حلوة لعرايش اممممممممممممممممممم

[ورود الشتاء]

حلوة لعرايش اممممممممممممممممممم

استعملت250غ مارغرين 250غ زيت+1.5كغ فرينة /750غ لوز مرحي /150غ سكر قلاص /حوالي قرعة ماء زهر /عجينة لوز /ملون ولماع غدائي هد المقادير تقطعلي حوالي 100حبة

المقادير (سعة الكوب 250ملل )
1كوب مارغرين+1كوب زيت

6اكواب فرينة
م/طعام فاني
رشة ملح
باكي خميرة الحلوة
نفرك المكونات السابقة بين يدينا ونجوزهم في غربال باش نبسسهم مليح
نلم ونعجن خفيف بالماء والما زهر حتى نتحصل على عجينة لينة نغطيها نتركها ترتاح مدة طويلة انا خدمتها لعشية ودخلتها للتلاجة
نحضر الحشوة 250غ لوز +50غ سكر قلاص +م/ط زبدة دائة ونلم بماء زهر حتى نتحصل على على حشوة متجانسة
نشكل كويرات قد حبة البندق ونتركها في التلاجة

نقسم العجينة قطع


نغطيهم ونبداو نحلو بالحلال على طاولة مرشوشة بالمايزينا تم في الماشينا تاع البقلاوة رقم 1 تم رقم3 هكدا نتحصل على حبات بنفس السمك
نقطع دوائر حسب الحبة الي تحبي تخرجلك انا استعملت الدائرة قطرها 10 سم

نحل كويرات الحشو حرابيش صغيرة ونشكل حرفyفي وسط الدائر نتاع العجين

نغلق طرف الايمن تم الطرف التاني تم اطرف الفوقاني ونقلب الحبة ونشكل باصابعنا الشكل نحطهم في السينية مرشوشةابلمايزينا نتركهم يرتاحو 1/2 ساعة



ونقلب الحبة ونشكل باصابعنا الشكل نحطهم في السينية مرشوشةابلمايزينا نتركهم يرتاحو 1/2 ساعة



نطيبهم في كوشة مسخنو مسبقا 180دلحد ما يشقر لونهم

نتركهم يبردو ونغطيهم بكيس باش يبقاو طريين

نحضر عيجنة اللوز ونشكلها
وردات صغار او اي شكل اتفضليه او يمكن انك تستغناي عليها




نحضر الطلية


4بياض بيض +2كيسان شاي ما زهر +2كيسان شاي عصير ليمون+2م/طعام زيت +(4*700غ )2800غ سكر قلاص مغربل


نلون الطلاء ديالنا حسب الرغبة


نطلي الحلوة ونحطها فوق شباك لكي نسترجهع الطلاء الي طاح من الحلوة

نتركها تنشف شوية ونحطها في سينية نزينها بعجبنة اللوز نديرلها ملمع غدائي حسب اللون


نتركها تنشف ليلة نحيلها الحواف تاع الطلية الزائدة بالسكين وباليد فقط ونحطها في حاويات

[أمل العرب]

سلمت يمناك هاااايلة
وبما أني اول من رد ونحب الحلوى بزاف ندي حقي,,,,,,,,
حبيت نسألك عن العجينة اذا تجي هشيشة ...والحشو اذا يخرجلك طري بعدما تطيبي الحلوى؟؟؟

[ايمان العرب]

ماشاء الله خرجتلك روووووووووعة
اختي هذا القلاساج الي عملتيه يطول عندك و ماييبسش
لانو ران نحوس على قلاصاج الي مثلا يمر شهر عليه و ماييبسش

[ورود الشتاء]

المشاركة الأصلية كتبت بواسطة أمل العرب

سلمت يمناك هاااايلة
وبما أني اول من رد ونحب الحلوى بزاف ندي حقي,,,,,,,,
حبيت نسألك عن العجينة اذا تجي هشيشة ...والحشو اذا يخرجلك طري بعدما تطيبي الحلوى؟؟؟

الحلوة تجى هشيشة كى تعود فيها الزبدة تجى مبسة الواحد يعرف قدار واش يحط الحشوة كى تعرفى تديريها سواسوا تجى نورمال شكرا على ردك

[حنان امرأة]

مساء الخير
ما شاء الله
الله يخليك على هذه الحلوة
شابة بزاف

[remadna]

الله يبارك
يعطيك الصحة

[وداد100]

يعطيك الصحة وبارك الله فيك

[sweetgril22]

هايل الله ابارك اعليك

[tamara31]

مشاء الله وتبارك الله عليك بصح قوليلي ادا قلاساج كي ينشف يولي يابس ولا لا

[محاربة الصحراء 19]

حلوة هايلة انا نموت على لعرايش
بصح قوليلي ختي كيفاه درتي عجينة اللوز

[*شهد العسل*]

يعطيك الصحة هايلين غسات جديدة نجربها

[*سماح 94*]

يعطيك الصحة عمل متقن

[ميمي2012]

يعطيك الصحة يا الشاطرة نشكرك جزيل الشكر

ولكن أختي أول مرة نسمع نحطو خميرة الحلوة

الشكل أختي يقعد هو هو ميخسرش أرجوك ردي عليا

لكي مني كل الود و الإحترام

[khaloussa]

merci 3la lwasfa
looooooooooooooooooooooooooooool

[عواطف24]

شكرا لك على الشرح ..ويعطيك الف صحة وتسلم ايدك .