الجزء 183 من واش طيبتي اليوم كوزينة القلب الصافي و الذراع الوافي

[أم رقية نسرين]

كيكة الفنجان في كسكاس لام فاطمة هششششوشة و خفييييبييفة تهببل يعطيك الصحة ام فاطمة ختي

[*توبــــة*]

مساء الانوار غالياتي
امنيتي اسمحيلي والله ماقدرت نحطلك اطايبي الحلوة هههههههه ان شاء الله ساتدارك الوضع قبل ماتخلاص الكوزينة
وواحد ماداني عليكم ماتخميش خخخخخخخخخ
ام هدووول حبيبتي ربي عالم بمعزتك عندي والله نموت عليك وعلى بناتك.. ماشاء الله تعجبيني تستغلي بقايا الاكل
احسن استغلال هههههههه ماشاء الله
طيور الجنان ههههههه قتلتيني بالضحك موصيبة.. هذيك الكيكة اسكتي برك تهبببببببل وراحتلي وصفتها والله
غاضتني.. باذن الله ساجري تجارب ونلقاها
حيووووتي الفحلة النشيطة .. طيابك وين مايكون وكيف مايكون يشهيني ماشاء الله
طالبة تاريخ حبيبتي الكيكة راحتلي وصفتها. وااااااااااااااااااااااع حتى انا راني نعاني مع المصران يا اختي
راني ديت كيك الفنجان بصحتي يمييييييييييييي
ام جوجو غيرتيني يا الحبيبة بالصيام.. ربي يقبل .. مي لوبيا بالكرعين نهار العيد نونونونو.. نحن نطالب بالحلو يا حلوة
نهال فنفووونتي البطاطا تهوس ماشاء الله.. قوليلي نتي من باتنة؟؟ ولا راني نخلط خخخخخخخخخ
فيفي حنونة تعجبيني ويعجبوني طياباتك ربي يبارك
ام يوسف وش راكي حنونة؟ ووش راه وليدك؟؟؟
ام فاطمة ميمتي العزيزة ماشاء الله اطباقك رائعة.. نتي هي البركة تاع كوزينتا مع ميمتي ام رحاب طبعا
ريمة حبوووبتي توحشتك يا موصيبة.. الكيكة تهبل تهبل ماشاء الله .. درتيلنا كوراج نجربوها
وين ماندخل لليوتوب نلقى المغربيات مطبقينها هوما سماوها الكيكة المجنونة خخخخخخخخخخ

ملوووكة وينك يا موصيبة
ام اسلام نظن رجعت للكوزينة؟؟؟؟ هي وحبيبتي ام سراج
ليزاااتي طال غيابك وتوحشتك يا الحبيبة..

اللهم صل وسلم وبارك على نبينا محمد

[RIMA.87]

اختي مريم كيكة الفنجان خرجتلك ما شاء الله،بصحتك و الشكر موصو لاختنا ام فاطمة النشيطة،





ريمة حبوووبتي توحشتك يا موصيبة.. الكيكة تهبل تهبل ماشاء الله .. درتيلنا كوراج نجربوها
وين ماندخل لليوتوب نلقى المغربيات مطبقينها هوما سماوها الكيكة المجنونة خخخخخخخخخخ،



هلا هلا بالغلا،وينك يا اسوم افتقدنا جرنانك الجميل لي نستمتعو بيه و اطايبك و تلبازك الزين و كلاك الطيب،
و بالنسب للكيكة جربي و عويناتك مغمضين .....خخخخخخ،
و بالفعل الوصف لي تعطيهولها قليل عليها الشكر موصول لام اماني ،ان شاء الله تشرفنا بمواضيعها المميزة قريبا.

[*توبــــة*]

المشاركة الأصلية كتبت بواسطة rima.87

هلا هلا بالغلا،وينك يا اسوم افتقدنا جرنانك الجميل لي نستمتعو بيه و اطايبك و تلبازك الزين و كلاك الطيب،
و بالنسب للكيكة جربي و عويناتك مغمضين .....خخخخخخ،
و بالفعل الوصف لي تعطيهولها قليل عليها الشكر موصول لام اماني ،ان شاء الله تشرفنا بمواضيعها المميزة قريبا.

