من يريد احداث مصر وتونس في الجزائر ....تفضل - الصفحة 3

brotherhood · 2011-01-27, 22:57

اقتباس:

المشاركة الأصلية كتبت بواسطة demag

و الله موضوعك يضحك

لن أطيل عليك الكلام و سوف أجيب فقط حسب ما تم ذكره في موضوعك

تتكلمين عن الذي درس و حصل على العديد من شهدات و وصل لسن 30 و لم يجد عمل
اقول لك شيء واحد باينة عليك معشتيش المزيرية على ذيك متعرفيهاش
ناس كانت تخدم و تقرى في الجامعة شفتهم بعيني هاذي .. زوالية يخدموا في الشونطي يرفد الرملة و السيمة باش يصور هاذيك 500 دج باش يفوت بيها سمانة كومبلي و يقرى بيها في الجامعة
إذا أنت قريتي في داركم بين والديك .. الزوالية راهي من سبتمبر حتى جويلية و هي في الجامعة ..مسكين زوالي معندوش دراهم الطرونسبور ..
و متقوليليش 2700 دج تاع بكري و ضرك 4000 دج .. تاع دولة الفطوكوبي برك راه 5 دج للورقة
الله غالب زوالي والديه وصاوه باش يقرى علبالهم بلي منغير القراية معندهم مايديرولوا لا مال يورثوا لا أرض يخدم فيها .. يقلولوا أقرى باش تخدم و متعيشش كما أحنا زوالي
تتكلمين عن الزبل حشاك و تقولي الشعب مهوش منضم و منعرف واش .. و نسيتي المسؤولين تاوعنا .. الله يبارك عليهم النظام و إحترام القوانين إلى أبعد الحدود .
و كأن مشكل الشعب الجزائري مشكل تاع زبل .
لوكان جات الدولة منضمة و تعرف تخطط و عندها إدارة قوية و إستراتجية إقتصادية ناجحة مراناش في هاذي الحالة
كل يوم تظهر مشكلة في البلاد
بديناها بالشكارة تاع الحليب و من الدراهم الي مكاش في البوسطة و زيت و سكر و العدس و الوبيا ... و ... و ... و مأخرا قالك الدزائر معنداش سطاد كما كامل العالم تلعب فيه البالون ههههه
الفساد راه في البلاد في كل مكان ولازم الإدارة تتغير كامل و تتغير كل السياسات الإقتصادية الفاشلة .. 150 مليار دولار كلها من البترول و الغاز .. نحن لانتنتج اي شيء يعني ربي راه ساترنا سعر الغاز و البترول راه عالي .. ما لوكان رانا كما الصومال نعيشوا بالقرصنة في البحر ..

بارك الله فيك

العبد مايكتر من الهدرة مع العباد هادو

الموضوع كلوا كلام نواعم...عندو خلفيات لان ابوها سراق عفوا مسؤول ولا سراق عفوا مقاول ولا ...

سلااام

sweet.butterfly · 2011-01-27, 23:04

ياااجماعة راكم بديتو تخسرو
انعلو بليس.راه غير تبادل اراااااااااااااااء.

sarahe44 · 2011-01-27, 23:14

راني معاك اختي رغم كل السلبات الا ان الايجابيات ومقارنتنا مع اغلب الدول العربية تجعلنا نحمد الله
فالجزائر واولادها مسقيين من الدم ويعرفو معنى الحياة والامان يكفينا ما شفنا في العشريه السوداء

brotherhood · 2011-01-27, 23:23

اقتباس:

المشاركة الأصلية كتبت بواسطة sarahe44

راني معاك اختي رغم كل السلبات الا ان الايجابيات ومقارنتنا مع اغلب الدول العربية تجعلنا نحمد الله
فالجزائر واولادها مسقيين من الدم ويعرفو معنى الحياة والامان يكفينا ما شفنا في العشريه السوداء

وريلي الايجابيات راني مانشوفش فيهم خلاص

لكان راكي واعية و مثقفة شوية و ...الجزائر لا تقارن بمصر ولا بالمغرب ولا بتونس

نحن دولة بترولية ..اين نحن من دول الخليج...ماعلش دول الخليج ماعندهمش سكان بزاف لكن ...

رانا 000000000000000000000 حتى تونس و مصر و المغرب احسن مننا

و لكان عندك حل شوفي روراوة و سي بن شيخة وريلهم ستاد وين يلعبوا مع جيرانكم

المغرب في عام دشن تلات ملاعب بمقاييس عالمية و حنا دشنا ...عشرات المزابل بمقاييس جزائرية.

sweet.butterfly · 2011-01-27, 23:27

مزية جيلنا مكانش في وقت فرنسا.كون سمح في البلاد بكاملها.
راكم داخلين عليها دخلة صحيحة على بلادكم.

brotherhood · 2011-01-27, 23:31

اقتباس:

المشاركة الأصلية كتبت بواسطة sweet.butterfly

مزية جيلنا مكانش في وقت فرنسا.كون سمح في البلاد بكاملها.
راكم داخلين عليها دخلة صحيحة على بلادكم.

