ارواحواا نحيو الخوف ....من تجربتي

[اشعة الشمس]

بارك الله يك أختي
والله مزلت متأخرة في مراجعتي تبانلي عندي مشكل في التنظيم
هاذ الاسبوع ان شاء الله كل مادة ادبية نعطيها يوم، ونرفقها بمادة علمية
الله المستعان
بالتوفيق

[kimjia]

المشاركة الأصلية كتبت بواسطة fifioo

^^ معليه لكل صبر ثمر جميل و اجعلي هذا تحفيزا لك بان تثبت له بانك تستطيعين مواجهة امور وحدك فلا تسندي نفسك على أحد فالناس جدران مائلة ويكفي انني وكل من عبر من هنآ يدعوا لك
وبخصوص فهم عليك بتنظيم وقتك وعقلك فالعديد يعتقد انه وحش يجب قتله وانما هو عدو يجب استغلاله. و اكثري واقنعي عقلك باطني و ستجدين حل باذن الله موفقه نجمتي ^^

يعطيك الصحة خيتي لعزيزة على هذا التحفيز الرائع انا جامي استاندت على واحد غير على ربي سبحانو وهاني نقرى قلب ورب باه نبرهنلو واش تغيضني غير كي يقولي نتي على 10 سنين ومتجيبيهش
جامي درت الكور ولا شرالي كتاب مرجع وعام كامل جامي يجي ويقولي كيفاه راكي معا لقراية وكشما يخصك غير امي لعزيزة
ونهار تخرج نتيجة يجي يعيط عليا
اما بخصوص الوقت والتنظيم راهي مليحة بزاف تقرى 15 ساعة في نهار صح خايفة شوية من الفلسفة بصح راني لاباس
ونا ثاني ندعيلكم كامل

[بشرى.22]

اختي انصحيني في الفيزيك مانعيا كي ندير معاها منفوتش 14 -15

النقاط يروحولي غي في صوالح تافهين

[صمت النّبض]

شكرا أختي على النصاائح
ربي يوفقنا كامل

[jë suîs comçà]

[quote=fifioo;3997884425]تاريخ وجغرافيا كي تعلمتي منهجية تع وضعية مقال وغيرها
مقدمة تكون في زوج اسطر و تبداي من العام الى الخاص و منسايش الاسئلة

العرض ديري عبارة عن نقااااط بلاكي ديري فقرة
الخاتمة جاوبي على السؤال ف المقدمة

فلسفة هل من احسن حفظ مقولات وقراءة مقالات متنوعة و تعلم منهجية تحليل و استعمال مكتسبات احسن

من حفظ مقالة

اعتذر فلسفة معندي حتى خبرة

ومافرق بين مقالة جدلية و غيرها

الرأي الشخصي و النقد

رياضياات عندي ديفو يا نبدل اجابة والا عارفة اجابة وتبانلي منعرفش وفي اخير يطلع حل كنت قادرة نجيبه
انا بطبعتي منحب نحل تمرين في اي مادة و جربت اذا حليت تمرين ومدة قصيرة اختبار يطلع نفس منهجيته بصح نغلط طريقة صحيحة حساباات غالطة
ننصحك متتوتريش برك و ركزي [/quote]




مووووووووفقة

[jë suîs comçà]

المشاركة الأصلية كتبت بواسطة اشعة الشمس

بارك الله يك أختي
والله مزلت متأخرة في مراجعتي تبانلي عندي مشكل في التنظيم
هاذ الاسبوع ان شاء الله كل مادة ادبية نعطيها يوم، ونرفقها بمادة علمية
الله المستعان
بالتوفيق

و فيييييييييييييك بارك الله
موووووووووووووفقة

[jë suîs comçà]

المشاركة الأصلية كتبت بواسطة بشرى.22

اختي انصحيني في الفيزيك مانعيا كي ندير معاها منفوتش 14 -15

النقاط يروحولي غي في صوالح تافهين

الفيزياء حلي بكالوريااااااات برك

تفهمي كل شيء

خاصة التقني

[jë suîs comçà]

المشاركة الأصلية كتبت بواسطة صمت النّبض

شكرا أختي على النصاائح
ربي يوفقنا كامل

العفووووووووووووووووووووووووووووووووووووووووو

آآآآمين يارب العالمين

[minani123]

