قدمو أسئلتكم أنتم أبطال بكالوريا 2020 ...!!

Winter one · 2019-08-24, 13:57

السلام عليكم ورحمة اللع تعالى وبركاته ...
اولا وقبل كل شيء نتمنى تكونو بخير وعافية ...كيما على بالنا الدخول المدرسي على الابواب ومبقاتش فترة كبيرة وتلتاحقو بمقاعد الدراسة ..نتمنى لكم النجاح والتوفيق في مساركم الدراسي وخاصة جماعة باك 2020...لازم تدخلو بطاقة كبيرة وتفاؤل اكبر وحطو هدفكم قدام عينيكم حتى توصلوا للهدف الاكبر وهو معدل بكالوريا يخليكم ديرو التخصص لي تحبووه ...فقط أنا جبت الباك هذ العام بمعدل 15.41 شعبة تقني رياضي فرع هندسة الطرائق وأنا مستعدة للاجابة على الاسئلة نتاعكم انتم أبطال هذه السنة الدراسية ان شاء الله ...آسفة على الاطالة ...
بالتوفيق ان شاااااء الله

Asma.19 · 2019-08-24, 18:37

نقطتك في الفيزياء و كيفااش درستيها

Winter one · 2019-08-24, 19:04

[quote=asma.19;3997953628]نقطتك في الفيزياء و كيفااش درستيها[/quote]

نقطتي في الفيزياء كانت 18.5
اعتمدت على الاستاذ في القسم كان يمدلنا أفكار ما شاء الله ...وعتمدت بشكل كبير على سلاسل الكور كانت تفيدني بزاف ...مع الاول مكنتش نحاول في تمارين الكور ولقيت روحي مستتفدتش منو ومنهزش الافكار ..وحتى كان هزيت فكرة وللا زوج ننساها ...من بعد رجعت نحاول وحدي في الدار وكي نروح للكور نشوف وين غلطت ووين مغلطش ...بصراحة نقاطي في الفروض كانو 12 و10 واما في الاختبارات 14.5 و 15.5 ...بديت نتحسن في المادة كثر كي حليت بعض المواضيع نتاع البكالوريا مثلا وراني شعبة تقني بصح بديت بمواضيع علوم تجريبية ...واما الكور سبيسيال دخلتلو في منتصف افريل وبدينا نحلو في المواضيع ونراجعو من بدايه العام مع الاول لقيت روحي نسيت بصح بعد فترة قليلة لقيت روحي نحل اغلب المواضيع والحمد لله ....شوفي ذركا انا واش نقلك انت اقراي المادة وراهي شيقة للغاية ودروسها ملاح خاصة الكيمياء والاهتزازات والنووي ساهلين خلاص تحطي راسك وتحلي تمارين صاي ...ابداي تقراي في المادة من بداية العام ....
آسفة طولت عليك ...بالتوفيق ان شاء الله لنيل التمني

أسماء أماني* · 2019-08-29, 15:45

كيفية النجاح و التغلب على صعوبات مادة العلوم
وماهي مراجعك