واش تعلمتو من هادو الاختباراااااااااااااااات

نرجس المنتدى · 2011-12-02, 11:49

سلام عليكم واش راكم معا الاحتبارات خدمتو لالا واش ماخدمتوش واش تعلمتو انا تعلمت ان يجب تنظيم الوقت يعتو فى الاختبارات كيما هنا الرياضيات 6 تمارين و4 سوايع والله ماكفانى الوقت يعنى تقسم وقتك على التمارين حليت 5 تمارين والاخير درتو هكاك وتانى الفيزيك تقولى عليك وظيفة ولا حاجا تانى 6 تمارين دخت مى الفصل التثانى نعود حريصة للوقت اكثر لان الاختبارات تجربة ليس الا
ونتوما كيفاش عقبتو الاختبارات حقا انا اول مرة ماخفتش حتا من اختبار لانى واثقة بانى استطيع ان اجيب وحتى انى وقعت فى بعض الهفوات مىالحمد الله وتعلمت تانى نصبر معا التمارين ولازم يعود مرال طالع
كل واحد يقولنا واش تعلم من هادو الاختبارات

نرجس المنتدى · 2011-12-02, 11:50

ارجو التفاعل

نرجس المنتدى · 2011-12-02, 11:58

ارجو التفاعل معنا

منة الرحمن · 2011-12-02, 12:09

حنا زوج تمارين بساعتين لكن ما كملتش .....

إذا شفتي الفرض تاعنا .. دارنا كيفو مع إضافة بعض الأسئلة ...

إذا كنا الفرض في ساعتين و ماكملناهش كيفاه الاختبار فيه أسئلة زيادة ونكملوه ...ههههه

الوقت راح يمر في كل الأحوال ... لكن أحسن طريقة باه تركزي أنك تنساي الوقت و تبداي تخدمي ,,,

لإنك إذا فكرتي في الوقت رايحة تخافي يكمل و ما تخدميش ... و بالتالي التركيز يتشتت ...

هذي نصيحة مني ,,, لأنني دايما نفقد التركيز تاعي بسبب التفكير فالوقت

نرجس المنتدى · 2011-12-02, 12:14

اقتباس:

المشاركة الأصلية كتبت بواسطة منة الرحمن

حنا زوج تمارين بساعتين لكن ما كملتش .....

إذا شفتي الفرض تاعنا .. دارنا كيفو مع إضافة بعض الأسئلة ...

إذا كنا الفرض في ساعتين و ماكملناهش كيفاه الاختبار فيه أسئلة زيادة ونكملوه ...ههههه

الوقت راح يمر في كل الأحوال ... لكن أحسن طريقة باه تركزي أنك تنساي الوقت و تبداي تخدمي ,,,

لإنك إذا فكرتي في الوقت رايحة تخافي يكمل و ما تخدميش ... و بالتالي التركيز يتشتت ...

هذي نصيحة مني ,,, لأنني دايما نفقد التركيز تاعي بسبب التفكير فالوقت

مام انا كيفك اختى نسمع بالوقت نعود الا نخلط فى الاجابة ربى يسهل برك

جبور عبد الحاكم · 2011-12-02, 12:33

اما انا درنا اختبار الفيزياء 4 تمارين في2 سوايع لوقت ما فاش لي خرج يقول انا خليت 4اسئلة وكاين لي قال لي خليت تمرين كامل
المهيم تنيم الوقت والتمرين لي حصلت فيه فوتو وابدا بالتمرين السهل

نرجس المنتدى · 2011-12-02, 12:36

ايه صح التمرين لى تشوف روحك ماش فاهمو بزاااااااااااااف اعقبو وكى تكمل ارجع

حامل اللواء · 2011-12-02, 12:42

حقيقة ان الوقت لم يكفيني كليــة كانت تنقصني نصف ساعة اخرى

على الاقل

لمراجعة الورقة والتقليل

خرجت بنتيجتين

الاولى ـــ عدم استخدام المسودة كلية ـــ لضمان الوقت

الثانية ـــ ليلة الامتحان مراجعة خفيفة فقط ليس الحفظ والاكتشاف

تمنياتي بالتوفيق لنا ولكم

كيل را ام · 2011-12-02, 12:56

من هاذ الامتحان اكتشفت ان ما نزيدش نشوف في الساعة لان كيما ما يبقاليش الوقت نتوتر و نبدا نلبز

~خيرات حِسان~ · 2011-12-02, 13:27

تعلمت إني مانتفيهمش بزاف و نحط برك لي درناه في الكراس .
شكــــــــــرا

بالقيم نرتقي · 2011-12-02, 13:52

انا تعلمت يااااااااااااسر حوايج
اول حاجة كي يعود غدوة امتحان مالازمش ندير كيما درت هاد المرة نرقد على 12 ونوض على 5......خاصة في الرياضيات والفيزياء..........والحمد لله تاثيرهما لم يكن عكسيا......مي بش نقرا المادة لي بعدها هنا نحصل
تعلمت انو لما نوصل لليسي ما نسال حتى انسان على اي معلومة لانو راح يخلطوهالي ونتجنب كثرة الكلامم بصفة عامة
قبل تسليم الاسئلة نقرا دعاء....اللهم لا سهل الا ما جعلته سهلا وانت تجعل الحزن اذا شئت سهلا.........وآية الكرسي.....عند استلام ورقة الاسئلة مشكلتي اني نروح طووووول للاسئلة بدون ما نشوف لا نص ولا سندات.......وهذا خطا كبير.......تعلمت ايضا اني نتجنب المحاولة في المسودة خاصة اذا ما تعلق الامر بالاسئلة البسيطة...........تعلمت اني كي نكون حاصة ما نطلش على الساعة بويسك راح نزيد نخلطها.............اما المشكلة الاخيرة لي ما قدرتش نحيها هي تسليم الورقة بدون مراجعة والخروج مباشرة بعد الانتهاء من الاجابة..........ما نعرف علاش ما نقدرش نراجع.......................تعلمت وتعلمت وتعلمت................اقولها كلمات .......ولكن لا ادري ان كنت قد تعلمت ام لا
بالتوفيق للجميع

A17 · 2011-12-02, 14:28

اكبر مشكل واجهني في الاختبارات هو الوقت وقلة التركيز
الفيزياء 4 تمارين كل تمرين اخد 2صفحات **هذا بالنسبة لورقة الاسئلة ****
راني حايرة ياربي تجيب الخير هدا العام

جبور عبد الحاكم · 2011-12-02, 14:36

استعمال المسودة امر مليح ولا لا تستعمل في الامور البسيطة
مي والفتها في الامور العصبة والبسيطة

قمر الزمان رؤية · 2011-12-02, 14:51

السلام عليكم و رحمة الله

انا تعلمت اني ما نسمعش للاستاذة كي يقولو هذي مش مهمة بل نراجع كل الدروس بدون استثناء

لانو استاذ الدروس الاضافية لما سالته باش يفهملي التقريب التآلفي لدالة ، قالي مش مهمة ، ما فهمتها ماحوست نفهمها و منبعد في الاختبار لقيت اول سؤال عليها

شكرا

نرجس المنتدى · 2011-12-02, 18:19

يعنى نفس النتيجة لالالالالالالالالالالالالالالالالالازم مانشوفوش ساااااااااااااااااااعة اطلاقا