ريما حبيبتي ماشاء الله تطبيقك للكيكة لقيتو صورة طبق الاصل بسك ضربت طلة على المدونة
قوليلي حنونة تخدمي ولا لا؟؟؟؟ هذا يسموه تطفل خخخخخخخخخخ

[RIMA.87]

المشاركة الأصلية كتبت بواسطة *توبــــة*

ريما حبيبتي ماشاء الله تطبيقك للكيكة لقيتو صورة طبق الاصل بسك ضربت طلة على المدونة
قوليلي حنونة تخدمي ولا لا؟؟؟؟ هذا يسموه تطفل خخخخخخخخخخ

مشكووووورة على التشجيع اختي أسماء ،
لا تطفل و لا شيء اسألي براحتي ،
لا لا ما نخدمش،

[*توبــــة*]

امنيتي راني جبتلك بارودي الجديد خخخخخخخخ
هيا مدو يديكم وصح عشاكم فنفوناتي



حبيبات كروكي امممممممم هشوش وبنين









وهذو طيابات صاحبتي لانتيم زوجت العام اللي فات













الحمد لله حمدا كثيرا

[أم يوسف2]

سلام اندم فاطمة مشكورة بالاك كي توجديهم تجي خير الحبة امممم ندير طريقتك باذن الله مانعرف ادا غدوة رلسي راه يوجع مع الدوخة
بصح امتعتينا يالفحلة انت رائعة
توبتي يعطيك الصحة نتي وصحبتك وربي يزينلها السعد ويرزقها الذرية الصالحة

[أم يوسف2]

ام هدول ريمةطيور فيفي حيوتة ملاك نهولة وشكوووون سلمى مواحاتي ليكن

[أم يوسف2]

نطلب منكن طلب لي تعرف تفتل الطعام لحمر بربوشة يعني خشين بالصدر تاع القمح تديرولنا موضوع واجرها على الله

[سحابة باردة]

مساء النور معذرو على كثرة الغياب والله رغما عني بصح الله يبارك راكم مزهيين ومنورين الحالة كامل دون إستثناء
أم هدول لابيري مع الدجاج قريب شميتها باينة هايلة
نهولة عشاك يشهي
ام جوجو الدوبارة واللوبيا روعة في زوج يعطيك الصحة
مريومة بصحتكم كيكة الفنجان
ريما كيكة ام أماني راهي فطو كوبي تساهلي العلامة الكاملة
حيوتة كيراكي ربي يعينك على الدوام اليومي حقا راكي مع الصيام صح فطورك يادرى شاطيبت اليوم
أم فاطمة شهيوات ديما في القمة ورانا نتعلمو منك الله يبارك
توبة نورتي الكوزينة جديدك روعة خاصة وليمة التليتلي
ام يوسف كيراكي اختي
أمنية بصحتكم الكيك
خدمت قاطو الرشراش وجبتو خفت لاتخلاص الكوزينة ونا غارقة في شغالاتي ههه

[أم فاطمه]

السلام عليكم اخواتي
بسم الله
اهلا طالبة الشطورة لمونة والكسرة يشهيو شكرا على تطبيق كيكة الكسكاس چاتك تشهي خاصتا هداك الدكور تحفة الله يبارك
هدوك لمول انا قدمت فيهم لي طغتلت بي الكاوكاو ونوادكوكو شفتيهم

اهلا حياة طجين الزيتون والشربة والمحاجب يشهيو مشاء الله. بنتي تموت عليهم
اهلا توبة الله يبارك كلش بنين التليتلي والكروكي يشيو
اهلا طيور الكسرة والبطاطة بي الدجاج الله يدوم النعمة

اهلاام هدول ضحكتني المسمن ولدعم الملويهما من عائلة واحدة بصحتك طبق الخضر
اهلاامينة ابدعتي في هدا الركن الجميل حنونة
اهلا ام جوجو عيدك مبروك الدبارة واللوبيا تحفة بصحتك
اهلا اختي ريما تطبيق. الكيكة رائع
اهلا ام يوسف الله يشفيك وتجبيلنا المسمن ههههههة
اضن مانسيت حتى وحدة لي نسيتها تسمحلي ليلا سعيدة انا عشيا المسفوف

[حياة نور الدين]

