أفكار ؟؟ أكلات صيفية ؟؟

المتفائلة7 · 2011-07-12, 15:59

السلام عليكم..

حبيت نسقسيكم خواتاتي واش راكم تاكلوا واش راكم طيبوا في هاد السخانة؟؟؟

تعيشوا قولولي انا تلفتلي راني مريضة ومع هاد السخانة معرفتش واش نطيب .. اعطوني افكار ... قولولي واش راكم طيبوا؟؟ واش راكم تاكلوا؟؟

*بيتي مملكتي* · 2011-07-12, 18:13

والله عندي نفس المشكل بصح نعاونك شوي

الطبق الشائع المقلي
قراتان البطاطا المقطعة دوائر مقلية مع اللحم المرحي
قراتان اللوبيا الخضرا أي المنجتو
اطاجين الزيتون
كفتة
سلطة البطاطا المشرشمة و الطماطم و الفلفل الحلو والبصل و الزيتون والبيض
المحجوبة رغم السخانة
la puri مع لحم مقلي أو مرقاز أو سكالوب
دجاج محمر في الفور مع تشكيلة خضر معه
يعني أكلات من هذا النوع

ام انيس2 · 2011-07-12, 18:22

والله رانا حايرين كامل مع هاد السخانة مليح غير الماء

لوجين · 2011-07-12, 18:34

والله كامل رانا في نفس المشك
لكن انا اليوم تفكرت سلطة الارز سهلة وتأكل باردة إذا جربتها راح تعجبك

غلي في طنجرة 500غ من الارز+ شوية ملح وتركيه ينضج +وفي طنجرة تانية غلي 50غ بزلاء+50غ جزر مقطع مكعبات واضيفي شوية ملح عليهم * حسب الرغبة ممكن تستغناي عليهم* +وبعد مايصير الارز جاهز والخضروات صفيهم واخليطيهم في اناء ضيفيلهم ملعقة مايونيز mayonnaiseاو ملعقتين زيت وملعقة خل أنت واش تحب واتريكيهم يبردو شوي ثم اضيفي لهم سمك التونة(حسب الرغبة) والي يكون بيحتوي عالزيت اضيفي الزيتون الاخضر والاسود منزوع العلف ومقطع قطع صغير خلطي كلش مع بعض وو3حبات بيض ممكن للنزين وممكن تبرشيها وتخلطيها

ممكن أختي ديريها بعدت طرق ممكن تحطي الذرة maise+ممكن تحطي كشير والتونة وتستغني عن الخضار أي شيء عندك ممكن تحطيهأنت وذوقك والاشياء لي تحبيها

soussou_saida · 2011-07-12, 20:35

salam
kolcha rah anedena had mochekil
( lana rani nedir gratain (batata kabouya(kar3a+denjal
neklihoum apre ndirhoum fi plat ndir fromage w nezid el helib w tawabil w toum teji hayela
aussi la puré avc la viande haché ou ergaz
batata selata
les ris
aussi les pate avc la sauce

المتفائلة7 · 2011-07-12, 22:20

يعطيكم الصحة البنات..

راكم عطيتوني افكار زينة..

ربي يحفظكم

miro1508 · 2011-07-13, 10:48

ana tanite harte wach ntayabe rani dakhla 3liha ghire salades , en tout les cas meme ana rani ndire fe salade ta3 le riz bessah ndirha hakda : nghali rouze b1 ombaede ndirlo les cornichans + les olives coupés vert et noir + fromage blanc coupe + fromage rouge coupe + le thon + les oeuf coupe +paté coupé + une cuillère à soupe de mayonaise wellah takhraje hayla merci