السلام عليكم
للامانةهذه الكيكة وجدتها في احد المنتديات وجربتها فكانت رائعة
2حبات بيض
كاس ونصف تاع تاي سكر
و كاس اتاي زيت
و زوج كيسان تاع اتاي تاع كوكا كولا
2 ملاعق كاكاو
2 خميرة حلوى
فرينة
نخلط البيض+السكر+الزيت ونخلط جيدا +الكوكا كولا+2ملاعق الكاكاو ثم نضيف الفرينةوالخميرةحتى الحصول على عجينة مثل الموسكوتشو
ندهن مول دائري و نفرغ فيه الخليط و ندخلها الفرن
ومن جهة اخرى ناخذ كسرونة نضع فيها
نصف كاس اتاي ماء+نصف كاس اتاي زيت
3 ملاعق سكر +2ملاعق كاكاو
نضعهم على النار مع الخلط المستمر حتى تثقال
نتركها تبرد ثم نضيف عليها واحد يايورت تاع لفاني
اونصف كاس كبير تاع كريمة سائلة+ ملعقة صغيرة نشا
و نخلطهم مليح كي تطيب الكيكة نضعها في صحن
و نضع عليها القلاصاج الي خدمناه ونزينها بالنواد كوكو
