نحن لها <3 ^^ج2

[ورد الاوليف]

زملائي الاعزاء الاقوياء مابالكم وشبيكم خايفين من الوقت ومن الباك دقيقة برك خلينا نظموا افكارنا
اولا الباك هو امتحان فيه اسئلة وانت تجاوب عليه وبرك لما الخوف اقرو عرواحكم والله يجيكم حبة حلوة ها علابالي ساعات نطيحو في تمارين يطيحولنا المورال ويوصل للدرجة لي نولو نبكو فيها مي حاول و ماتستسلمش جاوب بالغالط زيد عاودو زيد عاودو لين تقرب تحفظ الحل وبعد زيد حل تمرين اخر زيد حل وحل وحل لين تحس روحك اليوم صايي اكتفيت روح ريح زيد ارجع غدوة حاول ماتخلي حتى حاجة تهزمك انت اقوى من كل تصوراتك ايماجيني نتيا كاين زوج تلاميذ واحد مستواه متوسط لكن يجتهد فالدار يقرا ويتعب ولوخر مستواه جيد مي يبذل في مجهود ضعيف شغل مينذاك يقرا يعني يقرا 3 ايام مليح بوتيرة عالية بعد يبدا يفشل ويتهاون باينة لوخر المتوسط لي يبذل مجهود بوتيرة عظيممممممة يبدا يجتهد من الاحد حتى للسبت تع السمانةة الجاية بلا تعب بلا استسلام وبالمقاومة والصبر رح يلحق على هذا التلميذ الجيد وزيدلك زيادة يلحق عليه ويفوتووووو بعيد

لذلك اجتهدو سمانة كاملة اقرو عادي


ومافيها والو اذا فشلتو افشل 99 مرة وانهظ في المرة المئة ليسونسيال نوض ماتبقاش مرمي ماكانش واحد يوقف بلا مايطيح يا سدي تلطخ في الارض المهم نوض ذرك كي انت ماتقراش على روحك شكون رح يحققلك احلامك تعلم تحب نفسك وترافقها خاطر دوملك غير روحك


وماتنظرش لنفسك نظرة سلبية ولا تنعتها بالفشل و

تفائلو يا عباد الله ماكاين حتى شي حاجة تخيلكم تفقدو ثقتكم بانفسكم صايي ديرو objectif بين عينيكم وابدو اخدمو عليه مهما يصرا لازم تخدمو عليه كل يوم وكل ساعة وكل ثانية

وعادي اذا ماخدمتوش في فرض ولا اختبار صح زيرو على رواحكم مي ماشي نقطة ضعيفة في فرض تفشلكم عادي


وثانيا الوقت مزاااال الحااااااال ماتتخلعوش راكم تقدرو تقدرو تقدرووووو ماتستسلموش الناس في نهار اطلع صواريخ في الفضاء وانت تضيعو اياماتكم في باطل

ابدو من اليوم امشو تكة بتكةة حتى توصلو باذن الله ماتفشلوش كيما يقول المثل لو مشيت خطوة خطوة او خطوة واحدة كل يوم باتجاه هدفك لوصلت لكن المشكلة انك واقف في انتظار معجزة تحقق لك الهدف مباشرة بقفزة واحدة وهذا لن يحصل

لذلك اوثقو بربي سبحانه صلو وادعو وادعولي معاكم وباذن الله ربي ينولكم لي في بالكم وان شاء الله ما كنتش قاسية معاكم ولا جرحتكم بكلامي والسلام عليكم ورحمة الله وبركاته

[انفال19]

باررك الله فيك دمتي لنااا كنت احتااج لبعض التحفيززز وادعيلي م نحقق ما اريد وحبيت نسقسيك دك نتي فاه راكي فلحفاظة اسكوو نبدا نحفظ الدروس تاع الفصل الاول ولا نحفظ تاع الفصل الثاني وتاع لفصل لاول نخليهم في العطلة وحفظكي الله

[امـــة اللـــه]

طبعا أختي كلامك صحيح
ان سقطنا لايعني اننا فشلنا وانما نفشل عندما لا نستطيع النهوض
كل من سبقنا تعرض للفشل لكن قابلوه بالتحدي ... بالارادة ..... بالا صرار و العزيمة ......
ورغم ماتعبو وعاناو لكن مابقالهم غير الفرحة نساتهم فهاذ المعاناة

اذن لماذا لا نضحي بأيام من أجل فرحة السنين ؟!!

[* قمر*]

المشاركة الأصلية كتبت بواسطة انفال19

باررك الله فيك دمتي لنااا كنت احتااج لبعض التحفيززز وادعيلي م نحقق ما اريد وحبيت نسقسيك دك نتي فاه راكي فلحفاظة اسكوو نبدا نحفظ الدروس تاع الفصل الاول ولا نحفظ تاع الفصل الثاني وتاع لفصل لاول نخليهم في العطلة وحفظكي الله

انصحك انك تبداي تاع الفصصل هذا مدام انك نظامية و من بعد ارجعي للفصل الاول

[ورد الاوليف]

المشاركة الأصلية كتبت بواسطة انفال19

باررك الله فيك دمتي لنااا كنت احتااج لبعض التحفيززز وادعيلي م نحقق ما اريد وحبيت نسقسيك دك نتي فاه راكي فلحفاظة اسكوو نبدا نحفظ الدروس تاع الفصل الاول ولا نحفظ تاع الفصل الثاني وتاع لفصل لاول نخليهم في العطلة وحفظكي الله

السلام عليكم وشراكي نونو اولا يا حبوة انت نظامية لازملك تحفظي دروس الفصل الثاني خاطرك قادرين يجوك في الفروض والاختبارات لازمك تحفظيهم ذرك مليح مليح ابخي مين يبقالك وقت سيي ترجعي تحفظي تع الحرب الاردة واذا ماقالكش احفظيهم في عطلة الربيع والله غير ساهلين وحلوين ويتحفظو بالخف الله معاك غزالتي

[ورد الاوليف]

المشاركة الأصلية كتبت بواسطة امـــة اللـــه

طبعا أختي كلامك صحيح
ان سقطنا لايعني اننا فشلنا وانما نفشل عندما لا نستطيع النهوض
كل من سبقنا تعرض للفشل لكن قابلوه بالتحدي ... بالارادة ..... بالا صرار و العزيمة ......
ورغم ماتعبو وعاناو لكن مابقالهم غير الفرحة نساتهم فهاذ المعاناة

اذن لماذا لا نضحي بأيام من أجل فرحة السنين ؟!!

احسن تحفيز والله لماذا لا نضحي بأيام من أجل فرحة السنين ؟!!

الله يكون معاك

[ورد الاوليف]

المشاركة الأصلية كتبت بواسطة * قمر*

انصحك انك تبداي تاع الفصصل هذا مدام انك نظامية و من بعد ارجعي للفصل الاول

نعم قمرة حتى انا خممت لها هكاك