نزوجو ولا لا ادخلو ونصحوني تعيشو

[~~ أغيلاس ~~]

المشاركة الأصلية كتبت بواسطة دنيا55

شكرا لكم كامل
يعني آرائكم انيس نخليه يجي يقول كلشي لاهلي؟؟؟؟؟؟؟

ما تخليهش يقول كلش لأهلك، تغداي بيه قبل ما يتعشى بيك، شاوري يماك و الحلول كثيرة، الشرطة، أو إيلا عندك خوك كبير و رزين قولي ليماك تكلمو بدون ما يسمع باباك، خوك يدي واحد من صحابو الثقة معاه و يروحو يشبعوه عصا بش يتربى .

ما تبقايش قاعدة و تقولي سوف يأتي و يفضحني، اقفزي على روحك و شاوري يماك مليح و اعقدي معاها جلسات متعددة و متكررة حتى توصلو لحل بش تربيو الذيب و تأدبوه، و ما كان لاه تخافي، انتي غلطتي وراكي تحاولي تصلحي الخطأ و ربي يوفقك إن شاء .

نحكي حكاية أخرى حدثني بها أحد أحد أصدقائي الذي يدرس في كلية من الكليات ، كانت هناك طالبة جميلة جدا و أخذ أحد الأساتذة في الجامعة يتغزل بجمالها أمام الطلبة و الطالبات بوقاحة، و كانت هذه الفتاة متجلببة، تعرفي وش دارت ؟ ؟ ؟ في الغد أحضرت أخاها إلى الجامعة أوجع ذلك الاستاذ ضربا داخل الجامعة و أمام مرأى الطلبة، يعني رباه لأنه لو كان كان مربي ما يتغزل ببنات الناس، هذي الفتاة المتجلببة طفلة حرة و لازم لبنات كامل يكونو مثلها .

[asma_53]

salam 3alikoum ida takhdi bnasihti ghayri ra9m téléphonek wbima ena msarha mamak matkhafich khlas wzid wahed kima hada takdi enk rah tet3adbi f hyatk wtakrhi nhar li zedti fih habibti ansay enk 3raftih wghayri koul chi mt3ala9 bik wya3rfou wkamli fi mousaraht mamak wrabi y3awnk wyhdina ajma3ine

[nadjet45]

السلام عليكم اختي ما تخافيش مدام راكي خبرتي يماك غيري رقم هاتفك وادا تقدري احكي لواحد من فاميلتك ولد خالك المهم تكوني دايرة ثقة فيه وهو يهدر معاه ويشوف واش يديرله خطيك منه وادا هدك انتي تاني هديه بينيله بلي وراءك رجال عظماء ما تبينيلهش بلي راكي خايفة كوني قوية وصلي واكثري من الدعاء في هدا الشهر وان شاء الله تتحل المشكلة وصح فطورك

[ناصرالدين الجزائري]

المشاركة الأصلية كتبت بواسطة دنيا55

شكرا لكم كامل
يعني آرائكم انيس نخليه يجي يقول كلشي لاهلي؟؟؟؟؟؟؟

عندك خيارين :

-الخيار الأول هو أن تتوبي الى الله توبة نصوحة و اقطعي كل اتصال به و لا تردي على رسائله .. مع احتمال ضئيل جدا بأن ينفذ تهديداته لأنه سيواجه تبعات اعماله اذا فضح كل شئ ... و توكلي على الله فهو سيتكفل بستر عباده التائبين ..


- أما الخيار الثاني فتبقين عبدة تابعة لذلك الشاب و تلبين له كل نزواته حتى يكره منك و يرميك كالجورب القديم .. مع احتمال ايضا يفضح كل ما فعله بك لأهلك أو يفضحك أمام الناس ...


لك الاختيار ....

