|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
يلا يا لبنات رواحوا شاركونا هنا يومياتكم في الدار
 |
|
|
أدوات الموضوع | انواع عرض الموضوع |
2011-11-27, 21:32
|
رقم المشاركة : 301 | ||||
|
مساء الخير لبنات حتى وحدة ما دخلت و قاتلي واش دارت اليوم وكيف كان تطبيق البرنامج على كل هذا برنامج الغد بإذن الله و راني نستنى يومياتكم و مشاركاتكم الإثنين: تنظيف يومي للبيت +تنظيف الفرن عميق + تنظيف 3 دواليب المطبخ غسل الملابس ********* ما تنساوش اليوم قبل ما ترقدوا ديروا منظف الأفران على سطح الفرن و في الداخل وغدا بعد ما طيبوا القهوة ديروا الشبك نتاعوا الخارجي و الداخلي اللي في داخل( الكوشة) في كيس كبير للقمامة و بخوا عليهم المنظف حتى يبداوا يكحوا هههه و غلقوا الكيس وخلوه منقوع في الكيس مدة 15 دقيقة ومن بعد ديروه في المجلى و غسلوهم رايحة نخليكم في أمان الله تصبحون على خير
|
||||
|
2011-11-27, 21:39
|
رقم المشاركة : 304 | ||||
|
اقتباس:
راني كتبت في الصفحات وش عملت فكرة جديدة تاع الساشي باذن الله نطبقها في امان الله |
||||
|
2011-11-28, 06:30
|
رقم المشاركة : 306 | |||
|
السلام عليكم يا بنات يوم مبارك ان شاء الله |
|||
|
2011-11-28, 06:48
|
رقم المشاركة : 308 | ||||
|
اقتباس:
ماتضحكيش عليا حبيبة باش ندير كامل هذا المواد ونزيد نطبق البرنامج ديالك لازم نوظ على 4 صباحا  انت واش راكي مجربة هذه  او  لاني بوند منعرفهاش جامي شفتها املا واش جربتي جيدا انت شخصيا. غسول الوجه نستعملوا في مكان الصابون يك هكدا مارانيش غالطة . والمسك دييب ماهي منافعهه اعطيني اكثر تفاصيل والفازلين الخاص بالشعر اول مرة نشوفوا انا في الحقيقةنستعمل elseve DOV فقط نتمني تعطوني اكثر تفاصيل لاني راني روطار بزاف فهذا الامور على حساب واش راني نشوف 
|
||||
|
2011-11-28, 08:57
|
رقم المشاركة : 310 | ||||
|
اقتباس:
هههههههههههههه راكي سبقتيني
تبارك الله عليك بصح من بعد رجعتي رقدتتتتي... ولا خديتي البركة نتاع الصباح و بقيتي نايضة!!!!!!!!! آآآآه أنا تاني مازالت ما كملتش صيام ديني !!!!!!!!! واش رايك نصوموه معا بعض؟؟ قوليلي الأيام اللي رايحة تصوميها و نتافقوا الله يعينك حبيبتي البداية دايمن تكون شوية صعيبة لكن مين الجسم نتاعك يوالف زيادة نسبة الحركة أكثر من الأيام اللي فاتت رايح يوالف الروتين الجديد و تولي ربة منزل مثالية بإذن الله و تكون أعمالك على الدوام 100 في المئة و صدقيني قريبا جدا لن تقبلي إلا بهذه النسبة في أعمالك |
||||
|
2011-11-28, 09:37
|
رقم المشاركة : 313 | ||||
|
اقتباس:
الله يحفظك شوفي حبيبتي ماشي حاجة صعيبة باش ديري كامل هادو ما تنوضي على الربعة ما والوا انت لما تنوضي الصباح مارايحاش تغسلي وجهك؟؟ نعم!!!! إغسليه بغاسول الوجه اللي يوالم نوع البشرة نتاعك (أنا بشرتي دهنية و كان فيها حب الشباب و الحبوب السوداء) و راحة بطبيعة الحال تنشفيه بالفوطة الخاصة بيك نتاع وجهك.. فوتي عليه قطنة مشمخة بشوية ماء الورد باش يشد و يقفل المسام و مايدخلهاش ميكروب و يصفيلك البشرة و يوردلك خدودك طبيعيا و من بعد حطي كريم النهار من أولاي ولا بوندس(راهي موجودة في الأسواق ميزي مليح و رايحة تلقيها في كل المحلات ولا سقسي عليها تجار أصحاب محلات العطور و مواد التجميل و هوما يدلوك عليها) أنا إستعملتهم في زوج و لزوج ملاح و خرجولي غاية على وجهي و مانحتاجش نحط فوندوتا على وجهي أبدا أبدا هوما يلعبوا دور الفوندوتا اللي ينحط قبل الماكياج و من