مرحبا

[sousi.dz]

سلام كيف أحوالكم وكيف أخباركم مع البكالوريا
ان شاء الله تكونو ڨاع ملاح
والله من الضغط لقيت فتح موضوع في منتدى الجلفة هو الحل الأنسب
بدون مقدمات للأسف قدر الله وما شاء فعل توفات أمي هذا اليوم ال5 على وفاتها ربي يرحمها ويغفرلها وتكون من اهل الجنة يا رب
الفصل الاول تاني مرريت بظروف صعبة بزاف ماجعل الفصل الاول ڨاع يضيع وختمته بمعدل 13
رسمت حلم معدل 18 ببداية العام لكن للاسف كل الظروف ضدي
تبقى للشهادة 4 اشهر ونصف وانا ماني متمكنة حتى من مادة ولا مادة
حلمي ضاااااااااااااااااااع وضاعت معاه ماما وضعت انا تاني
والله قرييييب نهبل صايي مابقاليش مابقات فيا حتى ذرة عقل
خرجت من الولاية عسى نقدر نقرا لكن للاسف مانيش قادرة ڨاااع كل ما نحل لكتاب نتفكر ماما نردها دموع فرات
اقرب الناس ليا تخلاو علبا في الوقت الذي انتظرت دعم الجميع اصدم ان الكل تخلى عليا وخلاوني تائهة في ممتصف الطريق

آسفة أعتذر لكن ماكاش مع شكون نحكي ماما اللي كنت نحكي معاها توفاة ولم يبقى لي ام ولم يبقى لي حلم انا بعد ومابقيتش

[نجوم الأمنيات*]

السلام عليكم اختي يا رب تكون والدتك من اهل الجنة ومع الانبياء والمرسلين لن استطيع بكلماتي تخفيف المك فلا يعرفه الا من جربه دعواتي لكي اختي ///لكن تدكري ما الدنيا الا زاىلة والاخرةستدوم وهناك ستلتقين بادن الله بوالدتك تدكري ادا اردت من والدتك ان تسعد في قبرها اجعليها هي الحافز والمحرك لكي تحصلي للامتياز واجعليها شعلة في قلبك لتحققي مرادك وتسعديها في قبرها وتلك الدموع اجعليها لهيبا يحركك للامام ا/انا متحصلة على بكالوريا2017 بمعدل جيد وانا الان حرة باك2018 ان احتجت لاي شئ صغير اوكبير اتركيه هنا وساسااعدك بادن الله
الوقت 4 اشهر كااافي ووافي والله يعلم بظروفك فتوكلي عليه فقط وكافحي لتحقيق هدفك
لن انسااكي بدعواتي اختي مووفقة انا هنا لمساعدتك تقي في نفسك

[سُـــمَـــيَّـــه]

لا ختي ماتبكيش و ديري حلمك و فرحة ماماك في الجنة مين تشوفك نجحتي كي تكون ديريها في راسك و عندك الوقت الكااااافي باش تتداركي روحك
ابدي من اليوم فكري بعقلك و ماتعجزيش تقدري تجيبي 18 الباك لااازن تقنعي روحك بلي تقدري و ماماك ربي يرحمها راهي في الجنة و باش تريحيها اكثر لازم تقري و تنجحي
ابدي في هادا الوقت في الرياضيات و العلوم و الفيزياء هوما الصح و الحفيظة ساهلة في شهر تسلكيها , المهم تدرخلي للباك بالباز تاع العلوم
مين تحلي كتابك اتفكري ماماك في الخير و مين تبكي و الله تزيدي في عدابها و نتي تبغي ماماك تتعدب ؟ ايا امسحي دموعك و اضحكي و اتحدي قاع اللي اتخلو عليك بالنجاح تاعك
اتخيلي غيل ديك اللحظة مين تخرج النتيجة و يكون معدلك 18 و نتي طايرة بالفرحة و ماماك مرتاحة في مكانها و فرحانة و قاع الناس اللي ماوقفوش معاك يربحو العيب و صايي و الله حاجا ماتأثر عليك كلشي يفوت ين تنجحي و تدخلي الطب ان شاء الله و تولي طبيبة تخدمي و تديري مستقبلك و تعيشي حياااتك
يا حنونتي نتيا ماتبكيي كون غيل جيتي قريبة مني و الله مانخليك وحدك
ربي يسهلك ياا ربي و يرحم ماماك و يكون مثواها الجنة

[طالبة لها هدف]

قدر الله و ماشاء فعل_
ان لله و ان ليه راجعون هذي سنة الحياة انت ادعيلها ربي يرزقها الجنة
و صدقيني نهار تحققي حلمك و تجيبي 18 في الباك 18 رح يوصلها الخبر في السماء و رح تكووون فرحانة بيك
اما عن الوقت مزال كاين الوقت ما تقوليش بلي خلاص رح يكفيك باذن ربي سبحانو
انت برك ابداي ما تبقايش تستناي
اما عن الناس و لي خلاوك هاذي حقيقتهم كان يلزمك ظرف برك و الغاشي كامل يبان على حقيقتوا _كامل رح يصرالنا هك في مرحلة من حياتنا_ نكتشفوا بلي الناس لي نعرفوهم ما كانوش على حقيقتهم
ندعيلهم ربي يطرح الصبر على قلبك و نوصيك يماك ديريها حافز ليك و ما تضعفيش ا خيتي على قد ما ضعفتي هيا تان رح تضعف و ربي يوفقك الا كشما احتجتي فانا هنا

[believe in ur DreamS]

ان لله و ان اليه راجعون الله يعطيك الصبر و يكون معاك اختي ..حقيقة صعبة لكن بالتقر ب الى الله سيهون كل شيء فالدنيا فانية وكلنا لها "هم السابقون و نحن اللاحقون "..
فقط نصيحة اختي : لا تكون ثقتك في المجهود أكبر من ثقتك بالله سبحانه و تعالى فممكن كاين لي يبدا من اول عام وهو يجبد و انتي تبداي دوك و تلحقي للامتياز و هو لاا الفرق هو : التوكل على الله اتوكلي على ربي ابداي تقراي و خلي كل شيء عليه و راح تشوفي النتيجة
أسأل الله لك راحة تملأ نفسك و رضا يغمر قلبك ..بالتوفيق

[طيف الملاك¤اماني¤]

احس بتلك المرارة غاليتي
انا في البيام توفات جدتي يعني انا كنت عايشة عندها
للاسف في ايام البيام توفات
تصوري هاذيك الحالة ليكنت فيها
مي قلت من اجلها نجيب بيام ممتاز
والحمدلله
مرارة الام كبيرة
لكنها تحبك ان تكوني دائما الافضل


سأنام,سأنام,انتظري يا احلام..حتى اغمض عَينَيَو اغفو بسلام...سأطير,سأطير,انتظري يا عصافير..في سريري الصغيـــــر....مهما فينا سافرت المسافات,و مهما طالت الساعات,ابحث عنكـِ فأجدكـِ في عَينَي...حين اغمضها بالذاااات....سأنام,سأنام,سأجدكِ في المنامـ..ان سرقتكِ مني الايامـ...

ربما انك تعرفين ماهذا
رغم كل مافقدته كوزيت الا انها من اجل امها بقت قوية