[مريم قسنطينة]

المشاركة الأصلية كتبت بواسطة دنيا55

شكرا لكم كامل
يعني آرائكم انيس نخليه يجي يقول كلشي لاهلي؟؟؟؟؟؟؟

سلام ، هذا ارخص و أجبن من انو يقابل باباك و يفضحك ، اقطعي الإتصال بيه نهائيا و اتكلي على ربي اليوم قبل غدا ، و ما تخافي من والو ما رايح يدير حتى حاجة راه جبان

[* زهرة البنفسج *]

من دون تفكير ومن دون حيرة وبلاما تسقسي لا تتزوجيه لانه غير كفء

أختي ربي يفرج عليك ويهنيك

[اميرة]

المشاركة الأصلية كتبت بواسطة دنيا55

السلام عليكم ورحمة الله تعالى وبركاته
اولا رمضان كريم ليكم كامل حكاية طويله رغم اني اختصرتها كملوها مادابيكم حتى للآخر
راح ندخل فمشكلتي مباشرة
عندها عامين ونص مللي تعرف على واحد فالنت
المهم حكينا شوي كأصدقاء
وواحد النهار كنت حاطه فالبروفيل تاعي فوطو تاع طفله لقيتها فالنت
شافها فالبروفيل تاعي قالي هذي نتي قتلو ايه
المهم عجباتو هاذ الطفله وطاح فيها وكلشي
وهو يحسب انو هاذ الفوطو تاعي
رجع يبات ليله كومبلي وهو يكتبلي وحبني بزاااااااااااااااااااااف ولا خلي نقولو حب هاذ الصوره بزاف
بعدها ب6 شهر عطيتو رقم الهاتف تاعي
وبعد مرور ثلاثة اشهر قررت نحبس هاذ اللعبه ونبعد عليه لانو غاضني ومحبيتش نتمسخر بيه كثر
عيطتلو قتلو خويا ربي يهنيك
قالي لالا وانا حاب نزوجو ونجي نخطبك ........الخ
قتلو لالا انسى بللي تعرفي وتهلا فروحك وكوبيت عليه
غدوا الصباح عيطلي قالي راني فولايتك (هو مش من ولايتي)
المهم حوس علي بالمعلومات الخاطئه اللي مديتهالو مالقانيش
ومبعد عيطلي وبدا يتوسل فيا قبلت نتلاقاه
شافني من لبعيد للبعيد وراح عرفت بللي السيد اخينا (خوانجي)
كي رجع لولايتو حكينا وقررنا نكملو فالعلاقه لانو انا بدات تعجبني عقليتو واخلاقو (الزائفه)
وبعد مرور اسابيع تبادلنا الصور
المهم كملنا فعلاقتنا وبعد عام زاد جاني شفتو من لبعيد كي العاده
وكنا مقررين نزوجو كي نلحق انا 18سنه
وبعد 6شهر زاد ولالي زدنا تشاوفنا ومبعد قالي ماعجبتينيش
انا لهنا غاضتني قتلو هذا وين باه تهدر؟؟
علاه ماهدرتش فاللول وخليت حتان فات عام ونص ؟؟؟؟
قالي هذي هي ومقدرتش نزيد نخدعك
قتلو مالا خلاص منكملوش هكا فالحرام مادام ماناش حانزوجو نتفارقو خير
لهنا ماتقبلش هو الفكره وكي شافني حانبعد صح بدا فمخططو الدنيء
راح لم الفوطوات تاعي اللي عندو
ورجع يحكي معايا ويسجل
ومبعد قالي راه عندي ملف صورك+تسجيلات
لوكان تخليني نبعثهم لاهلك
المهم عشت ايامات عصيبه مع تهديداتو وكنت نقول معليش ربما هذا عقاب من عند الله
نسلك فالدنيا خير
المهم عيشني تقريب عام كحل غير التهديد ونحكي معاه ولا يهدد ويسبني وووووووو
حتان جا نهار كرهت خلاص قلت نصارح امي لانها قريبه ليا
لامتني وعاتبتني وسبتني ومبعد قاتلي خليه واللي حب يديرها يديرها
جا عند ابي زعما باه يفضحني
وكي لحق عندو فآخر لحظه تراجع وماقالو والو
سترني ربي والحمد لله
وضرك راه يقولي راني حاب نزوجو قتلو انا لالا خلاص كرهتك ومنقدرش نتخيلك راجلي
وقتلو حابه نكمل قرايتي فالجامعه
قالي معليش راح نبعد عليك
بعدها ب3ايام قالي لالا مكانش قرايه وتزوجيني ولا نفضحك
انا حابه نكمل قرايتي وندير ديبلوم فيدي اما الخدمه منخدمش بصح هو مخلانيش نكمل الجامعه
وديجا كرهتو من الشي اللي دارو فيا
وتعقدت منو وتبالي منقدرش نكون هانيه معاه
وحاساتو مش داير فيا ثقه
يقولي البورتابل مكانش ورا الزواج والنت كيف كيف
واهلك متروحيلهمش بزاف والسكنه مع دارنا
علابالي بللي غلطت غلطه كبيره بصح هذا هو الصغر والنيه
فقت لكن بعد فوات الاوان
منيش حابه اللوم حابه النصيحه على هذا قصدتكم
وان شاء الله يعتبرو لبنات من قصتي ووحده مايوسلها الشيطان ولحكايات هذو كاينين فالواقع مش غير فالأفلام كيما يحسبو بزاف
اعطوني رايكم نزوجو ولا لالا؟؟؟

