علاش تخلو الرجال يتمسخرو بيكم يا بنات

[عروس البحر 2]

السلام عليكم
حبيت نسألكم علاش دايما نلقاو الرجال يتكلمو في الشات ليل نهار و نلقاوهم متعلقين بالبنات الي يتكلمو معاهم حتى تعتقد انهم خلاص حابين يديروهم شركاء حياتهم
بصح من بعد كي يجو يتزوجو مستحيل يفكرو في واحدة هدروا معاها او تعرفوا معاها عن طريق الشات الا القليل منهم
وتاني كاين حاجة حبستلي عقلي
علاش الراجل دايما يحب الي يجري وراها والي تعذبوا اما الي تجري وراه مهما كانت مليحة وغير يعرفها تبغيه مايشوفش فيها ؟
حبيت ندير الموضوع تاني نصيحة لكل البنات صدقوني مهما كان هذا الراجل مثقف و عقلوا كبير يبقى رجعي في امور الارتباط و مستحيل يفكر في واحدة هدر معاها في الشات
وراكم تتفكروا هدرتي وقت تلقاوهم في نهار يقولولكم اسمحيلي امي مابغاتش و حبت تزوجني واحدة اخرى؟؟؟

وتلقى هذيك المغبونة مازالت مصدقاتو وتزيد تدعيلو


فيقو يا بنات و صدقوني والله الي يبغيكم يجي لحد باب الدار لخاطر يكون خايف كاشمن يسبقو ليك
و الي يتمسخر ما يجيكش ويبقى يتحجج ويتحجج بالقراية بالخدمة باي حاجة و نهار يتحجج الراجل اعرفي بلي راه يتمسخر

[نورسين.داية]

فعلا عزيزتي و الله و اعرف قصة مماثلة لذرجة أن المسكينة دفعت له النقود و في الأخير دهب و تركها
برغم النصح الذي تلقته من صديقاتها
ربي يهدينا و يهدي كل بنات المسلمين يارب

[عروس البحر 2]

المشاركة الأصلية كتبت بواسطة أسماء 05

فعلا عزيزتي و الله و اعرف قصة مماثلة لذرجة أن المسكينة دفعت له النقود و في الأخير دهب و تركها
برغم النصح الذي تلقته من صديقاتها
ربي يهدينا و يهدي كل بنات المسلمين يارب

نعم حنونة كاين بنات بزااف يفرتو في رواحهم علاجال واحد مايستهالهاش بصح واش رايحين نقولو ربي يهدينا كامل و يبعدنا على ولاد لحرام

[جلة نور]

انا نعتقد بلي ما يدوش اللي يشاتيو معاهم لانهم يقولو هدرت معايا وش يضمن ما تهدرش مع غيري يعني سوقها فارغ بصح ما شي الرجالة لي يتمسخرو بيهم لبنات لي خلاو رواحم تمسخيرة لانو من المفروض كامراة مسلمة ما تهدرش مع راجل وتخرج معاه وما علاباليش تاني من المفروض من الاول تقولو باب الدار وتعرفو جيت مرحبا بيك ماجيتش بالسلامة

[قطرة تفاؤل *أمينة*]

عندكم الحق وشراكم تحكيو يا بنات

أنا بالنسبة لي الطفلة لي دير هكذا إنسانة تافهة وجايحة وأسوء حاجة ماهيش متربية

وخاصة أن المجتمع تاعنا ميرحمش


والراجل لي يدير هكذا كامل مهوش راجل ولازم تعرف بلي راهو يعقب في الوقت بيها برك



شكرا على الطرح المميز

[❀عنْفُوَاפּ طُمُوحْ❀]

و الله كلام منطقي جدا و هذا هو الواقع صراحة موضوع جد هائل بارك الله فيكم

[هبة الله اريج]

شكرا بارك اله فيك
ربي يبعد علينا ولاد الحرام
اللهم امين