هل أعتبرها مشكلة؟

[مشكلتي]

حقيقة انا من عائلة محافظة ومتربية ع الحشمة بصح منيش عارفة حسيت العائلة الكبيرة متهاونين في واحد النقطة.... انا عندي خالاتي عندهم اولاد قع اكبر مني بسنين انا عندي 17 سنة ..بصح حسيت راني ندير في حاجة حرام بعد ما قريت بزاف انو حرام نخرج قدامهم بدون حجاب علما انو حنا متربيين قع كيف كيف خاوة .. من لي نشفى على روحي وانا نلعب معاهم عادي وجيت انا برك لي طفلة وسطهم ما عندهمش لبنات ... سييت نتحجب منهم بصح ماكاش كيفاش .. حنا الظروف اجبرتنا باش نعيشو مع اخوالي الله غالب ومكاش كيفاش ندير شومبرة وحدي جامي ما كنت نعرف انو ما يجوزش . انا في حيرة هل من افادة؟

[بسمـة أمل]

أولا أحييك يا اختي الغالية لانك تستفسرين على أمر من امور دينك و ما أقل البنات اللواتي يحرصن على دينهم في هذا الزمان
ثانيا أجيبك يا اختي الحجاب من اولاد خالتك واجب لانهم أجانب عنك
بما انكم تسكنو معاهم ديري الخمار مع لباس طويل (robes logues et jupes ) أمامهم
في الأول ربما راح اجيهم حاجة غريبة و لكن مع الوقت يوالفو

انت امتثلي لأمر الله و سترين كيف سيعينك سبحانه

[هـــدوء]

عزيزتي لازم عليك تتستري منهم لحمايتك و حمايتهم .فتاة في سنك تكون فتنة ليهم . ماتقولي كي خاوتي ما تقولي تربينا مع بعض طالما انو مش اخوة راكي تجوزي لأي منهم كزوجه و منه أي واحد فيهم يقدر يصورك في خيالو بطرق أنت مترضايهاش لنفسك و هذي غريزة في الإنسان عزيزتي ماتقدريش تلوميهم . و عليه استري روحك بأي طريقة ممكنة.

[خالد عنابي]

الحكم الشرعي باين

لايمكننا ان نساعدك من هنا

[زايدي أمحمد]

الله يكون في عونك صعب حقيقة الموقف لي راكي فيه لكن الاجابة جابو عليك الاخوة انت قرري

[الأصيــل]

كانت تدرس معي فتاة وتعيش عند عائلة .. يعنى مربينها من صغرها وفي الااخير اتزوجت ابنهم الكبير ..
مادام حلال الزواج بأي واحد فيهم فمعناه يشوفو فقط وجهك غير ذذالك هو حرام
بالنسبة للتعاامل معاهم يكون في حدود التعامل مع الأجنبي كأي رجل غريب عنك ... وحتى التسليم عليهم باليد أوو وجه لوجه حرام
واعلمى انك ستتزوجين في يوم ما فمن حق الزوج أن تكون زوجته محتشمة ولا يعرف احد عنها اي شيء ..سواء عقليتها او جسمها أو تفاصيل حياتها
ربي يوفقك

[زبدة ذايبة]

حدود الشرع باينة.

لا تربينا كيفكيف.

لا كي خويا.

الحجاب ملابس ساترة وخمار على الرأس بكل بساطة.

[أمنية تنتظر التحقق]

الحلال بين والحرام بين ... كان الله في عونكِ أختي

[وسيمツ]

كما قالت صاحبة المشكلة هي تعلم الحكم الشرعي و روت كف يسير الأمر في منزلهم و قالت أنه خطأ نعم
مشكلتها بعبارة أخرى هي تريد طريقة تكسر بها قيد العادة ، أو طريقة تَشرح الأمر لعائلتها، أي أفكار حيال هذا ؟
أوّلا أقترح أن تتحاوري مع أمك أو أبوك ، أيٌّ منهما تعتقدين أنه سيرحّب بالفكرة ، تخبرينه أنك قرأت معلومة جديدة
أن الخروج بغير الحجاب ........ ، و انظري ردة الفعل .. ان كانت إيجابية فمباشرةً تحجبي أمامهم و أي استغراب أو سؤال
انسبيه لأمك أو أبوك مُردفةً ذلك أنه في شريعتنا الأمر محرّم و ... أي تذكرين سند الدعم + شرح الأمر
أما ان كان بالسلب أو تتوقعين ذلك سلفًا ، فحاولي إيجاد فكرة تجعلهم يوافقون ، و تأكدي أن أمر القبول أو الرفض
يقف 99% على طريقة طرحك للفكرة و ذكائك في الأمر ....
كوني ذكية في هذا ... إلعبي الشطرنج!
و أهم شيئ أدعو الله أن يوفقك و يسهل لك الاتمار بأوامره فلن يخذلك.

[mohamed nadim]

من غير أخوك و باباك و جدك ما ديري امان في حتى واحد

و واحد ما يقولك راكي كيما اختي من غير خوك

مادام عايشين في دار واحدة يجب عليك اللباس المحتشم امامهم

و بلعقل يوالفو العقلية و يولو هوما يحشمو اكتر منك