السلام عليكن

ام جوجو اللوبيا تهوس يعطيك الصحة ماشاء الله وربي يخليك على التعزية

ام هدول امممم واممم الجواز خضر يشهي بصحتكم وهديك لابيري اكثر في امتظار المحجوبة

نهال شكرااا لك لي لبيتي الدعوة حبوبتي

مريومة وسعيدة وراكم وراكم غير حليتوا كوينة ومتخافوش ر حبيباتيب ههههه
والكيك هااايل يعطيك الصحة

ام فاطمة ماشاء الله على اللوبيا والكيك بالبسكويت كي تقعدي حطيلنا الوصفة والبقول هنا يقولولوا الخبيز ويطيبوه بالتشيشة

سحابة اهلااا اختي ويعطيك الصحة على القاطو الحلو يجيب الحلو وربي يقدرنا ياا رب

سعيدة واش راكي حبيبتي

اسومتي عويناتك الشابين يا غالية وجديدك فووووور

ا م يوسف روحي ارقي اخت كل يوم راكي في حالة بلاك تريحي ان شاء الله

[أم يوسف2]

حيوتة حتى خاالي قالي نفس كلامك ربي يجيب الخير
سحوبتي على سلامتك والله ربي يعينك

[أمنية غفران]

السلام عليكم و رحمة الله تعالى و بركاته

أخواتي الكريمات ربي يبارك فيكم أغمرتوني بعطائكم و كلامكم الحلو ربي يهنيكم و يعطيكم ما تتمناو و الكوزينة كانت باهية و زاهية بيكم ما عندي ما نقول تبارك الرحمان و الله كل وحدة باسمها ماني حابة نقول حتى اسم و ننسى أخت و راكم قاع في القلب و راكم جزء مني و ربي شاهد

بالاك شوية قصرت كونى عاملة و زيد نجي نجري العشية للكوزينة ماشي هادي الأخرى هههههههههههههههههه

بصح الحمد لله كوزينتنا هادي كانت قايمة بيكم يا الفحلات الزينات نتاعنا ربي يحفظكم

و حبيبتي نهولة ان شاء الله تكون كوزينتك فال خير و عتبة مربوحة علينا كامل و معمرة بالخير ات و أطيب الشهيوات و التجارب المطبخية احم احم

.................................................. ................

أم هدول شوفي كي نشرب القهوة كيفاه يتفتحو عينيا و يوليو شابيين احم احم



و هادا عشانا شخشوخة هايلة و حارة اممممممممممممممممممممممم انسيت ما حطيتش الدجاج فوقها قبل ما نصور ههههههههههههههههه



و تفضلو هديتي جبت ليكم حريرتي



و مفشش في حجر يماه




.................................................. .

استسمحكن أخواتي فضلا لا أمرا أن تدعو لأختي بالرحمة اليوم عندها 12 سنة ملي توفاة ربي يرحمها و يرزقها الجنة و يرحم جميع أموات المسلمين ربي يرحمها توفت و عمرها عشرين سنة يا الله ربي يرحمك حبيبتي و يرزقك الجنة


في أمان الله

[طيور الجنان]

امنية بصحتكم الشخشوخة تشهي.ربي يرحم اختك و يسكنها فسيح جنانه اااامين و ربي يرحم كل عزيز على قلوبنا و يجعل قبرهم روضة من رياض الجنة اااامين.امنية مفشش في حجر امو حنا نسميوه طاجين الرخام و نديرو بيضة كاملة في وسط اللحم المفروم و نجوزوه شوية في الزيت باش يدي بنة التحمار و نحطوه يطيب في لاصوص عادي.
ريمة يعطيك الصحة الكيكة تبان هاااايلة ان شاء الله غدوة نديرها.
مريومة بصختكم كيكة الفنجان هايلة و التزيين عجبني يعطيك الصحة.
ام فاطمة ههههه مالا راحت النت و انت لاخبر المهم عوضتينا ب الكيكة الرائعة .البقولة احنا مانديروهاش يعطيك الصحة على المعلومة.
توبة ههههه شفتي الغيرة تهدر اسمعي خليتيلي الكيكة في راسي كون جيت نتوحم كون خرج البيبي فيه كيكة هههههه .يعطيك الصحة على الاطايب الجديدة يايما على التليتلي حتى طياب صاحبتك ماشاء الله ربي يهنيها ان شاء الله
ام يوسف بالشفا عليك حنونة.
سحوبتي يعطيك الصحة على صب الرشراش بصحتكم..