هذا نذل ومايحشمش اختي والله غير اخطيك اخطيك منو قوليلو ربي وكيلك اذا فضحتني بليفوتو والتسجيلات وتقدري تشتكي بيه اذا هددك بليفوتو قولي سرقهملي
وانتي ماتعمريش راسك بيه كملي اقراي واذا كتب ربي يجيك مكتوبك وهو قيسيه فالثقيل مايدير والو بيهم يقول برك لانو اذا جبدهم رح يتعاقب والله انتي تشتكي بيه
ماتديريش على التهديدات والله مايدير والو يخاف مايطلقوهش ماراهيش ساهلة الحالة غير روح ورواح وانشر صور بنات الناس هييييييييييييييه والله غير يباصي يدخل للحبس
اخطيك منو قوليلو دير واش تحب المهم تنشر تصاوري تعاشي فالحبوسات مرمي
عندكي تتزوجي بيه راه يقعد حياتك كاملة وهو يذل فيك يقولك انقضتك من الفضيحة .......الخ

[kamikaz-dz]

نتي خدعتيه وهو خدعك ولوكان تزوجيه تبقاو فالخدع
بدلي رقمك
بعدي على النت
احكي لداركم كلشي بيسك غير هوما لي يسمعوك

[عبدالرحيم75]

ديري في بالك بلي راهو باغي يزوج بيك باه ينتقم منك ويخليك عايشة كل أساليب المرارة والهوان والمذلة ،كيفاه يقولك النقال بعد الزواج مكانش وداركم مكانش وأنت تسألي نزوج به ولا لا انت واش بيك ؟؟؟؟؟؟؟؟؟
اما عن تهديداته لك ماتخافيش من هذا الزي راهو يستغل في ضعفك فقط ويكذب عليك صدقيني مايقدر يدير والو ،وإذا كشما يحب يدير قوليلو أنا بعد عندي التسجيلات عليك تاع تهديدك ليا وتتحرك نفضحك أمام الشرطة والعدالة
* بدلي رقم الهاتف نتاعك وأقطعي الإتصال معه ومع غيره عبر النت
*** أحشمي على روحك وهني والديك وعقالي وديري العقل في راسك ،كي ماتخميش على روحك أنت ،شكون لي يخم عليك ؟ ،وربي ساترك أنت راح تفضحي روحك ؟؟؟؟؟؟؟؟؟؟؟؟؟؟؟

[فاطمة الزهراء31]

