اقتباس:
المشاركة الأصلية كتبت بواسطة لأجل الجزائر
خذي مني هاذي النصيحة لما تروحي تدرسي ديري مليح بالي والديك راهم دايرين فيك الثقة ومتأملين منك كل الخير والخلق الحين وحطي في بالك مليح موقفك كبف كان يكون وشعور الأهل نتاعك لوان يعرفوا أن بنتهم تتمنى في الشباب
ومرة واحدة هي أمر مستحبل أن تتمناي واحد تكلمتي معاه مرة واحدة قولي مرات ومرات نصدقك
مرة واحدة تكلمتي معاه و تمنيتيه وعرفتي أنو ماعندوش مستقبل إذا حسب كلامك لو تكلمتي معاه10 مرات مثلا لوكان راكي توجدي الباسبورات باش تروحوا لماليزيا باش تعديو شهر العسل و15 مرة راكي توجدي شهادات الميلاد للولد نتاعكم باش يدخل يقري سنة أولى.
ألتاي بقرايتك وبقي الستر على روحك وخلي روحك نضيفة ليس مع غيرك لكن مع نفسك أولا لأنك بهذه الأفكار اللي في دماغك ماراح تكوني في حسن ضنهم وأسمحيلي لو كانت عباراتي ثقيلة شوية لكن والله العظيم راكي مثل أختي ونتمنالك الهناءولكن الهناء يجي للي يبقي الستر علىروحو
وننصحك نصيحة أخرى خالطي الشباب وماتقعديش بعيدة ومتعقدة من الكلام معهم كلميهم لكن كوني فحلة وأعرفي واش تحبي منهم وماتبعيش قلبك لأنو هو اللي راح يقضي عليك على حساب ما راني نشوف
كوني فحلة وحرشة يحبوك الناس لأني نعرف قصص عديدة لبنات تبعو قلوبهم و في الأخير صبحوا في ستين داهية كيما يقول المصري
أنا نفسي طيحت في الجامعة أكثر من14 طالبة لكن موش باش نلعب بيهم باش نفطنهم لأنهم كانوا بنات مجتهدات وكان لازم واحد يفطنهم قبل ما تطفر فيهم لأنهم في الجامعة و الجامعة فيها حرية ولوكان يطيحو مع واحد ولد حرام يلعب بيهم ويضيع المجهود اللي بذلوه 12 سنة من الدراسة حتى وصلوا للجامعة كانت نسبة نجاحي معاهم 100 بالمائة طيحتهم كلهم لكن بعد مدة خليتهم يفهموا بأنفسهم أنهم كانوا في وهم وصدقيني أصبحوا من الأوائل في الجامعة بعد ما نحاو من دماغاتهم هذه الأفكار وأنا اليوم نشوفهم كاين اللي منهم تزوجت وكاين اللي راهي تدرس في الثانوية ومنهم اللي تدرس في الجامعة لأنهم عرفوا كل شيئ بأنفسهم .
وماتكثريش بزاف من المسلسلات المصرية والتركية
سلاااااااااااااااااااااااااااااااااااااااااااااام
|
السلام عليكم
يا اخي
الى حد نهاية النصيحة الاولى (.... يبقي الستر علىروحو) راني معاك و عماك و كلش مشيتو هايل
لكن و لللاسف بدلت الكلام (تقول واحداخر جا كتب عليك) و اصبحت نصيحتك ثقيلة جدا
1- خالطي الشباب....(لقطة غريبة)
2- انا نفسي....طيحت14......(كلام سوقي بامتياز)
3- تعرفت على طالبات باش تفطنهم (حبستني من راسي) علاه ما قولتش نصحت طالبات باش يفطنو مش طيحت طالبات باش يفطنو
4- نسبة النجاح 100 بالمائة (يا سلام و نعم الفخر)
5- كون تحفتها و كملت (..عرفوا كل شيء بسببي) هذه النهاية الانسب تباعا لمجرى كلامك (ما نيش اديب و ما قريتش في حياتي)
للتذكير:
1- ما نيش ضدك يا خويا
ملاحظة:
السب و الشتم بين الاعضاء، ما هذا؟
ربي يهدينا
sadik
( تقرير عن مشاركة سيئة )، و الموجودة أسفل كل مشاركة .
2011-10-02, 23:07
العرض العادي