انا هزيت الشريعة نحفظها لقيت روحي ناسية كلشي تلقت وحطيت الكراس ذك وش ندير نعاود نحفظها ولا مانمسهاش طول ؟

[صمت النّبض]

العلوم شحال كانت نقاطك
نقدر ندي نقطة ممتازة بسهووولة ؟؟؟

[^_^أنس^_^]

بالتوفيق للجميع ربي يفرحنا كامل*

[Fifioo]

اريغااااتوا غووزايمس اختي جزاك الله خيرا^^
+
العفو اختي هذا تحفيز بسيط لكي ولي ربي يوفقك

[bis kou]

السلام عليكم

لدي مشكلة وهي ...كابوس الفشل أو عدم تحقيق معدل "الأحلام :''( " أدري أن الفشل ليس نهاية العالم وسأتقبله بصدر رحب لكن المشكلة الكبرى......والدي وخاصة أمي ...يا إلهي تأنيب الصمير راه داير فيا حالة معلاباليش علاه وحالة الخوف شدييييدة جدا :''(

رجاءا انصحيني ماذا أفعل خصوصا وليت نقرا تجارب حتى تلاميذ مجتهدين وخطرات يفشلو وليت تاع صح نخاافف بزاااف راني في حالة هستيرية

الله المستعان ......كيفاه نتعامل مع نفسي هذ الفترة تعيشي

بالتوفيق

[Hou Da Lar]

بارك الله فيك اية حبيبتي ربي ينجحك

[rowaida18]

المشاركة الأصلية كتبت بواسطة jë suîs comçà

السلام علييييييكم

عيييييييدكم مبارك تقبل الله منا ومنكم ...غفر الله لنا و لكم
كل عام و انتم الى الله أقرب


علابالي راكم في حالة مي مبقاش بززااف جيت ننصحكم من تجربتي :

1-التوكل على الله متنساوش الادعية الصلاااااة

2- بعدواا خلاص على القلق و التوتر و الندم و تقولو مثلا لي قرا قرا بكريو با ريت ياريت ...... لالا بالعكس عندك أسبووووع استغلوااااا بمعنى الكلمة
3-صح ليامات هادوما مثلا تجيء تراجع عفسة تلقا روحك ناسي كلش خي موش هكاك راااه جيست الخوف لي مدايرلك هااااااااااااك مكله تووسوس روحك لي خلاص الباك راح و مفيييهاش باسكو عن تجربة شخصية العام ليفات ف الباك نهار الاجتماعيات درت منبه انو نوض على 2 ف الليل نراجع انا كي نضت لقييت روحي تاريخ محفظتوا مصطلح مانش شافية عليييه علابالكم حسيت صح الدنيا تسكرتلي ف الوجه بكييييييييييييييييييييييييييت منبعد صايي رجعت رقدت حتا للصباح كي رحت مع بابا و شفتوا يسما يدعيلي الدمعة طاحتلي وليييت نلوم في روحي نقول و علاش و علاش ..................
تأمنوا دخلت قريت ادعيتي عمرت ورقتي (الاسم اللقب ......) وبقيييت نستنا ف الورقة ...علابالكم وشنو حطولي الورقة تعرفوا ربي سبحانو كل الافكار عندي ف الراس يعني لقيييت روحي عارفة كلش يعني انا كنت نتوهم بلي ناسية و نهار النتيجة لقيت جبت فيها 17.5.

4-مكله يخلعوكم ايي باك قرب مبقاااااش يادرا واش وجدتي تلقاو وسائل الاعلام يحكييييييييو الفيس النيلي كامل يحكيييييو متعطيييوهمش اهمييييييييييييييية خلاص ...دير في بالك بلي ناجح هذا مكان
5-نبدااو مع اجواء الباك (ليلة الاحد ==ليلة الرعد) تلقاو النعاس طار ك ل خطرة تجيييييييك معلومة ف راسك و تقووول ايي نضرب طلة تلقااااو الوالديييين موجديلكم العشاء الله الله يعني يرجعووك أمير و يزيدووا يوصيو خاوتكم يقولولهم متقولقوهمش ههههه

