طريقة الحفظ

[غفران17]

نساْلكم برك نقدر نحفظ من الملخصات هزيتهم من المنتدى لان الاساتذة توعنا يكتبونا جريدة في الدروس و الله غير تعبت

[imane1]

حطي الكراس قدامك واحفظي مالمخلصات

باش كاش ما تكونو كتبتو زياده في الكراس ما يروحكلش

[اميرة الابتسامة]

والله ياأختي أنا عكسك تماما ....
نلقى شغل الكراس فارغ . ههه والملخصات نخاف كاشما نكون نسيت يعني الحفظ من الكراس+ الكتاب وهو الاهم .... + الملخصات دورها في المراجعة فقط
موفقة

[✗ ┋ وَړْﮃَةُ آلـﭴَزآئـړْ ┋ ✗]

أنا الملخصات نخافها صراحة

أنا نحفظ من الكراس لأنو هو الأهم

الملخصات تقدري تعتمدي عليها في حفظ عناصر يعني تكون طويلة بزاف في الكراس لكنها تكون ملخصة في الملخص بصح تكون فيها كل المعلومات الضرورية لأنو أنا هذا هو الشيء اللي نديرو كي يجيني عنصر صعيب نلخصو وحدي ونحفظوا

[غفران17]

مشكورين ربي يوفقكم انا نحفظ من الكراس الان الملخصات يخلطوني عليها سالتكم موفقين ان شاء الله

[نسمة النجاح]

السلام عليكم

اختي انا نشوف انك تحفضي من ملخصات تعمليها نتي

يعني تحكمي معلوماتك وكراسك

شوفي المعلومات اللي راهي راسخة في ذهنك اشيري لها سطحيا في الملخص

واذا ماكنتيش حافظة حاجة مهمة لازم تدونيها باش تحفظيها

يعني الإنسان لازم هو اللي يعمل ملخصاتو وحدو

لأنو هو يعرف واش ناقصو

واذا كان هاذ الفكرة يستوعبها بلخف ولا لالا

واذا كانت عندو فكرة سابقة عليها راسخة في ذهنو ولا لالا

[اسلامي سر حياتي]

المشاركة الأصلية كتبت بواسطة نسمة النجاح

السلام عليكم

اختي انا نشوف انك تحفضي من ملخصات تعمليها نتي

يعني تحكمي معلوماتك وكراسك

شوفي المعلومات اللي راهي راسخة في ذهنك اشيري لها سطحيا في الملخص

واذا ماكنتيش حافظة حاجة مهمة لازم تدونيها باش تحفظيها

يعني الإنسان لازم هو اللي يعمل ملخصاتو وحدو

لأنو هو يعرف واش ناقصو

واذا كان هاذ الفكرة يستوعبها بلخف ولا لالا

واذا كانت عندو فكرة سابقة عليها راسخة في ذهنو ولا لالا

انا هكا دايرة في التاريخ

مي العلوم شرعية من الكراس
علاخاطر الاستاذ مفهمنا بالمخير وزيد التلخيص من عنده هايل
بالتوفيق اختي

[hakim 17]

السلام عليكم

من الافضل ختي احفظي من الكراس

بصح مشي كلمة بكلمة نتي افهمي كثر ملي تحفظي

لانو غاليا ما تحتاجيهم في الجزء الثاني من التاريخ والجغرافيا في الفقرة

وكي تكوني فاهمة تقدري توصلي الفكرة

وزيدي كاين بزاف اساتذة يكثرو مشي علي يحبو يكثرو مي باه يفهمو التلاميذ

نعطيك مثال مثلا في الجغرافيا مظاهر القوة الاقتصادية للولايات المتحدة الامريكية

حنا الاستاذ دايرنا قريب 12 مظهر بصح قالنا باه تشفاو عليهم لعخاطش قالنا مثلا نتوما تحتاجو 6 هكذاك بصح كي دار 12 عارف كي تحفظهم وتنسا شوي مشي مشكل ميمبا راك تبقا شافي ع النص وهكذا وانا نوصيك الفهامة قبل الحفاظة باش ما يروحلك والو

ربي يوفقك ويوفقنا جميعا في شهادة الباكالوريا

[atie]

شكرااااااااااااااااااااااااااااا

[BAC-2010]

ربي يوفقكم خاةتي

[عبد البارئ الجزائري]

السلام عليكم ورحمة الله وبركاته
أنصحك أختي أن لا تعتمدي كثيرا على الملخصات وخصوصا في مادة الاجتماعيات وحاولي قدر الإمكان أن تحيطي بجميع جوانب الدرس لأنه وكما لاحظنا أن امتحان الاجتماعيات تجد فيه جزءا على 4 نقاط تستغل فيه الثقافة العامة.
سلام

[مصطفىdz]

السلام عليكم انا ارى العكس فالملخصات مفيدة جدا لانوا استاذتنا تخلط في المعلومات وفي الفصل الاول حفظت من الملخصات ديت19 في التاريخ وكتبتلي اجابة ممتازة عكس الاخرين