نهار العيد

[sarsora777]

السلام عليكم
نتمنى اليوم كل وحدة تحكيلنا كفاه فات نهار العيد مع لمة العائلة و الحباب ومع الشغل والمواقف المضحكة لي ممكن صارت معاكم ومع الشواء والبوزلوف ومع الاطفال الصغار

[sarsora777]

صح عيدكم وقيلة ما عجبكمش الموضوع

[sofiane2075]

عيدك مبارك و كل عام و الامة الاسلامية بالف خير انا متل كل عيد شغل برك ما نخرج ما يجوني اهلي في العاصمة مانقدرش نروح و نخلي اولادي صح كبرو بصح ماكانش لي يطيب عندي طفلة وحدة هي الاكبر بصح نهار العيد ماتدوش وين الكبش ملي كانت صغيرة و ماتحمل لا ريحة لا اكل حتى يخلاص الكل باش تولي تقعد معانا راني نطيب غير برة على جالها و زوجي وحيد هو يزور اهل كل عيد بصح مايجوش نعيد مع اولادي برك وهادا العام التاني لي وليدي و زوجته يعيدو في الغربة اما عن الاكل قليت كبدة و درتلهم الدوارة و في الليل طيبت البوزلوف واحد ماكلاه مايحبوهش و قليت لحم و اليوم ندير شخشوخة و بصحتكم و ان شاء الله ينعاد عليكم باليمن و البركات

[ميرة31]

انا اديت الكبش عند اخ زوجي ودبحنا جميع ............في جو الفرح بعيد الاضحى كنا صايمين حتى شوينا الكبدة فطرنا عليها ......

[sarsora777]

المشاركة الأصلية كتبت بواسطة sofiane2075

عيدك مبارك و كل عام و الامة الاسلامية بالف خير انا متل كل عيد شغل برك ما نخرج ما يجوني اهلي في العاصمة مانقدرش نروح و نخلي اولادي صح كبرو بصح ماكانش لي يطيب عندي طفلة وحدة هي الاكبر بصح نهار العيد ماتدوش وين الكبش ملي كانت صغيرة و ماتحمل لا ريحة لا اكل حتى يخلاص الكل باش تولي تقعد معانا راني نطيب غير برة على جالها و زوجي وحيد هو يزور اهل كل عيد بصح مايجوش نعيد مع اولادي برك وهادا العام التاني لي وليدي و زوجته يعيدو في الغربة اما عن الاكل قليت كبدة و درتلهم الدوارة و في الليل طيبت البوزلوف واحد ماكلاه مايحبوهش و قليت لحم و اليوم ندير شخشوخة و بصحتكم و ان شاء الله ينعاد عليكم باليمن و البركات

كل عام و انتم بخير ربي يكون في عونك حبيبتي صعبة الغربة

[sarsora777]

المشاركة الأصلية كتبت بواسطة ميرة31

انا اديت الكبش عند اخ زوجي ودبحنا جميع ............في جو الفرح بعيد الاضحى كنا صايمين حتى شوينا الكبدة فطرنا عليها ......

كل عام و انتم بألف خير بصحتكم اختي

[noor hassenl]

عيدكم مبارك تقبل الله منا ومنكم
نهار العيد الصباح فطرنا بالقهوة والقاطو ومبعد جا أبي من الجامع قبلنا عليه. وراح يدبرنا شكون يذبحنا الكبش بصح مالقاش كامل مشغولين لانه مايعرفش يسلخ .
واخيرا بعتولنا جيرانا وذبحوهلنا مع نتاعهم.
شويت الملفوف وأختي دراتلنا دوارة مقلية مع السلطة والمطلوع وفي المساء قسمنا اللحم وفي الليل دارتلنا أمي الطعام واللحم واليوم فطرنا بوزلوف

[imi122009]

ana rani m3a rajli felghorba rah sala mn ba3ed dhebah felmasejid w jabli klitlou lkebeda w lham wdouara jaw shabou klaw mn ba3ed chawet bouzelouf w dert menage ms lyoum kanou 3andi dhyef dert chorba frik w couscous w salade wlham mhamer w the m3a les gateaux bien sur saha 3idkom kamel .rani f la chine

[sofiane2075]

المشاركة الأصلية كتبت بواسطة imi122009

ana rani m3a rajli felghorba rah sala mn ba3ed dhebah felmasejid w jabli klitlou lkebeda w lham wdouara jaw shabou klaw mn ba3ed chawet bouzelouf w dert menage ms lyoum kanou 3andi dhyef dert chorba frik w couscous w salade wlham mhamer w the m3a les gateaux bien sur saha 3idkom kamel .rani f la chine

صج عيدك انت و عائلتك انا تاني اتني عايش في الصين عنده اكتر من عام ماجاش راه معا زوجته و حفيدي الاول زاد في الصين نتمنى تجوزي العيد بالصحة و الهناء انت و كل المغتربين

[bassamat]