السلام عليكم
أختي ماكانش لميغلطش ومشي عيب لي يغلط العيب لي ميعرفش غلطتوا وين راها
أنا ننصحك تخطيه وماتحوسيش عليه وتنسيه وتقلعيه من مخك علابالي صعيبة شوية عليك بصح تقدري تخطي هدي المرحلة بصلاتك وايمانك وثقتك بربي وربي يبغيك مادام عرفتيه على حقيقته هدرة قاع للبنات ماكنش راجل يهدر معاكم ويقولكم راني نتمسخر كامل يدخل بالنية الطيبة والزواج والبنات يأمنوا ديرو ربي في قلبكم ولي بغاكم عندكم باب تاع حديد معندكش ليزار
ختي دنيا كملي قرايتك في جامعة وديري القلب وتخرجي وتثبتي روحي مزال الحياة قدامك طويلة ولازم يكون عندك طموح وثقة في روحك
خليه وبدلي نميرو تاعك واحده ينساك مايقدر يديرلك والوا لاخطرش مش من ولايتك حتى ادا جا كدبيه تراب لمشيت فيه ماترجعيش تمشي عليه ولي خلقو خلق غيرو
صح فطورك وتهلي في روحك وماتخميش فيه مايستهلكش ختي دنيا

[¨°o.رغـ{د الاسلامـ .o°¨]

السلام عليكم اختي
يدير العشرة ويقرص ميديرلك والوا مادام ماماك راهي عارفة خلايها هي تستكلف بكل شيء
واخطيك منو
علاه تروحي بعيد ياك كاين ربنا سبحانه وتعالى وميقدير يدير والوا
متخليلوش الفرصة باش يهددك هذاك ماهوش انسان
انا عطيتلك نصيحتي بالاكي تتزوجي بيه
مازال الحال

[^^prIncessA]

mankdbch alik kn jit f plasstk yghtas roho fel3ssl
w dabor khalih ydir wach ydir thanay man galbak w kissih b3id
nas kima hado ------->la poubelle (akramakom allh)

[دنيا55]

المشاركة الأصلية كتبت بواسطة عبدالرحيم75

ديري في بالك بلي راهو باغي يزوج بيك باه ينتقم منك ويخليك عايشة كل أساليب المرارة والهوان والمذلة ،كيفاه يقولك النقال بعد الزواج مكانش وداركم مكانش وأنت تسألي نزوج به ولا لا انت واش بيك ؟؟؟؟؟؟؟؟؟
اما عن تهديداته لك ماتخافيش من هذا الزي راهو يستغل في ضعفك فقط ويكذب عليك صدقيني مايقدر يدير والو ،وإذا كشما يحب يدير قوليلو أنا بعد عندي التسجيلات عليك تاع تهديدك ليا وتتحرك نفضحك أمام الشرطة والعدالة
* بدلي رقم الهاتف نتاعك وأقطعي الإتصال معه ومع غيره عبر النت

*** أحشمي على روحك وهني والديك وعقالي وديري العقل في راسك


،كي ماتخميش على روحك أنت ،شكون لي يخم عليك ؟ ،وربي ساترك أنت راح تفضحي روحك ؟؟؟؟؟؟؟؟؟؟؟؟؟؟؟

اوزن كلامك شويا خويا منيش نمشي عريانه البرا
الناس كامل تغلط
وانا قلت حابه النصيحه مش اللوم لاني عرفت غلطتي وتبت والحمد لله
على العموم شكرا

[دنيا55]

شكرا لكل من مر بالموضوع وقدم لي النصيحه
حابه نقولكم برك الجماعه اللي تقولي انسايه انا ناسياتو وكرهتو
والفضيحه مش خايفه على روحي علابالي اذا خلات طول طريحه وتفوت
بصح الاهل يبقاو ديما يشوفو فيك حاجه اخرى وتروح الثقه
وربما يتخرب البيت ووووو
شكرا ليكم واحد واحد
بارك الله فيكم

[ربي اغفر لي]

يجب ان تعتبرو من هده القصة يا بنات