيع أجر من أحسن عملا.

[Bouhamed.DZ]

أخي حسين .... إستعن بالله .... أنا مثلا شاب عمري 32 سنة متخرج من الجامعة من 10 سنوات ... أجريت 47 مسابقة توظيف و 11 مسابقة ماجستير .... ولم أنجح لحد الساعة في واحدة منهم ..... ليس لأنني حمار أو أحمق ... والله كل من يعرفني يشهد لي بالذكاء .... معدلاتي الدراسية والجامعية لا بأس بها ... ولكن المكتوب لم يحل لي بعد و المعريفة معدومة عندي نعرف كان ربي وفقط .... و أنا متأكد بأنه لو مازال لي عمر راح يأتي يوم وننجح في كونكور .... أكيد ... لأنني دائما نأخذ بالأسباب ... نقرأ و نحضر ونشارك و ندعي ربي إيوفقني و إينجحني و نستخر لله .... والباقي على ربي .... أنا بشر وعندي مشاعر و قلب و أحاسيس أضعف أحيانا و إيغيضني حالي و يزداد ثقل همي على قلبي و لكن دائما نحاول نستغفر و نقول لم يحن مكتوبي بعد ..... عملت في كل المهن من مونوفري إلى فيرايور إلى بائع في حانوت إلى بطالة و تشومير ... وغيرها من الأحوال .... صحيح أنني متأخر كثيرا .... بالمقارنة بمن هم في سني ... إذ من هم كانو يدرسون معي أغلبهم متزوجين و بسياراتهم و منازلهم .... و أنا لا شيء معدوم 0 .... الله غالب .... أنا نحاول نسعى و الباقي على ربي .... المهم الإيمان بالله و المكتوب و القضاء والقدر .... لازم إيكون كبير ..... ربي إيوفقني هذه المرة و ننجح في هذه المسابقة تاع مفتش مركزي في الضرائب .... راني خدمت و دعيت ربي إينجحني و الباقي على ربي سبحانو ...... ولكن اعلموا أن الإيمان بالله تعالى حق الإيمان .. والتوكل عليه حق التوكل والعمل الصالح هو ما يثبت المسلم عند الشدائد والمحن .. وهذا الصبر هو توفيق من الله تعالى ورحمة.
يقول الله تعالى: وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ .. وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ
سورة البقرة .
و يقول سيد الخلق صلى الله عليه وسلم : ما يصيب ُ المسلم َ من نصب ٍ ولا وصبٍ ولا هم ٍ ولاحزن ولا أذىً ولا غم ..
حتى الشوكة يشاكها إلا كفر الله بها خطاياه فاستعينوا إخواني و أخواتي بالله وأسألوه حوائجكم وادعوه وحده
والجئوا اليه في السراء والضراء .. إنه تعالى نعم المولى ونعم النصير ..
وجزاكم الله خيرا .. ولا تنسونا من صالح دعاكم والسلام عليكم ورحمه الله وبركاته

[kariwomen]

بدون تعليق على الرد ربي ينجحك و يرزقك من حيث لا تدري

[محمد الريس]

اخواني سمعت بلي السمانة الجاية يعلنو على الناجحين هل هذا صحيح ارجو بالرد لاني بديت نخلع وبديت نحس انو وقت ظهور النتائج قرب

[زريبية]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[زريبية]

محمد الريس خلي ايمانك بربي ولاتخاف

[chahrazed23]

اتمنى لك التوفيق الأخ bouhamed.dz و ربي يفرج همك وكربك انشاء الله ويرزقك من حيث لاتحتسب

[فرناس وهران]

المشاركة الأصلية كتبت بواسطة زريبية

كيف الحال اخي فرناس وهرن احسنت الاجابة على صديقنا فاروق الباز شعرت مثلوا في وقت من الاوقات

اخي زريبية خوك محارب قديم و هاذ الصوالح نورمال
علاه كاين غي الوظيف العمومي و لا ما كانش
انا تخرجت في 2005
يليق تكون حريص من كل النواحي و ما تخليش الياس يسيطر عليك
كاش مرة سمعت بلي مات واحد يخاف ربي بالجوع في الجزائر
اللي يخاف ربي و يعرف بلي ما يسمحش فيه يخدم اللي جات واك خلق الزاوش و خلق النسر علاه الزاوش ما يكملش
تصبحو بخير

[Bouhamed.DZ]

شكرا إخوتي .... ربي إينجحنا أجمعين .... تفكرونا بكثرة الدعاء بارك الله فيكم .... الله الموفق .

[toufik316]

أين تظهر النتائج هل على مستوى وزارة المالية أم في المدرسة وهل يراسلون الناجحين.

[فاروق الباز]

او نضحك برك خويا فرناس انت حاطها صح....ههههههه؟؟؟
و نزيد نقولك حاجة ....كثرة الامل لراك عايش بيها تقتل القلب......لازمك تثابر وجاهد وتتحير وتقلق ويغيضك الحال.....ربي مخلقكش وقالك قول او كلش بيد ربي....او يفرج ربي .....اني متكل على ربي....شافلك ربي الصلاح .....آو مزال الحال ......اني تخرجت في 2005 وما قلت وال.....لا لا لا لا يا فرناس.........انا كل دقيقة نمضيها ...ومانيش ناجح فيها.....يغيضني الحال.....!!!!
يوجد هناك الايمان الخاطئ بالله عز وجل........وهو كما فهمه بنو قريش في عهد الرسول صلى الله عليه وسلم،عندما رأوا المؤمنين يتعاطفون مع حجاج بيت الله ويقدسون الكعبة ففعلوا اكثر من ذلك ،وقالوا آمنا مثلكم ،فانزل الله عز وجل : بسم الله الرحمن الرحيم **** اجعلتم سقاية الحاج ،وعمارة المسجد الحرام كمن آمن بالله واليوم الاخر**** صدق الله العظيم.....فالايمان بالله ليس مظاهر ،ولا امل .......بل الايمان بالله حقا هو العمل.

[samir0770]

ربي يوفقنا ان شاء الله

[فرناس وهران]

يا اخي فاروق انا قلت صح تخرجت في 2005 و راني تاكل على الله
بصح لي ما تعرفهش بلي انا خدمت في مجالات بزاف و عندي خبرة في التجارة و الاقتصاد لكن المشكل هو العمل مع الجزائري في امور النقود مشكل في حد ذاته لذا
انا قررت باش نسسيي زهري مع التوظيف العمومي و نجرب
كنت خدام في التجارة و الحمد لله كنت ناجح الى حد انني اظمن قوت يومي و حتى نوفر لكنني لم اقم بالتامين و كنت قادر نامن على المستقبل تاعي
و انا الان قادر نعاود نبدا العمل
خلاصة القول هي
ماشي قريت باش تقارع غي العمل في مجال الدراسة اللي قريتها
بصح لازم الواحد يعمل اي مجال و ممكن ينجح فيه
اخي الجامعة تاع وهران راه يتخرج منها سنويا ما يفوق 11000 طالب ساكنين في وهران اين هي الادارات التي تفتح 11000 منصب عمل في عام في ايطار التوظيف العمومي
اخي حنا جزائريين تعرف علاه ما نبغوش نخدموا احرار في عمل ما غير التوظيف العمومي
على خاطر تغيظنا مين نروحوا نخلصو الضرائب كاش و تغيظنا مين نخلصوا التامين الاجتماعي كاش
و نبغوا نخلصوها بطريقة غير مباشر
اي اعطيني الخلصة و ما تقوليش حاجة اخرى
و اخر الكلام سلام