وهاهي ذي طلبات الفتيات للزواج ...تفضلوا - الصفحة 2

صُبح الأندلس · 2011-05-20, 20:40

أحييك أختي على دمك الخفيف
لكن كما قالت إحداهن الماكثة في البيت لا تتشرط بل أول من يأتي تقبل به للخروج من المنزل أما إذا كان مثل مهندهم فهي من ستدفع له المهر ليقبل بها ، لي صديقة قبلت بخطيبها فقط لأنه وسيم في نظرها طبعا و لم تسأل لا عن دينه و لا عمله و لا شيء إلا فيما بعد يعني الشكل هو المهم بالنسبة للكثيرات اليوم و يأتي في الرتبة الثانية المال و الجاه ، أما إذا استمرت في التشرط فحتى صاحب الثمانين لن يرضى بها و هي بنت الأربعين أو الخمسين لأنه سيبحث عن بنت العشرين التي يستعيد معها شبابه الضائع !!!

عُضو مُحترم · 2011-05-20, 20:46

هههههه

فارس غير قولها ما تحشمش

راهي عاجباتك

انا نخطبهالك

و (المعقودة) خالصة من عندي

ههههه

العرس تاع فارس

يلزملو

فرسان و خيّالة

من عندي في خاطر فارس

الشيخ آمود · 2011-05-20, 20:47

اقتباس:

المشاركة الأصلية كتبت بواسطة طالب عفاف

يا أخ حسين غير جيبهولها وبعدها علينا

راني نتكفللهم بالعرس كامل

من زرنة و بندير وغيطة وديسك جوكي

القاطو والقازوز على صاحبة الموضوع

وانت عليك الأطباق القسنطينية كثّرلنا منهم

واللي حب يتبرع باش نزوجو هذي الأخت يتفضل

راهي محتاجة جبة فرقاني وكرافاش بولحية هذا مكان

التمـر واللبن عليا........ولو حبيتو السفوف نجيب ليكم ما كان حتى مشكل.........وزيد لتاي عليا أنا نجيب ...وانا نطيب.......نتوما غير سربو برك...

اقتباس:

المشاركة الأصلية كتبت بواسطة imi02i

بسم الله الرحمان الرحيم
***
**
*
وهاهي ذي طلبات فتيات من هذا النوع
الفتــــــــــــــــاة
العمر: من 18 ــــ 25 سنة
المهنة: ماكثة بالبيت
"منشغلة بتطويل الأظافر والإعتناء بالشعرو..."
المستوى الدراسي: المرحلة الإبتدائية أو أمية
"عمرها ماشافت المدرسة"
المستوى الثقافي: 0000إلا مالا نهاية
الممتلكات : تملك أكثر من الشاب
مجموعة من الأقمشة "كاين نتاعها وكاين اللي مسلفتها"
حقيبة ماكياج "نصفها منتهي الصلاحية"
سشوار- بابيليز-بلاكيت
وهاتف موتورولا "دايراتو بالخف"
العلامات الخصوصية :
الحواجب : خطا بريّة "رسالة" أو بالأحرى تكاد تنعدم
العينين: يحيط بها احمرار وانتفاخ بسبب غسلها للماكياج المكثف والمثبت على عينيها
طول اللسان:يتراوح بين 30 سم ـــــــــــــ 40 سم "حسب العمر: كلما زاد العمر كلما قل طول اللسان"
البشرة:تعتليها تشققات جلدية يزيدها رونقا حب الشباب الذي يملأها "بسبب نوعية الماكياج هذا إذا لم يكن منتهي الصلاحية"
الوزن: يا إما نحيفة: 35 فما تحت
ياإما بدينة: 70 فما فوق
"بيناتهم مكانش"
نوع اللباس:سروال جينز "كما يقال على اللحم"
بودي يصل إلى نصف البطن
خمار يغطي النصف الخلفي للرأس
........إلخ
***
**
*
وجــــــــــــــــــــــــــاوها الخطابة
الخاطب الأول: شاب في العشرينات، عامل ، لديه خبرات مهنية
يملك شقة صغيرة
أتي الأخ لكي يحاور أخته عن هذا الخاطب، فرفضت رفضا مطلقا تحت ضحكات استهزاء واستصغار
بعد فترة من الزمن
الخاطب الثاني:أستاذ، ثلاثيني، لديه بيت، سيارة، قادر على تحمل المسؤولية...إلخ
رفضت مرة ثانية وثالثة ورابعة...
***
**
*
سئلت هاته الفتاة: ماذا تريدين في فارس أحلامك؟
الفتاة:
أريده من الخارج "بجنسية أخرى"
"أمريكا، هولندا، كندان بريطانيا"
قيل لها: فرنسا؟
قالت: لالالالالا فرنسا ليست جميلة بما فيه الكفاية
"هي عمرها لاخرجت من الفيلاج"
أريده أن يكون صاحب شركة
يملك قصور وسيارات فخمة
وياحبذا لو يأخذي في إجازة إلى ربوع العالم
أريده وسيما لدرجة أنني لن أملّ من النظر إليه مطلقا
قيل لها : مثل مهند أو يحي أو كنان ؟؟
قاطعتهم قائلة: مهند؟ ذاك البشع؟؟؟ أنا لا أطيق حتى النظر إليه لبشاعته
لالالا........أريده أجمل من ذلك
..........إلخ
وواصلت وصفها لفارس أحلامها حتى أنها لم تصمت ولو للحظة لطول لسانها
***
**
*
مرت الأيام والأسابيع والأشهر والأعوام حتى بارت ولم يأتها ماكانت تتمناه
"علابالي مليتو"
رانا في النهــــــــــــــــــــــاية:
تقدم لطلبها شيخ في الثمانينات
"مزاتلو نفس واحدة ويموت
يستنشق الأكسجين ويطرح غاز الفحم والدايم ربي
هههه"ماتت زوجته وتركت له عشرة أولاد
فما كان من هذه الفتاة إلا أن شاركت هذا الشيخ أيامه القلائل وصارت أرملة بعد ذلك حاملة عبء العشرة أولاد