بعدها روحي قومي بأشغالك عادي ******* لما تحبي دوشي او تغتسلي كل يوم و ياريت الغسل الخفيف اللي غير مالفوق يكون الصباح بعد الإنتهاء من الأشغال و الإغتسال (دوش خفيف) يكون قبل النوم بساعتين على الأقل إختاري جيل دوش مرطب يرطب البشرة ما ينشفهاش ومن بعدها و نتي فالدوش حطي كريم فازلين مرطب بشرة الجسم ولا زيت اللوز راه مليح بزاف لتصفية بشرة الجسم و يوحد اللون للجسم و الوجه عن تجربة ( كل اللي قتلك عليه راني مجرباته و نديره يوميا) و مارايحش يبقى ماتخافيش لا ريحة ولا ملمس رايحة تتشربه البشرة فورا.. و حطي الكريم الليلي لوجهك ******* مرة كل أسبوع إذا كان شعرك ناشف كي تنوضي الصباح ديري ماسك الزيت(حمام زيت) لشعرك و غطيه بغطاء بلاستيك ثم فولار و خدمي شغالك و من بعد دوشي عادي... بالنسبة للغاسول و الصابونة أنا كان عندي حب شباب و الحمد لله قضيت عليه و هادا تاني كان تحدي عندي معا نفسي و فزت فيه بفضل الله قضيت عليه طبيعيا بالإضافة إلى الغاسول و الصابون و الكريمات نغسل وجهي على الأقل مرتين في اليوم و الأكثر 3 مرات فقط الصباح نغسل وجهي بالغاسول و في المساء بالصابونة (دوف بالليمون تصفي الوجه فعالة جدا) بالنسبة للماسكات للوجه و الشعر رايحة نرجع ليهم و نقولهملك بإذن الله شعري سبحان الله عطاني شعر مليح ماشي شباب بزاف لكن رحمة ربي لكن أنا القافزة كنت نمووووت على السيشوار ما عرفتش نحافظ عليه و خسرته حتى ولا ما يتشبه لوالوا رغم أني محجبة منذ سنوااااااااااااات يعني شعري ما تشوفهش الشمس و ما نديرلهش الصبايغ أبدا و مازاد الطينة بلة أني ما كنتش نلقى الفايدة في شامبوهات هيلد أند شودرز و بانتين بقيت نغسلوا بشامبو الأطفال "و تلك كانت الكارثة" هههههههه ( تحسبي راني نحكي فيلم سوسبانس) رغم ذلك "حرقته" نعم تحرقلي وقفت معا نفسي وقفة "رجل لرجل" هههههه أخذت قرار نرجعه مثل ماكان لأن ربي عطاني نعمة و أنا ماعرفتش نستحفظ عليها طلبت المغفرة من الله و عاهدت نفسي بإصلاحه طبيعيا + الشمبوانات و الماسكات الملائمة + ووعدت نفسي باش ما نزيدش ندير سشوار أبدا إلى ليلة عرسي ( و بالاك رايحة نستغنى عليه.. ههههه) بديت بالماسكات الطبيعية اللي كانت قاعدة مكوناتها: العسل الحر، زيت اللوز، زيت الخروع، زيت الزيتون، الخميرة، الزبدة.... و بديت نغسله بالشامبوهات السابقة واحد بعد الثاني كمراحل علاج بديت بدوف الأحمر ثم إنتقلت لدوف الأزرق اللي بدا يرجعلي الصحة لشعري ثم إلسيف لوريال البرتقالي تاني زاد حسنلي شعري أكثر ثم شامبو غارنييه اللي مازالني نستعملوا إلى الآن و الحمد لله راني برك نغسله و نشفه خفيف بالفوطة دون فركه بها حتى لا يتقصف من بعد نحط فازلين للشعر ومن بعد نلفه توربيون ساعتين على جيهة و ساعتين على الجيهة الثانية و الحمد لله رجعلي شعري صحي و منسدل و كأنني درت سيشوار نتمنى نكون أفدتك حبيبتي أرجو أن لا تستصعبي أي أمر في الدنيا أبدا إعلمي أن أي أمر فيه صلاحك أو صلاح أي شخص من حولك ربي راهو معاك و يوفقك فيه و مارايحاش تحسي بروحك غير و انتي دايراته و مكملاته سبحان الله |
||||
|
2011-11-28, 09:46
|
رقم المشاركة : 314 | ||||
|
اقتباس:
(((بيناتنا.. (رانا كيف كيف) هههههه)))
|
||||
|
2011-11-28, 11:52
|
رقم المشاركة : 315 | |||
|
صباح الخير لبنات |
|||
|
| الكلمات الدلالية (Tags) |
| لبنات, الدار, يومياتكم, رواحوا, شاركونا |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
عجبتني بزاف فكرة الكيس مع الفرن ساجربها ان شاء الله 
العرض العادي
