نار الحيرة تكاد تقتلني ساعدوني من فضلكم

[الامبراطور32]

المشاركة الأصلية كتبت بواسطة خديجة 1010

السلام عليكم ورحمة الله وبركاته تقبل الله صيامكم وعيدكم مبارك وكل عام ونتم بخير اردت ان اطرح عليكم مشكلتي فلا تبخلوعلي بالمساعدة
انا فتاة كنت مخطوبة لشاب من ولاية تيبازة بعد حب دام سبع سنوات ولكننا انفصلنا في شهر رمضان لانه خانني وتعرف الى فتاة اخرى وخلال تلك الفترة واثناء ذهابي الى المسجد لاحظت بان هناك شابا يقيم في نفس الحي الذي اقيم فيه يتبعني اينما ذهبت وهو شاب ملتزم وملتحي اي هو سلفي وفي اخر ايام رمصان طلب مني رقم هاتفي لانه يريد ان يكلمني في موضوع مهم اعطيته الرقم وكلمني واخبرني بانه معجب بي ويريد ان يتقدم لخطبتي لكن في الوقت الحاضر ظروفه لا تسمح فهو غير مستقر ماديا وطلب مني ان اصبر عليه قليلا فوافقت
لكن في الفترة الاخيرة عاد خطيبي واراد ان نعود كما كنا وانه ندم على مافعله واقنعني باننا سنكون احسن من الاول ولكن عندما نتزوج علي التوقف عن العمل والسكن مع اهله وزوجة اخيه في بيت من تلات غرف
في الواقع انا في حيرة من امري ولا اعرف ماذا افعل لقد صليت صلاة الاستخارة علىالشاب الذي كلمني لكن لم يظهر لي اي شيء و في نفس الوقت انا اميل له اكتر من خطيبي وهذ لتدينه ورضاه رغم انه اخبرني ان تزوجنا فاننا سنقيم مع اهله وسوف اتوقف عن العمل لكني وافقت ورضيت اعينوني من فضلكم وادعو لي ان يسهل الله اموري ويرزقني بزوج صالح

السلام عليكم ..........أختي الكريمة ربما يغضب مني البعض لكن هذه الحقيقة لا تنظري للمظهر ابدا ابدا ...لدي صديقي اعجبه احد الاخوة ملتزم ودائما في المسجد وكما يقول البعض سلفي فتزوج اخته ووجد الطامة الكبرى اخته ساحرة .....السلام عليكم

[عُضو مُحترم]

المشاركة الأصلية كتبت بواسطة بنت الحجاج

يا اختي

اي متدين هذا و يطلب منك رقم هاتفك ؟؟

الدين و العادات تقول ان يقصد اهلُه اهلَكِ

و يسمع رايك من اهلك

لا ان يطلب رقم هاتفك

و الله كنت رايح نكتبها


===============

بما انه سلفي كيف اعطاها الرقم وحدثها في الهاتف

و اختنا كيف تقبل تحدث شخص غريب في الهاتف

؟؟؟؟؟؟

ربي يهديني

[BAROUD]

م ن ترك حاجة لله عوضه الله بخير منها ...ادا احببتي فاحبي في الله واذا ابغضتي ..............

[ورود الربيع]

يا اختي بالاك الاول قضى المهمة تاعو معا هاذيك و كيسمع بلي راح تنخطبي جا يولي ليك
انا نقول السلفي خير و ربي يعاونك

[ورود الربيع]

اصبري صبر جميل ربي يجازي اللي يصبروا
كيراهو سلفي ما يخدعكش و الزوجة تصبر معا زوجها و تفرح معاه في الافراح و تحزن في الاقراح ربي يبعدهم
علاخاطر دوك راهي حاجة واعرة واحد يبني عايلة و دار مخلصة
و الاول كي خدعك هاذ الموقف تقعدي تتذكريه كل حياتك اومباعد تولي مسؤولة و الولاد و...
نورمالمو الخزرة ما تشوفيش فيه
و يكون في علمك كثرتها الاغنياء عما اللي يخدعوا

[ورود الربيع]

و شوفي راي اهلك تاني مهم و كما يقول المثل اسال المجرب ولا تسال الطبيب
يعني اسالي الككبار عليك و المتزوجين
/وانا تاني كنت نقولك السلفي لكن اظنه اخطا في الموقف الذي اخذ رقم الهاتف
احيطك علما ان الله سيكتب لك واحد يا اما الاول او الثاني او اخر فلا تتحيري و اتركي الامر لله العبد ماله سوى التفكير و الحجج و لكن مهما كان رايه سيتحول الى ما كتبه الله




في الاخير نقولك ما تشوفيش من ناحية كلامي كثيرا لانني كان يلزم ما ندخلش روحي فانا لست سوى بنت تبلغ من العمر 13 سنة

[lacheheb2010]

لا شكر على واجب اختي الكريمة وسوف ادعي لكي في كل صلاة

[lossitta]

مادام يسكن قريب ليكم علاش كان يتبعك في كل مكان مدة من الزمن؟
انا يظهرلي انو الاثنين ميصلحوش
لكن لاتخافي لان المكتوب بيد الله وانا راح ندعيلك

[fatouma alg]

اختي نعرف نار الخداع كيفاش داير ومادام حبيبك الي حبيتيه 7سنين خدعك ردي بالك ترجعيلو ادا رجعتيلو راح يخدعك ويخدعك ويخدعك وهادا زواج والزواج دهر ماشي غير يوم

من رايي اقبلي بالسلفي احسن لكن بعد ما تستخيري
ربي يوفقك اختي ويوفقنا كامل
صح عيدك وكل عام وانت بخير

[ملكة الورود]

حنونتي ما تسمعي لحتى واحد لا لسلفي لا للكان خاطبك
حنونة ديري استخارة و إذا أقبلتي على الأمر (أيا كان ) فهو صلاح لك
تقبلي مروري

[biomano]

هي 7 سنين عمر لكن مابعد خيانة هدي تخوف ومادام لقيتي رجل ملتزم ماتضيعيهش من ايديك راه ملتزمين الي يعرفو ربي . هم الي يتعايشو حتى ولو في بيت جريد وصلي صلاة استخارة وربي يوفقك يارب