مجرد تعليق.......

*مصطفى* · 2011-05-20, 20:49

السلام عليكم

ياريت ينمحي مصطلح (( بايرة ))

نعم هناك من تتمسك بالقشور والمظاهر وهناك من لا يهمها المظهر بقدر ما تتمسك بالجوهر واللب وتترفع عن القشور
وفي الآخير (( ما يتزاوجو حتى يتشابهو )) أو الطيور على أشكالها تقع
شكرا من الواقع المر

نجمة ساطعة · 2011-05-20, 22:43

جيد موضوعك ... كم من فتاة ضيعت عمرها في أحلام زائفة
إلى أن صدمت بواقع مر .... حقيقة موجودة للاسف

سيفاو · 2011-05-20, 22:49

الزواج راه معشش هذا ليامات في الخيمة
ربي يستر
اني خايف برك غير لايفقس البيض هذا الصيف
ويطيروا الفراخ تاع المنتدى كامل من هنا
ههههههه

imi02i · 2011-05-21, 07:59

اقتباس:

المشاركة الأصلية كتبت بواسطة thorpe

يتبع.........
هههه
من بعد نكمللكم لاسويت ونسردلكم التفاصيل
هههههه
بارك الله فيك

على حساب الحالة
لوكان تبدا في التفاصيل مش رايحين نسلكوا
ربي يستر إن شاء الله

imi02i · 2011-05-21, 08:01

اقتباس:

المشاركة الأصلية كتبت بواسطة امير19

المهم رايي الشخصي انو الطفلة لي صغيرة ومزيانة وقارية عندها الحق تتقلش كيما تحب ..........ومن حقها تقبل و ترفض

إذا راه صح كاين واش كتبت ؟
تتقلش وتزيد درجة فوق التقلاش

imi02i · 2011-05-21, 08:05

اقتباس:

المشاركة الأصلية كتبت بواسطة طالب عفاف

يا لطيف ألطف

من الأن وانا نستنا

قلت كاشما نطيحو في وحدة ما تطلبش غالي

وتكون يعني مقبولة ومناسبة :d:d:d:d:d:d:d

يعني كلّ واحدو ومصروفو 4000 دج في ثلاثة أشهر

في الأخير نطيح في وحدة

طويلة الأظفار مثل القطة المتوحشة

واش تدير بيهم تنقي بيهم البطاطا ...؟؟؟

الدّراسة ماعليش نقدرو نقولوا مكتوب

بالزيادة

سليطة اللسان

ماكياج بيريمي + نمص +سروال جين + كاسك على الرأس

إن شاء الله يباعد بيني وبين من هذه سمتها

كما باعد بين المشرق والمغرب ......

