تصرفات زوجي

[مشكلتي]

لا اكاد اصدق انه يمكن ان يقسو لهذه الدرجة..ليلة كاملة و انا نبكي و تقدرو تشوفو الموضوع مش مستاهل لكنها قطرة افاضت الكأس

كي قتلو اختبار الحمل سلبي قالي و علاش راكي فرحااانة..كنت شريت حويجات نلبسهم ف دار قيستهم و بقيت ندور بيهم حبيت نبدل الروتين و ندهل شوي سعادة لداري ..بصح منيش كيما كامل النسا..منيش حاامل..

كنت صابرة و كان صابر خاطر ظروفنا منعتنا من الاستقرار...

كل مرة يسمعني كلام يجرحني على هذا الموضوع و يعيرني بحاجة معنديش يد فيها..يقارني بغيري من النساء و يقلي على سبيل المثال و علاه يسبها راجلها كي ؤاح تجيبلو طفل..


وابل من السب و البزيق اسمحولي و الكلام لي مينقالش اذا زعفت و بقيت نبكي ..مش من حقي نزعف ..نخاف يطرطق فيا كف ولا تجيني كلمة راكي مطلقة خاطر انقالت من قبل و منيش حابة تزيد تجي الثانية

نزعف بين بين روحي..نتقهر على الربعة تاع صباح كي ندير التاست ..نبكي وحدي و نتفكر الاجهاض لي صرالي و اللي بعدو وليت كي لكلبة في الغربة..لقمة ملقيتهاش و يقلي نووضي متلعبيهاش مريضة ...

يقول لكلام لي يجرح و نبات نبكي ..نتمنى غير يجي يقلي بالسياسة حبسي لبكا..نحب حضن يحتويني ..و ما نلقى والو هذا اذا مجاش عيط و بزق واذا هدرت ممكن يضرب ..


اسمحولي الوجع راهو كبير في قلبي و مكانش لمن نحكي..

قدر ربي راني راضية بيه و لكن منيش نصدقة هاذ لمعاملة ...

مقدرتش نفهم..مازلت في حالة صدمة من تصرفاتو..فهموني واش راهو حاب ..

نقلكم بلي هاذو خمس سنين زواج و سبب تأخر الانجاب غير محدد تماما ولو انو مكانش مشكل عقم لا عندي ولا عندو فقط تأخر كل مرة تحاليل ليا و ليه ..

اشيروا عليا كيفاش نتصرف و ادعيولي ربي نصبر


سامحوني طولت ..ولكن القلب معمر و حسبنا الله و نعم الوكيل

[Fifioo]

صراحة مشكلتك معقدة لكن خصوص الحمل اذا كان لا يوجد مشكل و تحاليل تااخر فهذا ان دل على شيء الا وهو انوا كشما مسحورين او هو طبيعتوا كاره ماداما يعاير فيك بذراري هو يحوس على طفل لكن تجي ظروف تعوج هذا شيء و نصيحتي هي دعاء و انك انت و زوجك ترقيو و اذا محبش ارقي انت دارك برووحك وحاولي انك تفهمي مشكلتوا باه تقدري تسلكي من الضرب و مشاكلوا و بخصوص الطلاق فهذا ليس عيب اظنه مسحور لهذا هو هكذا و الله في العون عبد ما كان العبد في عون اخيه

[إنسانة بسيطة]

عليكِ بالدعاء و الصلاة في جوف الليل و الاستغفار يوميا
المنتدى به قسم للحمل زوريه و اطلعي على النصائح و تجارب من تأخر بهن الحمل
اصلحي علاقتك بزوجك و حاولي تحسينها باللطف و اللين حتى يلين قلبه و بالتالي يمكنما الاقتراب من بعضكما و يحصل الحمل فالعلاقة المتشجنة و القلوب الغير متوادة قد تكون أحد العوامل
انسي او تجاهلي ما فات و ابدئي صفحة جديدة في حياتك فمثلا لو رزقك الله بمولود و أنتما في جو هكذا فكيف لكما الفرح به و تربيته
لذلك حاولي من الآن التغيير ليس لأجل المولود لكن لأجل نفسيكما فإلى متى و أنتِ في قهرٍ و حسرة

[مراد سابقا10]

الطب تقدم في مجال العقم اشواطا كبيرة

وهذا لا يمنع ديري رقية شرعية عند راقي مقتدر

وزيدي ادعي ربي في الثلث الأخير من الليل.

[nihal159]

مالقيت غير أني ندعيلك ربي يفرج همك و يرزقك بالذرية الصالحة

[مسرورة بحياتي]

الله يهدي زوجك

[toulay]

السلام عليكم
ربي يفرج عليك ان شاء الله
بالتوفيق

[FELLA BIO]

ربي يفرج عليك ربي يفتح عليك ربي يسر أمرك و يجعلك مخرجا يا رب

[قدور بن عاشور]

هذا ماهوش بني آدم.
لو كنت أختي لما رضيت لك أن تبقي معه دقيقة واحدة.

