اقتباس:
المشاركة الأصلية كتبت بواسطة المُعادلة الصّعبة
اخيرا قدرت نلقى وقت ونلقى كيفاش نتواصل معاكم
الريزو والكونكسيون في اقامتي حدث ولا حرج💔💔💔
ماتتصوروش قداش توحشت هذا المنتدى وافتقدتو
ماتتصوروش قداش غاضتني ذكرياتي لي هنا كامل
نحب نبكي كي نتفكرهم
لا علينا
ربما كاين لي يعرفني وكاين لي مايعرفنيش هنا
انا طالبة بكالوريا2018 شعبة رياضيات كان حلمي الاسمى اني نتحصل على الامتياز كيفكم
لكن ما كتبش ربي و ظلموني في التصحيح وجبت 15.80 ولكن الحمدلله ضرك راني طالبة في كلية الصيدله وانا راضيه بها😇😇
حبيت نقلكم توحشتكم كامل فردا فردا سيرتو لي يعرفوني وجامي رحتوا من بالي
ولي مايعرفونيش نقوللكم كشما حتجتوا سقسيوا انا نشفا العام لي فات الوقت هذا هبلت الغاشي بأسئلتي اللي ما تخلاصش
حبيت نقلكم ثاني بلي الايام تع الباك على قد ما هي صعيبه على قد ماهي حلوة صدقوني كي نتفكرها ونتفكر معاناتي وتعبي نتوحشو نحب نبكي على اايام هذيك تع لليسي والله ماتتعاود استمتعوا بها جيدا
المهم كشما حتجتوا سقسيوا مهما بانلكم سؤال تافه انا نموت على التفاصيل واللي يهتم بالتفاصيل سقسيوا وش حبيتوا رح نستغل الفرصه مادامني ف الدار نقدر نتواصل معاكم بسهوله😍😍
كي دخلت للمنتدى جاني شعور هايل حسيت بالانتماء
تمنيت لوكان ماخلاصتش هذيك الايام وتبقى للابد💔
كثرت الهدره علابالي
اليكم الخط
|
سلام ريان واش احوالك واش الغيبة هاذي كامل توحشتك💔😘
ايه اريان واش نقلك اول مرة عاد نفوت الباك😁
حتى انا شعبة رياضيات جايبتها غير مع الفيزياء والماط كي تعرفي😜
والمواد الادبية هملتهم خلاص ( تقريب ماعنديش وقت ليهم مع ليكور فالويكاند والايام لخرين نروح على 5 ونص😓 ياربي نحل الواجبات ونحضر ) الحفظ عييت نبدا 😑
من فضلك تنصيحيني كيفاه نتعامل مع مواد الحفظ وكيفاه كنت مدايرة برنامجك
( تقرير عن مشاركة سيئة )، و الموجودة أسفل كل مشاركة .
2018-10-25, 15:25
العرض العادي
