هذه هي نتيجة سكوتنا يا ل م د - الصفحة 2

maro3434 · 2011-03-01, 18:20

هل صحيح ما تقوله، هل صدر مرسوم يؤكد ذلك، يا اخي نحن في الهوى سوى كي الكلاسيك كي ل م د رانا في بلاد ميكي، اليوم لعبوها على راس الكلاسيك وغدا يلعبوها على راس ل م د وهي رايحة كل يوم يجيبوها على جماعة واولادهم يقراو في الجامعات الاوروبية، تطفر غير في ولاد الزواولة.

solitaire007 · 2011-03-01, 18:21

الشعب تاعنا بصراحة مازال ماهوش واعي يعني شفناه في امور لي قبل احنا في بعضانا مازلنا مانتفاهموش و كيفاه نستناو انو نجيبو حقنا الجازاير درك مافهمناش علاه الصمت هاذا علاه مايخرجوش بقرارات واضحة و رسمية وزير ادين الله مايقدرش يبيين للغاشي كيفاه راهم ناوينها ؟

اي نعلبوها قراية هنا والله ماتسوى غرام

honaida · 2011-03-01, 18:22

و علاه في مستغانم مازال ما كملتوش الامتحانات

karim h · 2011-03-01, 19:00

انتظر المزيد فنظام الالم الدائم المستمر مآله الزوال لانه فاشل ولا يخدم الا فئة قليلة من الطلبة ولانه فاشل أصلا في الدول المتقدمة
لكن المثير للاستغراب هو كيف يفكر مربونا ووزراءنا ولماذا وما هو الهدف ياترى؟ كريم

mira27 · 2011-03-01, 19:05

a l'ITA-most- les lmd sont en grève
breaking news

الجوهر · 2011-03-01, 19:19

حنا في جامعة البليدة درنا اضراب و وصلناه للوزارة’’,,و القرار يخرج يوم 27 مارس

arn · 2011-03-01, 20:20

استغرب من بعض الاشخاص يقارن بين ماستر و ماجستير عجبا لقوم يريد بلوغ الشهادات بدون مستوى (البعض). لست هنا بصدد المقارنة لانه للمقارنة بين شيئين وجب ان يكون هناك تكافؤ....اظن الرسالة واضحة وبالتالي وجب على الطلبة(الطبقة المثقفة) بدون تمييز الجلوس ومناقشة الوضع والاستعانة بالاساتذة لان يتجاوزوا هاذا الاستهتار والاستهزاء ونبد الانشقاق وتحكيم العقل واسقاط المتسبب لانه لا يمكن لشخص عاقل ان يقود جامعيين وهو جاهل بمستواياتهم. سلام

michel..2009 · 2011-03-01, 21:45

انا معك اختي مئة بالمئة و اليوم ف جامعة الاغواط اغلقنا كل الكليات بالسلاسل و لا دراسة الا بعد خروج قرار لمصلحة ال lmd كفاية حقرة رانا كرهنا البلاد هذي و اذا تفاقمت الامور نقسم بالله لنخرب البلاد تخريب اكثر من تونس و مصر

بوزيان20083 · 2011-03-01, 21:56

نظام lmd نظام جديد بالطبع لازم يكافئ ]ماجستر ولا احسن منوا هذه حقيقة]

zizoumed4 · 2011-03-01, 22:19

في جامعة سعيدة الطلبة بدأ الاحتجاج يوم أمس و أرسلنا طلباتنا للوزارة
لكن ملاحظة على الطلبة الجزائريين أن يكونو مثقفين والكل يطالب بحقه الذي يراه مشروع ولاداعي لتدخل في الاخرين
يأخي لراه حاب يطلب تصنيف 20 ولا 25 من الوزارة الله يسهل ( لا للحسد والفتنة)

حمامة السلام48 · 2011-03-01, 22:30

جامعة مستغانم ines اليوم درنا كامل اليد في اليد وتكلمنا على حقنا درنا اضراب وبلعنا لومفي بالكادنا اللي ماكانش مفتاحها وحتى واحد ما دخل يقرئ اباغ الماليات اللى قراو الكوغ اللول تاع الكيمياء وممبعد فهمناهم علاه رانا مقرفين وداخلو معانا حتى هما يدافعوا على رواحهم من حقهم لاخاطر مغبونين ما يمشوش لديورهم من العام للعام وتزيدهم الموصيبة تاع سيستام ل م د
الله يوفقكم يا ل م د قاع قاع