قبل قليل رحت للسونطرال ورحت للمكتب وين عملنا التحقيق ولكن الشخص اللي أديت التحقيق عنده لم اجده وجدت شخص آخر : وقعدت نسأل فيه شوية
قالي ما يرسلوش الإستدعاءات حتى تنهي كل الولايات التحقيق بخصوص المتشرحين باش يرسلو الإستدعاءات للدخول مرة وحدة.. إنتهى كلامه..
يعني نحن أعضاء منتدى الجلفة يلزم نعرفو الحين هل كل الولايات مترشحينها للضباط عملو التحقيق ام مازال كاين ولايات لم تصلها قائمة الناجحين لكي يأدوا التحقيق معهم!؟؟؟
حينها إن وجدنا أن كل الولايات خلاص وصلتها القائمة للتحقيق ودارو التحقيقات حينها سنعرف مبدئيا وقتاش يكون الدخول ووقتاش تلحق الإستدعاءات..
قلتله في ميزك الدخول وقتاش قبل أم بعد رمضان
قالي حنا مانخدموش بهاد الطريقة نتاع قبل أم بعد شهر رمضان
قالي : لما تنهي كل الولايات التحقيق سيبعثون الإستدعاءات للناس اللي التحقيق نتاعهم مليح... قلتله ( هل يعني : اللي عيطوله للتحقيق وتحقيقه سليم المفروض رابح : قالي أكيد إن شاء الله : قالي أصلا رسلولنا نديرو التحقيق مع الناجحين في المسابقات وليس تحقيق لأي شخص -- يعني اللي عيطوله يدير التحقيق ناجح إن شاء الله يبقاله التحقيق برك -- وحبيت نسأله أكثر باش يكون الكلام مليح مليح : صمطت عليه ههههه : قلتله صحا سؤال آخر سمحلي : قلتله تخيل واحد دار التحقيق وتحقيقه سليم : هل يمكن يعملوله كانش عفسة ومايرسلولهش الإستدعاء : قالي لا ماكانش منها :: قلتله صحا لوكان وحداخر يحب ينحيني زكارة من القائمة ويحط شخص آخر قالي لا يا خويا ماكانش منها : قالي مادام عيطولك التحقيق أمالا يجيك الإستدعاء ::: شفني مسكين هبلته هههههههههههه
والله حبيت نحطلكم التفصيل باش البعض يطمأن شوية ويرتاح
وانا صارحته الحقيقة قلتله ياودي خايف قاااع نقعدو نستناو الإستدعاء ومن بعد مايجينا والو : قالي لا يجي بإذن الله ماتتقلقش خويا هههه المهم بارك الله فيه أجابني مليح
والبعض اللي نشوفهم يكتبو هنا أنه مايستقبلوهمش مليح ويعمموا في الحكم على كل الناس فماشي مليح يا جماعة والناس مش كيف كيف : كاين المليح وكاين القبيح :: يعني صح يمكن تروح تسأل تلقى شخص ماعندهش إحترام ولكن مش معنتها ماكانش أشخاص تما مايحتارموش :: يعني لقيت شخص مايجاوبكش : خلاص إسأل آخر ::: وخصوصا راني نقولها للجماعة اللي راهم يقولو أنهم يروحو يسقسو على التحقيق نتاعهم وهل وصل إسمهم وكاين اللي مايجاوبهمش : يعني سألت واحد لا زيد سقسي آخر : وسيماهم في وجوههم : يعني اللي باين من وجهه ماطايقش روحه ماتسألهش وطريقة الحوار مع الأشخاص تلعب دور يعني باش تتواصل مع شخص حتى في الحياة بصفة عامة يلزم تحكي في البداية بإبتسامة وطريقة لطيفة نوعا ما ماشي طريقة السؤال نتاع قولي ولا نزعف!!!
المهم ربي يوفق الجميع وسمحولي طولت عليكم مع أني مانحبش نحكي بزاااف ^_^ ولكن حكيت بالتفصيل الممل جدااا من أجل عيونكم...
بالتوفيق لنا جميعا يااارب...
( تقرير عن مشاركة سيئة )، و الموجودة أسفل كل مشاركة .
2011-07-13, 16:17
quand
عاجل
العرض العادي
