حصري سلسلة عقبات الباكالوريا 2019 العقبة رقم 1 * هل الدروس الخصوصية لازمة ام هي مجرد اهدرا للوقت واهدار للمال

[العالمة الطموحة]

موضوع فالصميم يا الاخ بصح نزيدلك اضافة انا والله الحماس لحد الان ماراحليش ديجا تواحشت لقراية و نقلك الانسان يكون ذكي يعرف واقتاه يزير واقتاه يرخف شويا على روحو على جال صحتو واقتاه يحفظ وواقتاه يحل تمارين مام ليكور لازم تكون دقيق في تحديد نقصك ما تتبعش برك اذا مخصوص ففهم روح عند واحد يفهمك مليح اذا حاب تمارين او لازم تحلهم وحدك و امبعد شوف الاستاذ كيفاه الحل او ماشي تروح تتفرج فيه و تحكي كلمة حكمتها و كلمة نو بزززاف ناس ضاعت وسط هذا التيار

[العالمة الطموحة]

ولازم تخير الاستاذ فليكور اللي صح يقري خاطي يطبع برك مع الغاشي شوف واحد كفاءة و تفاهمو معاه واش تديرو انا و زملائي نخبة الثانوية شفنا احسن الاساتذة و درنا قروب مصغر لينا و تفاهمنا فحصة للدرس و نشوفو كانش نقائص و منهجية الاجابة و نختارو احسن التمارين و المواضيع و نحلوهم و فحصة اخرى كل واحد يجاوب تاعو و يجاوبلنا الاستاذ باه ندركو اخطائنا شغل فالاسبوع حصتين مام ماشي لازم تعتمد على الاستاذ ادرس فالبيت بشغف لازم كنتي حضرتي روحك شويا فاوت و سقسيتي المتفوقين و جمعتي المراجع و الدراسة من اليوتوب تمرض العينين و صراحة تستنزف الوقت و الطاقة حاول تخلي وقت دراسة البيت لحل التمارين او الحفظ او تثبيث فهم الدرس ماشي تقعد تعاود فهم الدرس فلاكلاص و ليكور و زيد اليوتوب و ما تتكبروش على استاذ القسم والله مفيد و اصلا كي يعودو التلاميذ ناشطين الاستاذ يبدع و يعود يجمع معلومات اكثر اجعلوه عاما لا ينسى بالدراسة و الحماس و الاجتهاد والله يا حلاوة تلك الايام لا تنسى مع انه تعبنا جدا ولكن لا باس

[العالمة الطموحة]

لازم تخيرو و تنتقيو كلش ماشي اي شئ تسمع بيه تروح ليه لازم الافضل و الدقيق الشامل و من يريد ان انصحه حول المراجع او اي شئ انا فالخدمة و نقلكم اققققققررراااو وتوكلو على ربي كيما يقولو خدمو للبلافو تاعكم لا تدخرو جهدا و لا ابداعا و لا فكرا تذكرو كلمة حضاد13 سنة هذي تكفيكم لتقدمو احسن ما لديكم كيما الخيول كي تلحق لاخر المضمار تبدي اقصى ما لديها كونوا مثلها والله يبارك المنتدى يعج بالممتازين اسئلوا عن كلش .....وفقكم الله

[dounia-zed]

صراحة موضوع فالقمة قريتو برك طلعلي المورال هدرة فمحلها واسلوب رائع 👏✊👍 تبرد القلب 😄 بارك الله فيك ياريت تكثر من مواضيعك وشكرا اكسد ندير بنصائحك

[~عيون القلب~]

بارك الله فيك
شخصيا لم اعتمد في مسيرتي الدراسية كالمة على ما يسمى الدروس خ
و الله اعلم ماذا سيكون هذا العام ,
ربي يوفقنا

[~عيون القلب~]

بارك الله فيك
شخصيا لم اعتمد في مسيرتي الدراسية كالمة على ما يسمى الدروس خ
و الله اعلم ماذا سيكون هذا العام ,
ربي يوفقنا

[بشرئ عاشقة العلم]

الخ كلامك يحتمل الصواب كما قد يحتمل الخطا انا شخصيا استفدت من الدروس الخصوصية
كثيرا كثيرا خاصة في الفيزياء عند استاد اقل ما يقال عليه انه بارع و قد افادتني في الرياضيات كدلك
لدلك لا تستهن بها لهده الدرجة و الا فكيف تفسر اعتماد اصحاب 18 و 19في البكالوريا عليها اليس هدا دليلا قاطعا علئ نجاعتها

[yy95-Mecanique]

المشاركة الأصلية كتبت بواسطة بشرئ عاشقة العلم

الخ كلامك يحتمل الصواب كما قد يحتمل الخطا انا شخصيا استفدت من الدروس الخصوصية
كثيرا كثيرا خاصة في الفيزياء عند استاد اقل ما يقال عليه انه بارع و قد افادتني في الرياضيات كدلك
لدلك لا تستهن بها لهده الدرجة و الا فكيف تفسر اعتماد اصحاب 18 و 19في البكالوريا عليها اليس هدا دليلا قاطعا علئ نجاعتها

ربما لم تقرئي الموضوع كامل انظري مادا قلت في الاخير ----
---------المهم الدروس الخصوصية ليست لازمة والكثير منها يضر ويهلك والقليل منها لي يقدر يفيدك ايلا تعرف استاد من صغرك ونتا معاه دير ايلا لالا غير اخطيك بيسك راه تهبل غير روحك وعائلتك تحملهم مصاريف غير لازم----------




تسما قلت ايلا تعرف استاد من صغرك بلي مليح وتعرف طريقتو وليقت روحك معاه تقدر بصح ايلا اول خطرة راح تجرب مام يكون الاتدظ مليح ربما طريقتو ماراحش تفيد معاكط وف الاخير تلقى روحكك ضايع





تانيا من قال ان المتفوقين يديرو دروس خصوصية ,’?? وحتى وان طان لبعض صحيح ياخد دروس راح يكون يدير عند استاد معروف وكيما قلت طريقتو تمشي معاه وتجيب نتائج



واصلا الدروس الخصوصية ماشي بيهم لي المتفوقين تفوقو هههههههههههههه الدروس الخصوصوية المليحة و الناجحة + الدراسة في المدرسة ثمثل 30/100 برك اما 70/100 لي بقاو هوما لي يحددو هل ستتفوقين ام لا لانو كي تطلعو للجامعة مكاش دروس خصوصوية كاين واحد صابي جاب الاباك ب 17 طلع المدرسة الاولى تاع الجزائر تاع الاعلام الالي عاود في سنته الاولى وعلاش على خاطر 17 هاديك لي داها ماشي صح مستواه بالاك واش حبيت نقولك لازم تعودو انفسكم على الدراسة وحدكم ومنعرف ههادا راي قادر نكون غالط وقادر نكون صحيح