صديقتي غير عادية ..

[مشكلتي]

سلام ....
اليوم جيت نحكي همي و ارجو منكم تقولولي كيفاه نتعامل لاني حقا عييت ....
انا عندي صحبتي نعرفها من 5 سنين يغني قرينا كيف كيف من الثانوية و الان الجامعة ...
المشكل انو هذي صحبتي نحسها احيانا غير عادية .... كل رجل يتقرب مني تحب تديه ... في اول مرة كان استاذ يقرينا في الجامعة حاب الحلال معايا و كان كل مرة يبينلي وانا البهلولة اي حاجة نقولهالها ... ولات تروح تهدر معاه و تضحك .... و في الاخير قالها صحبتك مرتبطة قاتلو ايه و غير اخطيك مام ماشي مرتبطة اخطيك منها ..... وقاتلو حاجات عيانين عليا .... هوا بعد و ولا Meme ^pas ميشوفش فيا .... نسيت الحكاية الاولى و سامحتها .... ذرك منذ مدة عجبني واحد صراحة في اخلاقو و في كلش و مقتلهاش ...... هوا ثان عجبتو بصح المشكل انو نهار جا يهدر معايا كانت معايا ... قالي قدامها بلي راه ناوي الحلال ماشي لعب ولا .... انا قتلو مرحبا بيك و رحت ... هيا ولات كل مرة تروح وين يخدم و تبقا تهدر معاه و برك و وليت نحسو صراحة نجذب ليها معلاباليش علاه ... بلاك كي هيا ساهلة و تهدر مع اللي جا و انا نحشم بزاف .... المهم صراحة غييت قولولي كيف نتعامل معاها ...

[siliine]

هده ليست صديقة باتم معنى الكلمة غير اخطيك منها هدي راهي تادي فيك وانت متقبل الوضع هدا امر غير عادي

[الفتاة السعيدة]

انصحيها وادعو الله لها بالهداية

[عثمان الجزائري.]

أعتقد أن كلاكما هدفها الظفر بزوج قبل إنتهاء سنوات الجامعة...ليس لدي أي تعليق آخر

[المطمئنّة]

السّلام عليكم ورحمة الله وبركاته
أختي العزيزة نصيحتي لكِ أن تبتعدي عن الكلام مع الرّجال وقصّة (أعجبني فلان وأعجبتُ بفلان)
اهتمّي بدراستكِ ولا تضيّعي نفسك بالوقوف مع هذا وذاك،تذكّري سمعتك كمسلمة وسمعة أهلك...
ارتقي بنفسكِ وابحثي عن صحبة صالحة تراجعين معها دروسك في الجامعة وتحفظين معها القرآن
الحياة قصيرة فاغتنميها في إصلاح نفسكِ وارضاء ربّك..
ودعي عنك هذه السّفاسف والسّطحيّات
فالحياة لاتتمحور حول رجل
كوني امرأة جوهرة وسيرزقك الله تعالى بما يسرّك
تقبّلي نصيحتي بصدر رحب
فتح الله عليكِ...

[سَامِيَة]

ظننت أن لي دخلا في الموضوع...

كل عطلة وفيها خير...
ربما الله عزوجل يبعد عنك شرورا بوجود تلك الفتاة خاصة وأنك كما قلتي خجولة..والخجول أحيانا يسهل خداعه !

هي فرص لتدارك نفسك فلا تضيعيها...

ربي ينورك

[محارب الحمق]

لا تغضبي مني أختي ولكن لا أراك تختلفين كثيرا عنها. الطيور على أشكالها تقع. من الواضح انكن كلاكن لا تتحرجن من الحديث مع الذكور (في مختلف المواضيع) وهذا واضح من خلال حكاية (كان يبينلي وعجبني وعجبتو). عليك تغيير نفسك قبل تغيير رفيقة السوء التي تعرفينها. ماهكذا تكون المسلمات المؤمنات

[هـــدوء]

عزيزتي لازم نضبطي معنى عبارة "غير عادي" في قاموسك
لأنو حسب التعريف العام أنت ثاني غير عادية..
يعني ماعندكش مشكل أنو الرجال يتقربو منك! و الأدهى تعتبريهم ملكية خاصة ..
و صديقتك غير عادية فقط لأنها زعما تاخذ الرجال منك !!!
و ماجاتكش غير عادية لأنها تحكي مع أي رجل!
كيفاش عرفتي مايدور من كلام بين صديقتك و بين هاذ الشباب ؟
المهم الزواج مش بالطريقة هذي
لي ناوي لحلال يكلمك بعد ما يكلم ولي أمرك .
لما يكون" الراجل لي يحكي معاك دور بيه " سبب لاختلال صداقة 5 سنوات
راح تلقاي بلي الخلل مش فيها برك و إنما فيك نتي ثاني.