صح عيدكم الكل
لعقوبة للعام الجاى
الموقف المضحك
انا خادمة مسكات للريدو بالورد و الاوراق خضراء طبعا
والنافذة كانت مفتوحة نلقاه السيد يجبد فى الورد ويمضغ فى الاوراق عيطت معلبلوش بيا
هذه الذكرى لى خلى هالى الكبش نتاعنا بالرغم من انى عيطت ودزيتو بالفروتوار الا اننى كل ما نشوف مكان الورد الماكول يغيضنى و نقول البارح كان معانا

[sarsora777]

المشاركة الأصلية كتبت بواسطة noor hassenl

عيدكم مبارك تقبل الله منا ومنكم
نهار العيد الصباح فطرنا بالقهوة والقاطو ومبعد جا أبي من الجامع قبلنا عليه. وراح يدبرنا شكون يذبحنا الكبش بصح مالقاش كامل مشغولين لانه مايعرفش يسلخ .
واخيرا بعتولنا جيرانا وذبحوهلنا مع نتاعهم.
شويت الملفوف وأختي دراتلنا دوارة مقلية مع السلطة والمطلوع وفي المساء قسمنا اللحم وفي الليل دارتلنا أمي الطعام واللحم واليوم فطرنا بوزلوف

بصحتكم اختي تاكلو بالصحة والهناء وكل عام و انتم بألف خير

[sarsora777]

المشاركة الأصلية كتبت بواسطة imi122009

ana rani m3a rajli felghorba rah sala mn ba3ed dhebah felmasejid w jabli klitlou lkebeda w lham wdouara jaw shabou klaw mn ba3ed chawet bouzelouf w dert menage ms lyoum kanou 3andi dhyef dert chorba frik w couscous w salade wlham mhamer w the m3a les gateaux bien sur saha 3idkom kamel .rani f la chine

يا حبيبتي ربي يكون في عونك راكي بعييييييدة ربي يقدرك على الغربة ان شاء الله يكون فات مليح خاصة كي يجوك الضياف ما تحسيش روحك وحدك وصح عيدك وكل عام وانت بألف خير عقبال العام الجاي
احكيلنا على الصين كفاه مدايرة

[sarsora777]

المشاركة الأصلية كتبت بواسطة bassamat

صح عيدكم الكل
لعقوبة للعام الجاى
الموقف المضحك
انا خادمة مسكات للريدو بالورد و الاوراق خضراء طبعا
والنافذة كانت مفتوحة نلقاه السيد يجبد فى الورد ويمضغ فى الاوراق عيطت معلبلوش بيا
هذه الذكرى لى خلى هالى الكبش نتاعنا بالرغم من انى عيطت ودزيتو بالفروتوار الا اننى كل ما نشوف مكان الورد الماكول يغيضنى و نقول البارح كان معانا

والله ضحكة ما عليه تجيك في الصبر ههههههههه صح عيدك وكل عام وانت بخير وكل العائلة

[miri_27]

عيدكم مبارك و كل عام و انتم بخير كيما هي العادة ليلة العيد جبنا الكبش ديالنا ولا ايدور في وسط الدار و جاتو حاجة مغريبة راح لدار يما وكسرلها المراية تاع الكوافيز في الغد من ذك صبت الشتاء عندنا و تعرفو مع التزرزيق تاع الدبيحة اتولي رايحة و راجع فيها لكن كان كلش ممتع لانه يقولو ناس بكري كي اتصب الشتاء تصفى القلوب و ايروح الثقال و هذي مليحة للعازبات بعدها شوطنا البوزلوف و اغسلنا الدوارة غير انا ويما لانه اختي الصغيرة ماتحب تاكل حتى شىء و تغلق فمها و نيفها و تقول لنا الريحة راهي رايحة تخنقني و راكم عارفين الحكايات الاخريين الفطور كبدة مشوية و في اليل دوارة و في الغد كسكس و لحم و شواء على الفحم و في كل وقت اللحم في لحم حتى ملينا منو و اليوم بسم الله اديت العطلة ديالي و جات ليا يما مع الصباح و جابتلي طبسي لحم مشوي اكليت حتى تنفخت باغية تقلبلي لتاي اديالي 44 كيما ولايتي .

[OU SS AMA]

سرسورة اختي الحبيبةفي داخل الأصداف يوجد اللؤلؤ، وفي داخلكم وجدت الأنسان و أجمل القيم . وإن كانت هنالك أشياء جميلة في حياتي ، فمن المؤكد معرفتي بكم هي واحدة من هذه الأشياء. فليحفظ الله الود بيننا ويجعل الجنة دارنا ويبارك لك بالعيد السعيد .يا الغالية عيدك مبارك وسعيد وكل عام وانت بخير ووفية للمنتدى يتوحشك الخير لقد كنت مريضة وبحمد الله شفيت وتعافيت والحمد لله والله لكي اكون صادقة معكن لقد مرضت اختي في هادا العيد فقد كان اللعيد بدن طعم........ اختي فلة..........احبها اكثر من اولادي ارجوكم الى كل من قرا ردي يدعو لها بالشفاء العاجل ارجوكم انا حزينة جدا فوق ما تتصورون تذكروها في كل صلاة.......