جملة بالجيجلية ما يفهمها غير تاع قبها د بلاد

[saruna]

مشكورين جميعكم على المشاركات العطرة

1- سامحيني اختي نسرينو . سوف ابعث لك رسالة في القريب ان شاء الله . ارجو منك ان تصبري علي لانني لا اعرف كيف ابعتها للايميل تاعك . مشكورة على كل مشاركاتك العطرة ارجو ان لا يكون ظنك قد خاب في .


2- مشكور اخي فارس . انا فهمتك قبالا في شي دي قولت . مشكور على المشاركة و المعلومة .

3- مشكورة اختي . حقا هناك بعض الناس من الولايات الاخرى يضحكون على الهدرة تاعنا . انا عندي خالتي في العاصمة . ولادها تضحكهم الهدرة تاعنا . ولكن ليست هناك مشاركات في هادا الموضوع تسئ الى هدرة الجواجلة . كل الاخوان و الاخوات يفهمون الجيجلية و يحبون جيجل .



جزاكم الله خيرا

[الوردة البيضا]

انا جيجلية كي نسكن في مسيلة
ودبصح كاين ادي كايطحكو على الهدرة ديانا
واحنا اللهجة ديانا جات من المغرب كيما k ريت عليها
وبلكل الجزايرين اخوة مع بعطاهم وماكانش النتفرقة بيناتهم

[saruna]

عندك الحق اختي وردة

حنا كامل ساكنين في الجزاير نورملمون واحد مايطحك على خوه


لو كان تطلعلي دروق نطحك على الهدرة الغاشي لو كان واحد ما زاد طحك علينا

مزيا انا ناس ملاح

هههههههه

مشكورة على الرد

جزاك الله خيرا

[nesrinou]

سارونا حتاشي .. بغرضك انا ديجا ماكيندخلش la boite de reception bzf tellement que 3endi bzf dabriat lol

عجبني الموضوع هذا قبالة خاصة غير شاركو فيه كتارة لجواجلة

vive lahadra diana

ودي ما كاتعجبوش واش داني فيه ليسونسيال تعجبنا احنا لجواجلة وزيدها كاين بزاف دي كاتعجبهوم تع آلجي كاين دي نعرفهوم

ويحبوها ،، وزيدها كيما قاال الفارس على لانسبقثر طاهر مايعوجش لينا زعما يقولو لجواجلة بصح غالطين علاخاطرش الهدرة تاعنا

ماشي هاكذيك كااااااااامل وزيدها يهدر ب qu و .... وعلابالهوم من هوما دي كيهدرو هاكذيك سقسيو لجواجلة يقولولكم بلي

دصحاب مي... مانكملش خير علاخاطرش ماحاباش يفهومني غالط ويقولو كينعوجلهوم بصح c la verité

سلااااااااااااااااام

[saruna]

مشكورة اختي نسرينو على ردك المفرح

مزيا ما تغششتيش مني انا حسبتك ما تزيديش تهدري معايي .

لي الشرف في ان اضع موضوع و يعجبك و يشاركو فيه الاخوان و الاخوات . مشكورة .

انا فهمتك دشديقولت

و مهما اختلفت اللكنات تاعنا المهم ساكنين كامل في جيجل

وغير الجاهل يطحك على الناس في حاجة كيما هادي


و اللي يطحك على هدرتنا نحطوه في التقيل

و زيد بزيادة كاين بزاف ناس يحبو الجواجلة في ولايات كثيرة من الجزائر

المهم حنا نحبو اللي يحبنا و اللي يطحك علينا نطلبو من ربي يهديه

و ما نعباوش بيه

وتحية كبيرة لكل اعضاء المنتدى من كل الولايات .

مشكورة يا نسرينو

جزاك الله خيرا على ردك الرائع

[wah]

السلام عليكم حبيت نقول لخاوتي بلي الهدرة ديال الجواجلة راهي حلوة وتعجبني بالعكس ماش كيما نظنوا هوما بلي راهي ضحك .......والسلام..تقبلو مروري.

