راني متأخرة ؟

[Histidine~]

السلام عليكم
في الفيزياء راني في النقص الكتلي و مازال ملحقتش للحصيلة بينما الاستاذ دخل في الكهرباء ، راني متأخرة ؟

[Histidine~]

Up up




-

[الاسكندر الاكبر]

ههه استاذنا خلص الكهرباء و انا مازالني في التاريخ ، نمشي مع ليكور منمشيش مع القسم

[الاسكندر الاكبر]

لست متاخرة فقط راجعي الكهرباء باش على الاقل تحطي كاش حاجة في الاختبار ،

[* قمر*]

تفكرت العام السابق انا رحت لاختبار الفص الاول خدمت 2 تمارين الو1 + الو 2 اما التمرين 3 اللي هو تاع الكهرباء محليتوش منت مزال موصلت عرفت غي كفاش نرسم دارة ولا ني كنت منحضرش في القسم و هكا كملت البروقرام وتحصلت على علامة ممتازة في الفيزيك في الباك لهذا لا تياسي و لا تقولي ابدا نك متاخرة امشي هاك بالعقل المهم اللي فاتوا تكوني فهمتهم مليح و كيما قالك المحارب الاسكندر الاكبر راجعي شوي باشي تحطي كاش معلومات في الاختبار
موفقة

[ا̍ڔٰا̍دۃ ۛ ּحۡــدڀــدڀــۃ]

في الناقلية انا هههههه

[الاسكندر الاكبر]

المشاركة الأصلية كتبت بواسطة * قمر*

تفكرت العام السابق انا رحت لاختبار الفص الاول خدمت 2 تمارين الو1 + الو 2 اما التمرين 3 اللي هو تاع الكهرباء محليتوش منت مزال موصلت عرفت غي كفاش نرسم دارة ولا ني كنت منحضرش في القسم و هكا كملت البروقرام وتحصلت على علامة ممتازة في الفيزيك في الباك لهذا لا تياسي و لا تقولي ابدا نك متاخرة امشي هاك بالعقل المهم اللي فاتوا تكوني فهمتهم مليح و كيما قالك المحارب الاسكندر الاكبر راجعي شوي باشي تحطي كاش معلومات في الاختبار
موفقة

انا ثاني احيانا لا احضر الحصص بغية المراجعة الفردية في المنزل كينشوف عندي تاخر ، اختي قمر اذا لم يكن هنالك ازعاج اردت ان اسئلك كانت علامتك في الفيزياء و ما هي المواد التي اثرت على معدلك في البكالوريا (الله عيشك متقوليش الفلسفة)

[* قمر*]

مكاش مشكل
علامتي في الفيزيك 18
اول مادة حطمتني هي الاجتماعيات محفظتش كنت كل مرة نقول نحفظها حتى وصل الباك و محفظتهاش للاسف ( ديت 7.5 بيناتنا هه)
الفلسفة لم اعرها ابدا اهتمام في الاخير راجعت المقالات المقترحة فقط و لم احفظ اي شيء لا مقولة و هكذا ديت 11 لو كان حفظت بعض المقولات وفهمت من الاول غي شوي لو كان جبت مليح و (لكن لا ينفع الندم )
بصفة عامة انا المواد الادبية كنت هايلة فيهم تهاونت فيهم مجبتش مليح يعني بين 12 حتى 14 و كاين 11
اما المواد العلمية جبت الحمد لله ماعدا العلوم منحبهاش ففف
كنصيحة المواد الادبية راهي ساااااااااااااهلة متخلوهاش تبعدكم على تحقيق احلامكم
انا لو كان خدمت المواد الادبية لو اخذت بين 16 و 17 لكن هي اللي خلاتني نعاود الباك
لكن قدر الله ما شاء فعل
هذا العام باذن الله نحقق ما كنت اتمنى
اسفة طولت بزاف الهدرة لمجرد سؤالين فقط ( نهدر بزاف هه)
بالتوفيق ايها المحارب

[jë suîs comçà]

mkish mt2a5ra normale mfiha walou
ana ki kont nidamya dit 12.5 w ana mlh9tsh l kahraba2 ms nrml ma fihawalou
ms f bac dit 18

jamais ty7i b rohhhhhhhhhhk khtito

[Histidine~]

