من فضلكم معلومات عن ولاية تلمسان

وفاءص · 2011-03-27, 19:02

السلام عليكم و رحمة الله و بركاته غدا انشاء الله نود زيارة تلمسان انا و زوجي و ابنتي من اجل السياحة طبعا ولا نعرف الكثير عنها لذا اود منكم اعطائي ولو لمحة صغيرة عن هذه الولاية وعن اهم الاماكن من اجل زيارتها وعن بعض الفنادق المتواجدة بها لان زيارتنا ستدوم يومين او اكثرحسب الضروف شكرا

ريم13 · 2011-03-27, 19:34

وعليكم السلام ورحمة الله وبركاته
اول شي أختي مرحبا بيك وتنورينا وتشرفينا في تلمسان
وتلمسان اذا الواحد يعطيك معلومات مراحش يكمل من بينها هي عاصمة للزيانيين
شهدت حظارات متعددة وابرزهم الزيانيين فيها اثارات واماكن تستحق زيارتها من بين هذ الأماكن المنصورة ومسجد سيدي أبومدين وأيضا مغارة عين فزغ ولالة ستي ولي تقدري تروحيلها سواء بسيارة ولا بالتيرفريك وموجودة اماكن خارج هذ المدينة ,,, أما الفنادق موجود فندق الزياني وفندق أغادير وغيرهم ...وكاين لي راهم يتبناو .. ونتيا راح تزوريها هاذ الأيام وهي على أبواب عاصمة الثقافة العربية الاسلامية وففصل الربيع نتوقع راح تعجبك وبالفووور
ونتمنى لك زيارة طيبة وان شاء الله تعجبك الحالة

AZIZ27 · 2011-03-27, 19:43

وعليكم السلام والرحمة

تلمسان مدينة باهية ونظيفة وناسها طيبون فيها حمامين معدنيين حمام الشيقر و حمام بوغرارة يوجدان بمدينة مغنية

رحلة ممتعة

وفاءص · 2011-03-27, 20:31

شكرا على المعلومات وانا ادعوكم لزيارة مستغانم خاصة هذه الايام اد تقام عدة عروض مسرحية بمناسبة اليوم العالمي للمسرح.

ريم13 · 2011-03-27, 20:54

سبق لي وزرت مستغانم صراحة مدينة رائعة وناسها طيبون

maiar · 2011-03-28, 21:05

ana tani lholm t3i nrouh ltlemcen w baghia ndir chahr l3ssel t3i ltm nchalah

minachaouia · 2011-04-01, 00:18

ana liyoum jit mén tlemcen hi mdina calme w hayla w ndifa

وفاءص · 2011-04-03, 21:03

السلام عليكم و رحمة الله و بركاته ولاية تلمسان روعة هايلة بالبزاف نظيفة و شابة قعدنا فيها ثلاث ايام هايلين زرنا فيها بزاف اماكن منها لالة ستي و منصورة ومغنية (حمام شيقر) و تجولنا في وسط المدينة بغينا نزيدوا يوم رابع باش نزوروا مغارة عين فزغ لكن حدث امر طارئ ورجعنا لمستغانم المهم قضينا يامات هايلين بالبزاف وغيرنا جو في الاخير نشكر كل لساعدنا و وجهنا في ولاية تلمسان شكرا