استفساراتكم حول مدرسة الشبه الطبي

[nounouhendi]

أنا متحصل على شهادة البكالوريا تقني رباضي هندسة ميكانيكية معدل 12.87 هل لي الحق في المشاركة في المسابقة

[bahar14]

المشاركة الأصلية كتبت بواسطة احمد 1559

الاختbahar14 اذا اتصلتي بيهم خبريني من فضلك على كاش جديد انا ثاني حاب ندفع الملف نتاعي في تيارت

اخي احمد انا دائما في اتصل مع المدرسة و راهم قالولي بلي يشدوا الملفات بعد العيد
هذا الرقم الخاص بالمدرسة لي ولاية تيارت 046417861

[الفارسة الشجاعة]

أختي هل انت متأكدة سور يبداو يشدو لي دوسيي مور العيد
و ماسقسيتيش اذا رجعوها تابعة للجامعة
صح فطورك

[wailmira0129]

المشاركة الأصلية كتبت بواسطة bahar14

اخي احمد انا دائما في اتصل مع المدرسة و راهم قالولي بلي يشدوا الملفات بعد العيد
هذا الرقم الخاص بالمدرسة لي ولاية تيارت 046417861

نتمنى أن يكون الخبر صحيح ان شاء الله

[bahar14]

المشاركة الأصلية كتبت بواسطة الفارسة الشجاعة

أختي هل انت متأكدة سور يبداو يشدو لي دوسيي مور العيد
و ماسقسيتيش اذا رجعوها تابعة للجامعة
صح فطورك

اختي فارسة الشجاعة راني سور بلي يشدوا ملفات بعد العيد علي خاطر راني دائما باتصال بيهم
ماسقسيتش اذا راجعوها تابعة لي الجامعة مي ان شاء الله نسقسي عليها و نردلك الجواب
صح فطورك

[houssem20057]

ديري مزية كي تسقسي bahar14..........جزاك الله خيرا

[الفارسة الشجاعة]

المشاركة الأصلية كتبت بواسطة bahar14

اختي فارسة الشجاعة راني سور بلي يشدوا ملفات بعد العيد علي خاطر راني دائما باتصال بيهم
ماسقسيتش اذا راجعوها تابعة لي الجامعة مي ان شاء الله نسقسي عليها و نردلك الجواب
صح فطورك

شكرا لك و جزاك الله خيرا

[هديةالرحمان]

الادبيين يقدرو يسجلو فيها التسيير والاقتصاد لالا؟؟؟
وصح كل ولاية كي تحتاج تحل المسابقة يعني ماشي كل عام كاينة
وتقدري مثلا الباك نتاعك يكون عندوعام يعني ماشي جديد مثلا انا هاد العام جبت الباك ولا قدر الله اذاماصلحتليش الشبه اطبي نقدر نكمل في الجامعة والعام الجاي نزيد نسجل فيها ..؟

[الفارسة الشجاعة]

المشاركة الأصلية كتبت بواسطة هديةالرحمان

الادبيين يقدرو يسجلو فيها التسيير والاقتصاد لالا؟؟؟
وصح كل ولاية كي تحتاج تحل المسابقة يعني ماشي كل عام كاينة
وتقدري مثلا الباك نتاعك يكون عندوعام يعني ماشي جديد مثلا انا هاد العام جبت الباك ولا قدر الله اذاماصلحتليش الشبه اطبي نقدر نكمل في الجامعة والعام الجاي نزيد نسجل فيها ..؟

الادبيين ماعلباليش اذا يقدرو يسجلو في الشبه الطبي
و المسابقة في كل عام كاينة
و تقدري تزيدي تسجلي العام الجاي اذا ماقبلوكش العام هذا مي انشاء الله يقبلونا كامل
صح فطوركم

[امل12]

السلام عليكم
والله غير بقيتو فيا كي بلوكاو العام في الشيه طبي مي ماتفقدوش الامل يلا مافتحوش هاد العام العام الجاي ان شاء الله
المهم راني جايبتلكم خبر مفرح بالنسبة لمساعد ممرض ريهم بداو يدفعوا لي دوسيي .
ولي مايعرفش هاد التخصص نقوله هاد لبرونش يدخلوله الغير حاصلين على البكالوريا يعني نيفو تارمينال مي دروك راني نشوف ريهم يدخلوله مام لي ليصونسيي باسكو تقراو عامين وتخرجة لوبوست مضمون
يعملو فيه كونكور اوغال وايكخي (يعني شفهي وكتابي ) وربي يوفق الجميع لي عندو اي استفسار يتفضل يلا نقدر نساعده ولا مانقدرش راني نخدم قدام مدرسة الشبه طبي نروح ونستفسرله
انا ننصح بيها كل واحد مالاقيش راسه برك خمو مليح
والله ولي التوفيق

[done63]

بليز اريد خبر اكيد الا كاين ولا ما كانش الشبه طبي هاد العام

[امل12]

قتلكم الاكيد في هاد الساعة هو تخصص مساعد ممرض (ats)

[وهيبة186]

شكرا اختي

ربي يفرحك

مساعد ممرض و الممرض عندهم نفس الراتب؟؟؟؟؟

نستنا جوابك

تحياتي

و شكرا مسبقا

ربي يوفقك

[samar1993]

السلام عليكم



اختي امل اريدكي سؤالكي
انا ديت الباك وقعدت نقارع للبراميدكال اللي بالباك ولكن الله غالب ما داروهاش
والسنة دارو تاع مساعد ممرض انصحوني يا خاوتي نسييي زهري معاها وندفع الدوسيي ولا ماهيش مليحة قوليلي
وقوليلي شعال يخلصوهم مساعد ممرض وشاهو الفرق اللي بيناتهم


وجزاكم الله خيرا

[العلم حياتي]

أختي
الناجحين ثاني يقدرو يشاركو قالو بلي مكانش هذا العام صح ولا لالا