نفضل نبقى عازب نربي لمقانن والعصافير

ونتكلم معاهم ونحكيلهم همي ولا نريح دقيقة مع وحدة كيما هاذي

*
*
*
*
*
*
موضوع في الحقيقة قمة قمة قمة قمة ........................

تشكرين جزيل الشّكر

ولك منا تحية احترام وتقدير

ربي يعينك على 4000 دج في ثلاثة أشهر
أنت وكل الجامعيين
إذا مكانش حاجة تنقي بيها البطاطا تلجأ للأظافر نتاعها
جابلك ربيس دايرتهم غير هكا ولا؟
إيه لمقانن والعصافير أحسن ليك في هذي الحالة
أنا عندي أخي راه عايش معاهم
بصح متزوج

إن شاء الله ربي يجيبك في بنت لحلال
مانقطعولكش الأمل
راه كاين
مشكور على التعقيب
ردودك دائما في القمة

imi02i · 2011-05-21, 08:07

اقتباس:

المشاركة الأصلية كتبت بواسطة طالب عفاف

حتّى مهنّد ماعجبهاش

مالا لوكان نروح أنا تهرب من النافذة ......؟؟؟؟

ما تهرب من النافذة ماوالوا
أصبر حتان تكره حياتها ومن بعد اللي جا الأول تقبل به

imi02i · 2011-05-21, 08:13

اقتباس:

المشاركة الأصلية كتبت بواسطة الزورقي

السلام عليكم
صراحة يا imio2i مواضعك "زواج السلفين "،"شروط الشباب ثم شروط الشابات" امر محير و اهداف غامضة ، اما هذا الموضوع فلا تعليق لدي و ننتظر موضوع زواج جديد.

والله كثر ربي غير مواضيع الزواج
وراه جاي الجديد إن شاء الله
لا حاجة لي من وراء مثل هذه المواضيع
ومشكور على التعقيب
تحياتي لك

imi02i · 2011-05-21, 08:17

اقتباس:

المشاركة الأصلية كتبت بواسطة طالب عفاف

لا لا لا
يأخي أنا قلتها ونعاودها
نبقى أعزب تاكلني العزوبية
وما نتزوجش بطفلة مثل هاذي
80 سنة خلاص نروح نحوس على بلاصة
نعتكف فيها في المسجد .......خير لي

بلاصة تعتكف فيها في المسجد؟؟؟؟؟

أنا ظنيتك تفكر أنك تروح تحفر قبرك وتستنى وكتاه تموت
ههههههههههههههههههههه

أم دجانة · 2011-05-21, 08:18

زعما الرجال ميتفشش زعما الراجل كحب يزوج جيب هكذا فتاة فقط
أكيد راح يفوت على السلعات أكثر من سلعة نتاع المرشي وهو يخير والمصيبة يخير السلعة الظاهرة كيما البطاطا لمليحة من برة بضة وصافية وداخل مدودة .
المهم كتخير خير مليح يعني مليحة من برى ومن داخل

imi02i · 2011-05-21, 08:19

اقتباس:

المشاركة الأصلية كتبت بواسطة فارس الإسلام

اناهو

فارس
ونتوما من الصباح تحكو عليا
بالصح نقولكم حاجة
كيما هذي منروحلهاش
ونشوفوا اذا جاها فارس آخر

سيأتيها فارس هرم في الثمانينات

imi02i · 2011-05-21, 08:22

اقتباس:

المشاركة الأصلية كتبت بواسطة (زينب)

زعما الرجال ميتفشش زعما الراجل كحب يزوج جيب هكذا فتاة فقط
أكيد راح يفوت على السلعات أكثر من سلعة نتاع المرشي وهو يخير والمصيبة يخير السلعة الظاهرة كيما البطاطا لمليحة من برة بضة وصافية وداخل مدودة .
المهم كتخير خير مليح يعني مليحة من برى ومن داخل

الرجال رانا بدينا بيهم هوما الأولين ومن بعد جاو لبنات
وهاهو ليك السيت
https://www.djelfa.info/vb/showthread.php?t=601950
تحياتي لك