يشترطن الترسيم

[adel207]

بالرغم من حبه العميق لها إلا أنها اشترطت فيه الترسيم في الوظيفة

[طيب وابن حلال]

من راي عندها الحق لو انها اختى لن ارضى لها التمرميد مع واحد اصلا ما عمبلوش بمستقبلوا كيفاه عامل
المهم نحنا نعملوا الواجب من الاول

[amine-maghnawi]

اشكر و لا انسى حين قالت لي اتمنى لك سنة مليئة بالكثير من الحب و السعادة و القليل من المال

[خديجة27]

هذي هية الخدمة بسيف شاتاكل التراب . بصح هادي ماتبغيه لاخطرش لوكان تبغيه تفوتله راني فيها و هادو مكاتيب تاع ربي سبحانه

[خالتي بوعلام]

جماعة الواحد لازم يكون واقعي سينورمال اذا ماكانش مرسم ومدة العقد تنتهي من بعد كيفاش؟؟؟ مشي مسالة مادة و لاحب
مسالة منطق وواقع
الزواج يلزمله عوامل باش يكون ناجح واللي يخمم للبعيد حاجة مليحة
المهم المبدا الاساسي اللي كاتبهالك ربي تلحقها
اذا ماتمش زواجك معناه مكتوب ربي وحجتها هي سبب داره ربي
يقولك الناس توجور تبغي تتمسك بالحاجة اللي يحب ربي يمزقها ومايكونش كاتبلها تكمل
وربي يهنيكم ويفرحكم كامل
وماتتقلقوش
صح تحب تسوفري تعاني تزعف ماترقدش الليل
بصح دير في بالك حاجة وحده كل حاجة تفقدها وتتالم عليها تاكد مليار في المائة بلي ربي يعوضك خييييييييييييييييير منها لدرجة كي تتفكر الماضي انتاعك وواش صرالك تقعد تضحك
وربي يزيدكم نووور على نووووووووور

[بنفسج تشرين]

لا نديه مشي مرسم و كي يكمل العقد هو يطلب و انا نحل الصره والله غايه، خموا بعقولكم بركو ما تشكلو

[عُضو مُحترم]

كيف يتزوج و هو لا يعمل


بعدما تخلاص الكونترا

من وين يصرف عليها؟؟؟؟

[بتول8]

قادر يكون مرسم و مستقر تتزوج بيه و من بعد يحاوزوه من الخدمة و يصبح لا عقد و لا ترسيم
الواحدة في الدنيا غير تحوس علا الراجل الرزين المدين و لوكان ماعندوش ربي الرزاق قادرة تديه مش مرسم و ربي يكافاها و يترسم
ربي يمد للناس علا حساب النية و اللي يحسب بزاف تتلفلووو
شكرا علا الموضوع

[أمآآآآني البنفسج]

ربما خوفا منها على مصيرها بعد انتهاء العقد

لكن هذا لا يبرر موقفها فما هكذا يقاس الرجال ؟؟؟

المهم أن يكون شاطرا و شهما و قويا يوفر لها قوت يومها

و ملبسها و مسكنها و ابسط ضرورياتها لا اكثر و لا اقل ..

نحن بحاجة أكثر إلى من يفهمنا ... يقدرنا و يحترمنا

لا من بماله و وظيفته يشترينا ...

كما أن الله يمهل و لا يهمل سبحانه بيده كل الشيء

إن أراد شيئا فيقول له كن يكون

لا المترسم يضمن دوام حاله و لا المتعاقد يضمن ثبات وضعه

الضامن ربي سبحانه

الله يهدينا لسواء السبيل