بلاد ؟؟؟

بلاد ميكي ولا بلاد البلطجية

لوكان جيتي دكر ابسط شيئ راكي هاربة و حالفة على الخدمة العسكرية...اهدري الصح ولا روحي للكوزينة

sweet.butterfly · 2011-01-27, 23:34

حب الوطن من الايمان

عُبيد الله · 2011-01-27, 23:35

نظرة ثاقبة لواقعنا المعاش
بارك الله فيك على الموضوع

brotherhood · 2011-01-27, 23:41

اقتباس:

المشاركة الأصلية كتبت بواسطة sweet.butterfly

حب الوطن من الايمان

الهدرة بالفم ساهلة و بالافعال صعيبة

انا جوزت العسكر و انتخت في كل الانتخابات

في 15/03/2011 نكمل اربع سنوات من اللي خلصت العسكر و راني مريح ...

واش من حب الوطن

منين نجيب حب الوطن هدا قولي ؟؟؟؟؟؟؟؟؟...روحي للكوزينة ولا اطلعي للجبل دي المدية

soufianeinfo · 2011-01-27, 23:56

بارك الله فيك أـخيdemag طلبت على قلبي..هذوما وليداة salut pap ...hi mama

sarl02 · 2011-01-27, 23:57

dzayer blad gipa wa shipa ..wa fham ya lfaham

demag · 2011-01-28, 00:10

اقتباس:

المشاركة الأصلية كتبت بواسطة sweet.butterfly

حب الوطن من الايمان

نعم نحن نحفظ هذه الجملة و لكن هل تعرفين أنت ما معناها
الوطن ليس إقليما وحسب، الوطن الحقيقي هو الفكرة التى يلدها الوطن، هو خاطرُ الحب
والشعور بالصحبة، والاشتراك يوحد ابناء الاقليم جميعا.
الوطن هو الشرف والكرامة، وفي سبيل الكرامة والشرف لا نبخل بشئ، وليس من شئ
لا يمكن اعطاه للوطن، الشباب، القلب، العقل، الدم، ان الدم وحده يرفع جبين الوطن.
ومن لا يحب وطنه لا يمكنه ان يحب شيئا، وحب الوطن اقوى من كل منطق.

واخيرا اقول لك جميلٌ ان يموت الانسان من اجل وطنه، ولكن الأجمل أن يحيا من اجل الوطن.

brotherhood · 2011-01-28, 00:13

اقتباس:

المشاركة الأصلية كتبت بواسطة demag

نعم نحن نحفظ هذه الجملة و لكن هل تعرفين أنت ما معناها
الوطن ليس إقليما وحسب، الوطن الحقيقي هو الفكرة التى يلدها الوطن، هو خاطرُ الحب
والشعور بالصحبة، والاشتراك يوحد ابناء الاقليم جميعا.
الوطن هو الشرف والكرامة، وفي سبيل الكرامة والشرف لا نبخل بشئ، وليس من شئ
لا يمكن اعطاه للوطن، الشباب، القلب، العقل، الدم، ان الدم وحده يرفع جبين الوطن.
ومن لا يحب وطنه لا يمكنه ان يحب شيئا، وحب الوطن اقوى من كل منطق.

واخيرا اقول لك جميلٌ ان يموت الانسان من اجل وطنه، ولكن الأجمل أن يحيا من اجل الوطن.

مانكبدش عليك لوكان تجي دولة درك تدخل للجزائر مش راح نخبث لكن مش راح نحارب

مع البلطجية...ولو حتى اشنق او اعدم في ساحة عمومية...لا يجوز ان اساعد الظالمين

انت راك فاهم يا الاخ...بارك الله فيك و ربي يفرج علينا و يقضي على الحرامية البلطجية و المنافقين و...

البوعزيزي · 2011-01-28, 00:45

اقتباس:

المشاركة الأصلية كتبت بواسطة best.2b

قروب الساعة ....

النسا تاع تاخر الزمان دخلوا روحهم في كلش ... زعم "روح الوطنية"....

راهي ليكم ...

Visa برك نخليهالكم أدو كلش ...

mooed02130 · 2011-01-28, 01:15

الله يهدكم ياجماعة مزال مافهمتو والوا حنا مازال مستقليناش هذيك كذبة تاع 1962 باش تعرفو شكون لي قراو بكري ولاد الحرك وفرنسا هما لي دااو المناصب العالية باش يبقاوفي الحكم ذروك أنا نعرف وزير بوزير من كريم جودي إلي خليدة تومي نعرفهم من أصل تاعهم غلام الله وليد قايد غير تاع حاواويط طعومات مايفقه في دين والو مزال نجبلكم بالادلة باش تعرفو صح هذي البلاد............................................ ......؟