اجتماعات بخصوص نتائج ضباط النظام العمومي

[ANTARATFZC]

المشاركة الأصلية كتبت بواسطة algerien002

اخواني السلام عليكم راني نشوف الناس كامل راهي مليحة غير انا اللي راني مهموم ونغبن في روحي على كل حال انتم خاوتي وتستاهلو
اتصل بي صديق طالب ضابط في الشاطوناف /// المصدر تاعي داخل المدرسة /// انو التربص رايح يكون في الشاطوناف و البليدة الصومعة والحاجة المليحة انو ضباط هدا العام رايحين تكون لهم امتيازات مليحة وهي مدة التربص 9 اشهر تكوين خاص fs وان شاء الله المعلومة صحيحة ارجو حاجة برك التفاعل بركاونا من المشاهدة فقط وكان الله في عون الجميع.

ياتيك الصحة أخي حتى أنا سمعت هدرة كيما هادي مي و الله ما قدرت نأمن مي و الله علاه ينقصو لمدة و يعطلو فالاستدعاء هادي اللي ما فهمتهاش وراه الهدف من كل هد التأخير ؟
المهم الله يجيب الخير و ياطينا الصبر من عندو ان شاء الله ناجحين
بارك الله فيك أخي ادا كاش ما بنلك حاجة شاركها برحمة الوالدين على الاقل نتبادلو آراء و أخبار

[algerien002]

نص رسالة في منتدى جريدة النهار
اخواني السلام عليكم بعدما ضاقت صدورنا واظلمت دروب مستقبلنا ارتايت فتح هدا الموضوع لاقص عليكم نيابة عن 2500 شاب ينتظر نورا ينير دربه بين ظلمات صدت سيره.
نحن اخواني خريجو جامعات ومعاهد حاملي شهادات ليسانس في اختصاصات عدة وضعنا ملفات للترشح لمنصب ضابط شرطة جويلية 2010 طمعا في الظفر بمنصب لائق يسد حاجياتنا ويكفل لنا العيش الكريم نحن وعائلاتنا وامتحنا بعد طول انتظار في البسيكوتقني ومررنا عبر الفحص الطبي وبعدها انتظرنا واستدعينا لاجراء الامتحان الكتابي والرياضي ولكن سعيد صامدي كان عاملا في تاجيل الامتحان وانتظرنا مرة اخرى حتى نعم الشارع الجزائري بالهدوء وتخلصنا من مسلسل سعيد سعدي لنفاجا بتغيير نمط الامتحان الى اختبار على اساس الشهادة ورضينا بمكتوبنا وطلب منا ملف لكي ننتقى على اساسه وانتظرنا ولم يفارقنا الاخير حتى استدعينا مجددا لنمر عبر لجنة وقلنا ماعليش واجتزناه والحمد لله في 05/05/2011 ومند دلك الحين ومازال الانتظار يزاحمنا الى يومنا هدا لنرى نور النتيجة التي بتنا ننام بها ونستيقظ عليها ونتحدث عنها في مجالسنا ونعربن زوجات المستقبل بها ولكن لسوء الحظ مازلنا ولازلنا ننتظر
بربكم يا اخواني هل رايتكم في العالم مسابقة تجاوزت 15 شهرا ومازال الخير للقدام؟؟؟
هل نحن اطارات صح في هاته البلاد وننال الاحترام من طرف مسؤولينا؟؟؟
هل يستطيع الهامل تكريمنا بشيء واحد وبسيط وهو اعلان نتيجتنا التي انهكت عاتقنا واولياءنا من الانتظار ؟؟؟
يا سيدي الا ما قيموناش على مستوانا ووجوهنا الشاحبة من الاستزوال---زوالي--- قيمونا على اساس رايحين نضحوا بحياتنا وراحتنا من اجل خدمة البلاد والعباد.
اريد من ادارة المنتدى او اي مشارك من اهل العلم ان يوجهنا او يساعدنا لنوصل كلمة 2500 شاب ينتظربصيص امل لمهنة كنا نتمناها مند كنا صغار عبر مقال في جريدة النهار منبر المظلومين.
ونشكركم على تعاونكم وتفهمكم لمعاناتنا نحن مترشحو ضباط شرطة للنظام العمومي
وتحيا الجزائر وتحيا الشهداء الابرار.

[ANTARATFZC]

رسالة مؤثرة لوكان تلقى آذان تسمعها و أين تفراها فالحق مرات نقول هاد التعطال كامل لحاجة في نفس يعقوب يعني سور تكون كاينة سبة صحيحة يا إما كشفو صحاب البيسطون و المعريفة ولا هاد التربص الخاص يلزمو تحضير خاص لأن لو كان عادي كنا دخلنا مع الضباط الي دخلو ل سيدي بلعباس
المهم على حسابها راهي رايحة ل جانفي ان شاء الله برك يحررو النتائج و يخبرونا باه كل واحد يعرف طريقو

[djoseph]

تقولوا ما نرفدش السلاح ......نرفد السلاح و نرفد الكلاش.....كيما رفدوا بابا......
لكن السلاح في لابوليس ...نتوما تباسوني