[زبدة ذايبة]

إذا كان زوجك من البداية أخلاقه بهذا الشكل

فعليه العوض ومنه العوض

وإذا كان الحال اللي راه فيه معاك جديد

فتأكدي أنه كاين موراه ناس يهدرولوا

وهذ ردود الفعل ناتجة عن اليأس والغضب اللي راه يمر بيه

مع أننا مانعذروهش

الزوج اللي يحب زوجتو مايديرلهاش هكذا يحافظ على مشاعرها

ويحاول احتوائها بكل مايستطيع من قوة

مشكلة الحمل ماراهيش مكشلتك وحدك

هي مشكلة زوجين

والطريقة اللي راه يتعامل بيها معاك فيها " إن"

المهم

حاولي تجددي في حياتك وتكوني قوية

وماتخليش الأمور تخرج عن السيطرة

كلما ضعفتي كلما تغلب عليك وتمادى في إهانتك

ماتخليهش يسبك ويهينك ويحتقرك

ماتخليهش يكسرك

كلما خليتيه يوصل لهذ المرحلة كلما انتقل معاك إلى مستوى أعلى في الإهانة

ماتزيديش تبكي

لبكا مايديرلك حتى حل سوى أنه يزيد يتجرأ عليك

وإذا كان يدفع فيك حتى يكرهلك حياتك ويقولك مع السلامة

فهذه أول الطرق التي يلجأ إليها الرجل عندما يريد التخلص من مشكلة يقع فيها

المهم ماترخفيش روحك وكوني قوية

وإذا استدعى الأمر عندك أب وإخوة يهدرو معاه

ماجابكش من الشارع

دافعي على روحك ماتسكتيش

ونوضيها عليه

يشكي هو خير من اللي تشكي انت

كاين خاوتك وكاين باباك

ماتسكتيش

في بعض المرات الخوف من الطلاق هو اللي يجيب الطلاق

يعني الحاجة اللي نخافو منها هي اللي تصرى

هو عللابالو بأنك خايفة

على هذا جيتيه ساهلة


يستحلوا بنات الناس ومن بعد يحولها بالشتائم والقذف إلى إمرأة ماعندها حتى قيمة

خيركم خيركم لأهله

رب يصلح حالك ويوفقك ويرفع عنك هذ الظلم

[kacimo.samy]

السلام عليكم
انا شفت رجال يتذلوا بالكف وساكت
وراجل عمرو لا يتذل ونتي مرا في بداية سكتي وهنا غلطتك
كون واجهتي ومشكلتكم تخافو من الطلاق؟؟
وهنا هو يزيد يعفس عليك
وهذا يؤمن بربي؟ربي ما حبش يعطيك حاب تطير؟؟
صحا ربي يهديه ويسهلك و انا نقلك كثري دعاء واستخيري
هذا تجيبي ولاد معاه ويزيد يعفس عليك موش محترمك كليا
ربي يفتح عليك

[رندة.]

ربي يهدي زوجك ويفرج عليك ويرزقك الذرية الصالحة ان شاء الله.
كثري من الاستغفار والصدقة والدعاء بإذن الله ربي يفتح عليك.

[sam2016]

الطلاق حل مش مشكل واذا زوجك يهينك لهاد الدرجة لازم توضعي النقاط على الحروف وليس التذرع بممكن تغير لظروف ممكن نفسيتو ونتي نفسيك ماكاش نتي ماكيش بني ادم والخوف من الطلاق الخوف من الله سبحانو لا اكثر ولا اقل الزواج مودة ورحمة مش بزاق وكلام جارح
كيما قلتي حطيه عند حدو بكلام هادئ وقوليلو هذا واش كتب ربي عاملني مليح ولا خليني نروح امسكوهن بمعروف او سرحوهن بإحسان
مانقبلهاش لأختي او بنتي صراحة والله حرام

[كلنا راحلون]

نكتبها بلخط العريض به كل يشوفها... قبل كل شي محطوطة فقرآن بمشيئة الله....وما عل انسان اخذ الأسباب اسهل شي لمن يريد انجاب عليه بلحمية الصارمة اد كونسار وسيدا يقدر جسم يتغلب عليه ...ولكل مشكل عندو حمية لا داع للبحث في قوقل العلم آن موجود عند الغرب...مشكلة انسان تبرمج عقلو فصحة وطب يسمع الطبيب ودوا وهادي اكبر غلطة

المشاركة الأصلية كتبت بواسطة مراد سابقا10

الطب تقدم في مجال العقم اشواطا كبيرة

وهذا لا يمنع ديري رقية شرعية عند راقي مقتدر

وزيدي ادعي ربي في الثلث الأخير من الليل.

سي نورمااااااال بصح مزل تكتم عليه عندهم

[ابو سليمان10]

الانجاب به عدة مراحل اي خلل في اي مرحلة يؤدي الى عدم حصول حمل...الامر ليس بسيط اما عقم اما انجاب
يجب معرفة اين هو الخلل..قد يكون عنده