انا سايي كي ديت 8,5 فالفرض منزيدش قاع نحل فمي

[jë suîs comçà]

المشاركة الأصلية كتبت بواسطة Histidine~

انا سايي كي ديت 8,5 فالفرض منزيدش قاع نحل فمي

mafiha walou
wlh kont ndi 3 w 5

[* قمر*]

يا ختي متقعديش دوكا تتحسري ديريها هاذي 8.5 حافز ليك
انا ال2 ثانوي مقريناش كامل الفيزيك ومن بعد في الباك جانا استاذ يقري مليح و المهم انا الو 1 جاتني بزاف صعيبة معرفتش كامل كفاش نبدا وهو مرحمناش قالنا اللي قرا الدوزيام قرا وللي مقراش يدبر راسو انا منعاودش ومن بعد درنا وظيفة رقم 1 دارلنا ت و 1 انا جبت فيها 6.5 و الفرض مزدتش بزاف ديت 12.5 و هكذا درتها حافز ليا و علقتها في مرجع تاعي تاع المغني كل منشوفها نقرا فيزيك و الحمد الله كملتها وجبت في البك 18 من يدري في ذاك الوقت اللي ديت فيه 6.5 نجيب الباك في الفيزيك 18 مجرد ارادة فقط و نتي اولى من اي شخص اخر بتحفيز نفسك توكلي على الله و استرجعي انفاسك و حطمي الفيزياء

[Histidine~]

صحيتو خواتاتي 😊😊 اكم عارفين الاستاذ نتع المات جايبها ورايا لأسباب شخصية لدرجة أنني رأيته في حلمي يطاردني بشكل شرس .. و استاذ الفيزياء صديقه يعرف يقري مي كائن افكار جدد ياسر .. خليها على ربي وخلاص

[bis kou]

المشاركة الأصلية كتبت بواسطة jë suîs comçà

mafiha walou
wlh kont ndi 3 w 5

المشاركة الأصلية كتبت بواسطة * قمر*

يا ختي متقعديش دوكا تتحسري ديريها هاذي 8.5 حافز ليك
انا ال2 ثانوي مقريناش كامل الفيزيك ومن بعد في الباك جانا استاذ يقري مليح و المهم انا الو 1 جاتني بزاف صعيبة معرفتش كامل كفاش نبدا وهو مرحمناش قالنا اللي قرا الدوزيام قرا وللي مقراش يدبر راسو انا منعاودش ومن بعد درنا وظيفة رقم 1 دارلنا ت و 1 انا جبت فيها 6.5 و الفرض مزدتش بزاف ديت 12.5 و هكذا درتها حافز ليا و علقتها في مرجع تاعي تاع المغني كل منشوفها نقرا فيزيك و الحمد الله كملتها وجبت في البك 18 من يدري في ذاك الوقت اللي ديت فيه 6.5 نجيب الباك في الفيزيك 18 مجرد ارادة فقط و نتي اولى من اي شخص اخر بتحفيز نفسك توكلي على الله و استرجعي انفاسك و حطمي الفيزياء

السلام عليكم
حبيت نسقسيكم كيفاش كنتو تراجعو الفيزيك لأني انا ايضا اعاني من نقص في هذه المادة
هل يصلح لأن احل 200 تمرين كا يقال حتى اتحصل على علامة ممتازة

ويعني كي نحلو من ضوكا مننساوش ؟
ارجوكم اجيبوني راني نهلوس من هذه المادة اصبحت تشكل كابوسا علي

[jë suîs comçà]

المشاركة الأصلية كتبت بواسطة bis kou

السلام عليكم
حبيت نسقسيكم كيفاش كنتو تراجعو الفيزيك لأني انا ايضا اعاني من نقص في هذه المادة
هل يصلح لأن احل 200 تمرين كا يقال حتى اتحصل على علامة ممتازة

ويعني كي نحلو من ضوكا مننساوش ؟
ارجوكم اجيبوني راني نهلوس من هذه المادة اصبحت تشكل كابوسا علي

nnnnnn
Mthli 200 mathli 100
Choufi drwk revisi as2ila cha2i3a c tt
Mnb3D f mai 7alil bac c tt
Mfiha walou