الجزء 186 من كوزينة واش طيبتي اليوم على المحبة و الوفاء مجتمعون وللكوزينة مخلصون - الصفحة 77

x ام رحاب x · 2018-01-30, 08:22

ام هدول ربي يشافي جداتك حنونة شكرا على كلامك
حيوتي بصحتك الشربة والحلوة اتشهي
ام فاطمة بصحتك القاطو ربي يحلي ايامك

x ام رحاب x · 2018-01-30, 08:27

هاكم باه تتقهواو

أم فاطمه · 2018-01-30, 08:48

اليكم وصفة گيكة فلمول العجيب بنكهة الفلان بشكولة

.

أم فاطمه · 2018-01-30, 09:07

هده وصفة الهليلاة بالوز ونوادكوكو

رني حطيتهم موضوع في قسم الحلويات الوصفات 2

.

.

أم فاطمه · 2018-01-30, 09:09

صباح الخير ام رحاب ياسلام على الحلويات تحفة الله يبارك

deutsch.dz · 2018-01-30, 10:03

ماشاء الله عليكن اطباق تشهي
مزيد من التألق

nihal159 · 2018-01-30, 10:23

صباح الخير عليكم؛ الله يبارك و يزيد؛ الدار راهي عامرة بكل خير؛ ربي يباركلكم إن شاء الله.
أم هدول ربي يشفي جداتك إن شاء الله؛ ربي برحمتو.
لبنات من فضلكم كيفاش نذخّل الكود ويفي فالطابليت؛ عندي شوية صور و حابة نشارك بهم.

سحابة باردة · 2018-01-30, 12:04

صباح النور على أحلا حراير
أم هدول ربي يشفي جداتك أن شالله ويطمنكم عليها كثرو ا من الدعاء والصدقة

انا هي رزيقة · 2018-01-30, 13:30

السلام عليكم نهاركم نشاط و حيوية حلواتي الفحلات ان شاء الله تكونو كامل بخير يا رب العالمين .. مولات الخيمة مشاء الله عليك حنونة راكي قايمة بكوزينتك على اكمل وجه .....و دايما مزهياتها بطيابك الزين ربي يقدرك حبيبتي ...كوراج برك مبقاش قد لي راح ...... خخخخخ
ام رحاب غاليتي فرحت كثير بدخولك و الله حمدا لله كي راكي بخير و يا سعد خوك و مرتو بيك و بهذوك الاكلات الطيبة لي راكي تمتعيهم بيها.... ربي يديمها عليك نعمة يا رب و يباركلك في صحتك يا رب العالمين
ام هدولة حبيبتي ربي يكون معاكم حنونتي ان شاء الله ميكون غير الخير و ربي يخفف على جداتك يا رب
حيوتة بنت خالتي صيامك في الجنة حنونتي متتصوريش شحال نغير منك كي تقولي راكي صايمة ..... خخخخخ علابالك الاسبوع لي فات عاندتك و فرحت كثير ربي يتقل منا يا رب ... و راني ناوية نزيد نعاند نهار لخميس ان شاء الله ... تسما راكي تدي حسنات على روحك و عليا .... خخخخخ ....و يا مامي على طاولات فطورك... يا ختي راكي مقلشا روحك كيما يحب الخاطر..... خخخخخخ ربي يديمها عليك نعمة يا رب و عندك الحق حنونتي مكانش لي يقلشك كيما تقلشي روحك ..... خخخخ
كما لا انسى فحلتنا التلمسانية ام فاطمة لي راهي واقفة مع فيفي وقوف المجاهدات ..... باطباقهاالتلمسانية المغرية و حلوياتها الزينة... ربي يبارلك في صحتك و في ولادك اختي ام فاطمة و يخلي بيتك ديما عامرة ... امين يا رب العالمين
نهال صديقتي و اخيرا ظهرتي و الله فرحت بعودتك عزيزتي ....الف حمدا لله على سلامتك ... للاسف معنديش فكرة على السؤال لي طرحتيه ... بلاك حيوتة تعرف لانها تخدم بالطابلات ان شاء الله تلقاي عندها الجواب و تزهيلنا الكوزنية بشهيواتك الزينة
حبيباتي ام يوسف سحابتي سعيدة مريومة صح غدواتكم و ان شاء الله تكونو كامل بخير يا رب العالمين

ام محمدْ ومريمْ · 2018-01-30, 13:40

السلام عليكم
كيف احوالكم لبنات نتمنى تكونو بخير

انا هي رزيقة · 2018-01-30, 13:42

انا اليوم جبتلكم صور العجينة المورقة لي درتها في الايام الماضية و نجحت فيها و الحمد لله ..... جاتني احسن بكثير من لي والفت نشريها .... سبق و درت تطبيق لعجينة بنت خالتي حيوتة ....بصح درت كمية قليلة فقط و متورقتليش كيما كنت حابة للاسف... بصح اعترف انو درتها ليه ليه يعني ممديتلهاش الوقت ... مالا عادوت اخرى و ضاعفت المقادير درت 750 غ فرينة مع 500 غرام زبدة توريق ... فقط مخلطش الزبدة مباشرة في العجينة بانتلي الكمية بزاف و منقدرش نتحكم فيها ...ملا درت اولا العجينة بالفرينة و الماء البارد و الملح خليتها ارتاحت شوةي ثم فتحتها و قطعت عليها الزبدة ... تعرفوني خدامة معنديش الوقت باه نرابي ..... خخخخ و دورتها على شكل اسطوانة... هنا ايضا ربحا للوقت .... ثم حليتها و درت ثلات مرات double tour و فقط و هذي النتيجة الجميلة و الوفيرة ... متنساوش برك قول مشاء الله حلواتي الجميلات

nihal159 · 2018-01-30, 13:47

ماشاء الله على التوريق و ماشاء الله على الكمية الوفيرة هههههههههههههه واش راكي زيكا توحشتك و توحشت خفة دمّك؛ إن شاء الله تكوني بألف خير و صحة و عافية.

انا هي رزيقة · 2018-01-30, 13:50

و درت هذ المورقات باحد الاجزاء ... و الجزئين الاخرين حطيتهم في المجمد طبعا ....

انا هي رزيقة · 2018-01-30, 13:53

اقتباس:

المشاركة الأصلية كتبت بواسطة nihal159

ماشاء الله على التوريق و ماشاء الله على الكمية الوفيرة هههههههههههههه واش راكي زيكا توحشتك و توحشت خفة دمّك؛ إن شاء الله تكوني بألف خير و صحة و عافية.

يتوحشك الف خير صديقتي نهولة و الله القلوب عند بعضاها حنونتي ... و صدقيني الكمية وفيرة فعلا .....خخخخخ انا فلسفتي كي ندخل للكوزنية نتعب خطرة وحدة .....باه نريح مستقبلا خخخخخخ

انا هي رزيقة · 2018-01-30, 13:57

نهارك سعيد اختي ام محمد و مريم صح فطورك حنونة و شكرا على السؤال ... نخليكم في امان الله فحلاتي الجميلات... متنساوش تهلاو في ارواحتيكم و في عائلاتكم ..... اللهما لك الحمد حتى ترضى و لك الحمد ان رضيت و لك الحمد بعد الرضا ......