بريوش ساهل و بنين و بالفرشيطة

ام احمد وصال · 2011-05-12, 23:03

السلام عليكم هذه اول مشاركة رسمية لي في هذا المنتدى الرائع اليوم نبدى باذن الله ببريوش ساهل و خفيف
المقادير
2 حبات بيض
1 كاس سكر عادي
2 كيسان حليب
1 كاس زيت
2 مغارف كبار خميرة الخبز
1 كيس خميرة القاطو
كاس ماء دافئ
700 غ فرينة و شوية فاني و السينوج و مغرفة ونصف صغيرة ملح
الطريقة
نخلط الكونات كلها مع بعض اي البيض و السكر بالفرشيطة ثم الزيت و الحليب مع التحريك بالفرشيكة ثم الماء ثم الخميرة ثم الفرينة وخميرة القاطو ثم نتركه حتى يتضاعف الحجم اي يخمر ثم نفشوه ثم نخليوه يخمر ثم نفشوه حتى المرة الرابعة نديروه كرابع قد حبة البيض وندهنوا بصفار البيض ونذري السكر و السينوج و نتركه يخمر ثم نطيبوه مدة عشرين دق على 200 دم و يحمر من فوق
ملاحظة / هذه الوصفة جي مالحة وحلوة على حساب كمية السكر والملح ويمكن تزيدي الفرينة حتى الكيلو على حساب الفرينة لكان تشرب ولا لا نتمنى تجربوه و الله خفيف و بنيين والان اترككم مع الطريقة و بالتفصيل

OU SS AMA · 2011-05-12, 23:06

ام احمد وصال · 2011-05-12, 23:11

العفو منك يا ou ss ama

nadiem · 2011-05-13, 08:56

يعطيك الصحة

ام احمد وصال · 2011-05-13, 09:50

اقتباس:

المشاركة الأصلية كتبت بواسطة nadiem

يعطيك الصحة

شكرا كثيرا على مرورك العطر

ام احمد وصال · 2011-05-13, 09:55

لا مرديتوش علي وقيلة حقرتوني و الله الوصفة هايلة و بنينة اني صورت الطريقة بالتفصيل بالبورتابل بصح محبوش يخرجو قريب نشري ابراي فوتو و نوريلكم الخدمة نتاعي

نسيبة 2009 · 2011-05-13, 10:21

شكرا حبيبتي رايحة نجربو في اقرب وقت ممكن

ام احمد وصال · 2011-05-14, 11:09

مشكورين لانكم حقرتوني و احبطتوني في اول مشاركة لي و انا كنت فرحانة كل دقيقة نشوف كشمة واحدة بعثتلي رد اني زعفانة منكم بزاف

أم هاجر و زكريا · 2011-05-14, 11:52

مشكورة يا أماني على الطريقة السهلة
و ما تزعفيش لأن الأخوات ما ردوش على الموضوع ليس المهم كثرة الردود و إنما ممكن اخت تجرب هذا البريوش و تدعيلك دعوة بظهر الغيب أحسن
و أنا راني نستنى تصوريلنا وصفاتك حنونة و مرحبا بيك مفيدة و مستفيدة ان شاء الله

ام احمد وصال · 2011-05-14, 13:45

اقتباس:

المشاركة الأصلية كتبت بواسطة أم هاجر و زكريا

مشكورة يا أماني على الطريقة السهلة
و ما تزعفيش لأن الأخوات ما ردوش على الموضوع ليس المهم كثرة الردود و إنما ممكن اخت تجرب هذا البريوش و تدعيلك دعوة بظهر الغيب أحسن
و أنا راني نستنى تصوريلنا وصفاتك حنونة و مرحبا بيك مفيدة و مستفيدة ان شاء الله

شكرا لك اختي الغالية على الرد نورتي الصفحة