[حنين موحد]

بالعكس انا قريت في جيجل واخوالي من جيجل ونحب الهدرة تاعكم حلوة وتزربو فيها وتزيدو حرف الحا دايما
مي بصح تعجبني واصحابي بكل من تم

[أرجوانة]

السلام عليكم حبيت نقول الهدرة ديال الجواجلة راهي حلوة وتعجبني بالعكس ماش كيما تحسبوها عندي بابنت عمي متزوجة فما عقليتهم روعة و هما ناس ملاح بزاف

[boulboul113]

السلام حليكم ورحمة الله تعالى وبركاته
حاب نتعلم لغة الجواجلة لأني نجي لتم بزاف ومانعرفش كلمات
وحاب نسقسيكم؟
واش تعنو بكلمة: حنش ذا الموتور ؟؟؟

[حنين موحد]

كون تهدرها نفهمك بصح بالكتابة ما فهمتش

[RIBA-18]

نسمع بزااااف على هدرة الجواجلة و نسمع بكلماااات بزاف يقولو يهدروهم الجواجلة مـــي محصليش الشرف باش نعرف ناس يهدرو بيها a par أستاذ قراني في الجامعة كان يقولنا في إملاؤو علينا الطkس ما كُناش نفهمو واش يقصد انا شخصيا ظنيتو يقصد الطاكسي أي السيارة و هو كان يقصد الـطــقـــــس....

نتمنا أنكم تواصلو في تعريفكم بلهجتكم الجميلة و ماكاش منها لي يقول عليها تضحك
مي إدا ضحكتنا ماشي للسخرية إنما لسماعنا الكلمات بطريقة غريبة فقط

و حبيت نطرح سؤال في أحد المشاركات قال واحد هدرت لانسبيكثور طاهر ماش كيما تاع الجواجلة بل كيما تاع الميلية.... أليست الميلية تابعة لولاية جيجل..؟؟ و هل اللهجة تختلف...؟؟

[lila0312]

المشاركة الأصلية كتبت بواسطة رستم النوايا الحسنة

السلام عليكم ورحمة الله وبركاته

يظهرلي لجواجلة يقولوا
حالبوطو ليس حابوطو
سلامي الحارللجواجلة الباهيين
والطيبين

وهذي هدية للجواجلة
من عند أخاكم رستم

merci bc
moi je suis jijilienne , w fhamt l jomla biensur
tahiyati lljami3 ;

[سمير الجيجلي]

المشاركة الأصلية كتبت بواسطة riba-18

نسمع بزااااف على هدرة الجواجلة و نسمع بكلماااات بزاف يقولو يهدروهم الجواجلة مـــي محصليش الشرف باش نعرف ناس يهدرو بيها a par أستاذ قراني في الجامعة كان يقولنا في إملاؤو علينا الطkس ما كُناش نفهمو واش يقصد انا شخصيا ظنيتو يقصد الطاكسي أي السيارة و هو كان يقصد الـطــقـــــس....:d

نتمنا أنكم تواصلو في تعريفكم بلهجتكم الجميلة و ماكاش منها لي يقول عليها تضحك
مي إدا ضحكتنا ماشي للسخرية إنما لسماعنا الكلمات بطريقة غريبة فقط

و حبيت نطرح سؤال في أحد المشاركات قال واحد هدرت لانسبيكثور طاهر ماش كيما تاع الجواجلة بل كيما تاع الميلية.... أليست الميلية تابعة لولاية جيجل..؟؟ و هل اللهجة تختلف...؟؟

نعم اخي لهجة سكان الميلية تختلف عن لهجتنا فالسنثر

[my self]

سلام حار لكل جيجلي و جيجيلية أنا قريت في جيجل و ناسها كرماء بزاف و ناس ملاح و هدرتكم انا شخصيا نفهما مليح و الجملة الاولى فهمت واش تقصدي بيها خاطركش كي كنت نقرا في جيجل واحد الأستاد حب يضحك معانا شوية قالنا نقولكم جملة و الفاهم فيكم قولي واش معناها و الجملة كانت نفس الجملة اللي حطيتي أنا في الأول ما فهمتهاش بصح صحباتي لبنات عادوهالي كيما تقولوا نتوما
و الله جوزت أيام رائعة في جيجل و نحبها بزاف مدينة ساحرة و ناسها ظراف و مربيين بزاف و صحباتي حتى الآن مازلت نتصل بيهم و مرة على مرة نروح نزور جيجل عندي فيها دكريات فوووووووووووور و الله يا ناس جيجل غير ناس فالقمة و اللي يضحك على الهدرة تاع جيجل راهو يضحك أولا على ثقافة بلادو و ثانيا راهو يضحك على روحو خاطراكش يبيلنا بلي راهو انسان ناقص و ما يقدرش يتأقلم مع كافة الأجناس و أحس ان من يضحك على الجواجلة راهو يغير منهم .
********* هدا رأي و أنا اتكلم بصفة عامة
و هادي ليكم يا ناس الحضرة

[RIBA-18]

المشاركة الأصلية كتبت بواسطة سمير الجيجلي

نعم اخي لهجة سكان الميلية تختلف عن لهجتنا فالسنثر

شكرااا أخي و لكن ايمكنك التوضيح أكثر
يعني أين يكمن الاختلاف بالضبط .......؟؟؟