[مراد سابقا10]

بغض النظر عن شرعية حكاية التي تقومين بيها انت وصديقتك وهي التحدث مع الرجال والتساهل في ذلك ولكن

ما تقولين عما تفعله صديقتك هذا شيء كارثي هذه عدوة وليست صديقة هذه امور صغار فانظري كيف تتصرف معك فكيف بالأمور الخطيرة والمفصلية ممكن ان تدمر حياتك

انا انصحك هذه العدوة وليست الصديقة احذفيها من حياتك بالكامل ولا تسمحي لك بالعودة مرة اخرى لحياتك

[toulay]

وعليكم السلام ورحمة الله وبركاته
وانت تاني علاش تحكي لهاذي لزعمة صديقتك
خليك كتومة مشي تحكي لمن هب ودب يا اختي حتى لو كنتي راح تنفجر ولازمك تهدر ماتحكي لحتى واحد امورك الخاصة لانها تبقى خاصة
Bref حاول كيفاش تبتعد على هذه الغيورة والحسودة وامورك واسرارك وحكاياتك خليهم ليك بينك وبين نفسك
بالتوفيق

[زبدة ذايبة]

كي نتي كي هيا.

وجهان لعملة واحدة.

في زوج ماتتخيروش على بعضاكم.

والديك بعثوك تقراي ولا تصيدي.

اللي تشوفيه تقولي هذا عجبني وهذا عجبتو.

غير حبسي من هذ الطيش.

كل مرة تلقاي واحد.

على حساب من؟؟؟؟؟؟؟

كل هذا على حساب شرفك ودينك وأخلاقك.

هذو اللي حكيتي عليهم

لو كان ناويين فيك صح كانو مايفرطوش فيك.

لكن الأمور مخلخلة ومهلهلة.

والوضع سيء.

انت بالنسبة لهم وحدة من بين المئات من البنات.

يعرف وحدة ويرمي وحدة.

اجتمعتي انت واياها على أمور سيئة.

تفاهمتي معاها لأنه عندكم نفس الأخلاق ونفس التفكير.

لكن نقولك حاجة.

أغلى ماتملكه المرأة هو دينها وشرفها.

إذا راحو هء الزوج باطن الارض خيرلها من ظاهرها.

وانت قاعدة تتوهمي في أن الشباب رايحين يحو يخطبوك!!!!!!!

ردي بالك تسمحي في اخلاقك.

اللي يجي لعندك يجي مباشرة لوالديك.

اما علاقات الشوارع فهي تموت في الشوارع.

والبدايات تحدد طريقة النهايات.

بداية سيئة بخاتمة أسوأ.

والتعدي على حدود الله ومحارم الله إثم عظيم.

لوكان جيتي تغضي من بصرك ماكنتيش تعرفي اللي تعجبيه من غيره.

لكن هي الحركات والنظرات الآثمة هي اللي خلاتك توصلي لهذ المواصيل.

قاعدة تعسي في صاحبتك انعا افسدت عليك مخططاتك.

وانت ماشي جايبة خبر لنفسك.

ماكانش علاقة تربط المرأة بالرجل غير العلاقة الشرعية.

اعتبريها نصيحة من اختك لكبيرة.

انت مسلمة ماكاين حتى علاقة
مع الرجل سوى الزواج ديريها قاعدة.

وماكانش التعارف بين الرجل والمرأة قبل الزواج.

[kacimo.samy]

سلام عليكم
خطافت الرجال -__- ( عثمان عريوات )
يا اختي بلاك تعرضيها لعرسك

وديجا واش هذي الخلطة ؟؟

[houda_jijel]

السلام عليكم
عجبا! ظهرتو كامل اصحاب ورع و طهارة و عفاف ليس له نظير
تكذبوا لاكان مكنش منكم معجبهاش واحد ولا معجبتوش وحده و محاولوش التقرب من بعضهم والاه انا اقرأ الردود تعجبت كانها عاهرة او فاسقه تخالط الرجال و كذا و كذا خافوا ربي سبحانه
يا اختي واش نقلك هاذي الانسان عندك حلين يا تبتعدي عنها تماما خاصه لاكان تقراو برك مع بعض يا توكلي عليها ربي لانها غياره و ربما حاسده و راح تأذيه و انا اعرف جيدا هذا النوع من البنات لاني عشت معهن
و ربي يرزقك و يرزقها بالرجال الصالحين و اسمحولي على الانفعال لكن كونوا واقعيين اكثر

[blanche rose]

اسفة
هذي ماشي صديقة
هذي عدوة
غيورة ..حقودة
ابتعدي عنها باختصار.
اما انهم ينجذبو لها فانت السبب
كي يشوفوها معاك يوثقوا فيها
كيما وثقت انت فيها
المثل يقول:
"قولي شكون صاحبك..نقولك شكون نتا"

ربي يوفقك

[محمد جديدي التبسي]

هذه الصديقة تسيئ لسمعتك وحكايتك تعطي انطباع انكم متشابهين وتصيدو فالرجال؟؟ عجبني وعجبتو ونحشم بزاف هذا تناقض لي تحشم يحكي معها رجل تذوب الرجل عمرك لا تعطيه وجه يعبرلك عن اعجاب الا تعطيه العنوان ربي يفتح عليك