في حيرة من امري

[مشكلتي]

السلام عليكم كيف حالكم انا في حيرة من امري تقدم شاب لخطبتي هوا ذو دين و خلق ماشاء الله لكن كثير من الامور تجعلني اتردد و غير مقتنعة في القبول اولا شكله هوا حسن الوجه لكن يظهر وكانه صغير في السن جدا و ايضا عمله فهو يعمل في شركة خاصة جديدة يعني يمكن تبلع في اي وقت
لا اريد الكلام المثالي انا كباقي الفتيات لدي احلام و طموحات تمنيت لو انها تتحقق ولا اريد صاحب مال وجاه تمنيت فقط انه في عمل حكومي و غير قول هذا درجة اقتناعي به غير كافية مع العلم ابلغ 25 سنة و لدي عمل و ظروفي مستقرة كما انني لدي تردد كبير في الزواج لا ادري ان كان من ناحية هدا الشاب فقط ام الزواج عامة
هل اقبل به ام ارفضه
لا اريد الكلام الجارح اريد النصيحة ثم النصيحة

[*** عبق الزهور ***]

السلام عليكم
عليك بالاستخارة اختي

وفقك الله

[قدور بن عاشور]

إذا كنتم ترضون دينه فتوكلوا على الله.



وَأَنكِحُوا الْأَيَامَىٰ مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ ۚ إِن يَكُونُوا فُقَرَاءَ يُغْنِهِمُ اللَّهُ مِن فَضْلِهِ ۗ وَاللَّهُ وَاسِعٌ عَلِيمٌ

[من قسنطينة]

السلام عليكم
اولا مسألة شكله يبان صغير في السن هذي ماعندها حتى معنى..مادامه حسن الشكل وفي العمر اكبر منك وش يهم شكله صغير يخي المهم ماهوش يبان عجوز .. ثم ان الرجل عمره والا عابه شكله
ثانيا خدمته مش مستقرة راني معاك في هذي..بصح يقولوا المرأة تدي رزقها وتفتح على راجلها بعد الزواج .. الله أعلم .. وانت ماشاء الله قلتي انك خدامة ومستقرة يعني ممكن تساعدوا بعضاكم .. رغم اني ننصحك اذا تزوجتي ماتمديش صواردك للراجل كامل اذا حبيتي تساعديه واذا كان قادر هو يصرف خلي صواردك ليك
هذا في حالة مااذا كنت مترددة بالنسبة للشخص فيما قلته من أعذار
وعامة في حالة التردد يستحسن تصلي صلاة استخارة وتدعي ربي يسهلك الخير ويفتحلك بوابه
ربي يوفقك لاتخاذ القرارات السليمة

[ندوشةة]

عندي راي فقط بخصوص الخدمة

الخدمة بيد ربي يعني ربي هو لي يفته ابواب الرزق

عندي خالي كي تزوج ماكان لا يخدم لا والو و معنوش سيارة بصح بعد الزواج ربي ناب عليه و خدم و زاد شرا سيارة
يعني الارزاق بيد الله

[أم رقية نسرين]

استخيري الله عز و جل و ربي يقدمك للخير

[محارب الحمق]

مشكلتك تعكس طريقة نمطية لتفكير الجزائريات اليوم. ندي دبلوم ندخل نخدم مع الدولة شهارة ندي راجل كبير عليا شويا وشباب يخدم شهار مع الدولة ولا تاجر عندو الدراهم قابل يسكن وحدو موش مع أهلو ولوكان يكريلي وزيد مامزيرش يديرلي رايي. هذا هو أقصى احلام أغلب الجزائريات مع الأسف الشديد. أحلام قاصرة مادية بحتة. دعيني أبشرك: حاليا نسبة تحقيق هذا الحلم التافه صغيرة جدا مع انتشار البطالة بين صفوف الرجال خاصة والجزائريين عامة ومع أزمة السكن. هذه فكرة عامة عن الموضوع. الشكل ليس مشكلة هذا ان لم تكن نفسك تنفر منه. بالنسبة لعمله ربي يرزق البركة في الراتب تاعك. حتى ولوكان ما يخدمش تقدروا تصرفو من راتبك (لا تقولي أنك لم تتوقعي هذا منذ البداية فهذه حال العاملات). استخيري الله

[نبض قلبي]

عادي اختي ، قادر كون جا يخدم عند الدولة و تفلس و يخرج
شوفي مادام راهو خدام و حلكم البوست تاعو و لاباس بيه يعني راح يوفرلك احتياجاتك و متربي و الحمد لله
انا بانتلي كل الشروط مستوفيه فيه نورمال
مالا توكلي على ربي
و لكن اذا حابة قبل كل شي صلي صلاة استخارة و شوفي
ربي يهنيك

[عثمان الجزائري.]

الضامن ربي فحتى الذي يعمل عند الحكومة معرض للفصل في أي وقت فالمشاكل في العمل يوميا يعني بعركة بسيطة تلقى روحك شومار، مدراء و تم فصلهم، ما لا يا أختي لا تقلقي بسبب الرزق مادام كاين الصحة

[نجاة^^]

استخيري ،وربي يوفقك .

[لـيثون]

رأس مال الرجل دينه وخلقه وإذا كسبت رجل صاحب دين وخلق فقد حصلت على الدنيا كلها. ثم إن التوكل الحقيقي يكون على الله عز وجل وليس على الوظيفة الحكومية. فلا شيء مضمون والله هو الرزاق وليست الحكومة. ومدام السيد يعمل فهذا يحقق الأساس. وإذا كنتو زوجين متفاهمين (نرجو ذلك) رايحة تعيش سعادة مال الدنيا كامل ما يحققهاش. ولا تنسي أن الإنسان دائم التغير سواء شكليا أو روحيا. المهم أن يكون نحو الأفضل. في الأخير استخيري الله فهم الموفق.

[toulay]

وعليكم السلام ورحمة الله وبركاته
حسن الوجه ممنعش ولمشي شباب ممنعش مفهمتش طريقة التخمام هاذي
انت حابتوا يكون حسن الوجه ويكون يبان كبير وفيه التجاعيد باش تهرب منو ولا كيفاش
المهم يكون مقبول فالشكل
وفيما يخص الخدمة من حقك
واش نقولك يا اختي صلي استخارة مرارا وتكرارا وان شاء الله خير
بالتوفيق

[دودش صدام]

اذا كان هاذي نظرتك وتفكيرك في الزواج .. انا نقلك ابقاي كيما راك خير ..

اما يكون خدام في الحكومة .. حتى وان كان كذالك لا تدري ما ذا يحصل مستقبلا .

[رشا بلقيس]

اذا كان متدينا فالباقي لا معنى له

[رشا بلقيس]

و زيدي صلي استخارة و شوفي