قبل ما تجيء ترقد لازم كل شيئ توجدوا (استدعاء - مقلمة - بطاقة التعريف ) تأكدوا بيا باه غدوة متتفلكمش .
6-الغدوة الصبااااح (اكييييد حتنوض بكري هذا اذا رقدت ههههه) صلي الفجر زيد ركعتييييين ادعيو ربي يوفقكم و يسهلكم (متنساونيييييييييييييييش تعيييشو ) كي تكملوا تلقاو الوالدييين يستناو فيييك موجدييلكم القهوة و نتا ساعتها لابيتي مكنش من الخلعة يحبس كلش و هذا اكبر خطأ (لازم تذوووق عفسة باه تبقاااا مركز ) تلبس حوايجك تهز محفظة ديالك تخرررج بدعاوي الوالديييييييييييييييييييييين و حتا يوصلك باباك لباب الليسي لي تفوت فيييييه و يقوولك ربي يعيينك و يوفقك و يجييييك كلش ساهل.....تدخل المركز ميخلعوكمش بهاذاك الجهاااااز كشف المعاااااااااادن عادي تفوت تحوس على قسمك شد بلاصتك و اقرا الادعية حتان تصوني الخطرة اللولة راهم يمدولكم اوراق تعمرواااا (الاسم اللقب ....) المهم ركزو ملييييح و وضحوا الخط خاصة الارقام
كي تكملوا جيبوها ادعييييييييييية (نشفا العام لي فات كنت ندعي يا ربي وفقققني و وفق لينة و ريان و هديل و مروة و جيهان هادوما جامي غابوا من لساااااني) حتا تصوني للخطرة الثانية يمدولكم الاسئلة هز ورقتك بلعقل و ابدا تقرا الموضوع الاول بتأني (السؤال لي تعرفوااا ديرلوا + لي متعرفوش دير - منبعد قارن بين الموضوع 1 و 2 وشوف وين تلقا + اكثر ) ننصحكم

*في الادب خيروا الشعر لانو يمدوا عليه النقااط و يجيء بسيييط و تفهمه(باك عامي لول خيرتوا ديت 18) النثر بعدواااا عليه (باك عامي ثاني خيرتو ديت 12.5) لانو النثر مهما حسبت روحك فاهم تلقا بلي راك في واد و الاجابة في واد
*في الرياضيات انا نميل للدالة ln كي نلقاها ساهلة نخير الموضوع لي فيها و الدوزيام منحوسش نفهم عليه و زيد الرياضيات حاولو 10 دقائق تخيروا موضوع باه يكفيكم الوقت

تولهوا للاشارات خاصة (حذااري من - و الاشتقاق)
*العلوم (منعرفش اعتذر)
*فيزياء نميل للمكانيك (نهرب من النووي توجوغ ) عامي لول حطيت روحي فاهمة و خيرتو ديت 8 عامي الدوزيام محوستش عليه ديت 18
7- المهم نزييييدلكم عفسة انكم كي تخرجوا متحوسوش على الاجابات راه خطأ و لا تسقسيو واش من سوجي خيرت

ابتعدوااااااااااااااااا تماما عن هذا

ترررروحو تلقاو امهاتكم يستناو فيييكم يقولولكم ياك لباس قولهم توجوغ الحمد لله (انا كلش نقول حمد لله ماعدا العلوم ميسقسونيش عليها ههههه)
8-النصيحة الاخييييييييييرة حاولوا توجوغ تروحو بكري لمركز الامتحااااااااان .

ماكانش بنة للباك كيما العام لول

سمحولي كثرت علييييييكم بزاااااااااف
نتمنا اني فدتكم و لو بالقلييييييييييييييييييل

متقطعوش اليأس

اني هنا من 2017 أي سؤال نجااااوب عليه

حاااابة نعرف مخططكم لهذاااا الأسبوع
كيفااااش ديروااااااااا؟؟
الاحرار قولولي اسكو تفوتو في منطقة بعيييييييييييدة على داركم(واش حديروا )؟؟؟؟؟؟؟

دعواتكم

بارك الله فيك يا الزينة و ربي يهنيك
اختي انا حاصلة مع الاجتماعيات و ما حافظا والو ابار الدروس الوووووووووووووولين بصح المصطلحات والو
و الانجليزية عندي مشكل مع الوضعية ما نعرفش نعبر مرراااااااااااااا
انصحيني ربي يجازيك