الجزء 183 من واش طيبتي اليوم كوزينة القلب الصافي و الذراع الوافي - الصفحة 62

mina nada · 2017-11-09, 10:41

صباحكم ورد وفل وياسمين بارك الله فيكم كل وحدة باسمها حبيت نسال ام هدول على القاطو راكي كاتبة كاس زيت وكاس زبدة هل هذا صحيح رح نجربو ان شاء الله

طيور الجنان · 2017-11-09, 10:57

سلاااامات المنتظى اليوم صبح يحاوز فيا ماعرفتش علاش ههههه.
ام هدول بصحتكم المقارون يبان يشهي و يعطيك الصحةةعلى البريةش يبان هايل ان شاء الله نجربو.
حيوتة الزينة حتى انت لحقت الحمى تاعنا هههههه كي جربتيه خير هكذا اكتشفناه يعطيك الصحة تاني على الوصفة المصورة لصب الرشراش.
ام يوسف ان شاء الله تكوتي ريحتي.
مريم شفتي انا نرضع و ناكل الحار ههههه ماشي بزاف في وليدي الاول حرمت نفسي من الحار و هو يبكي هاذ المرة قلت ناكل هو يبكي يبكي هههههه.
ملاك بصحتكم الروز و الكيك مع اني زعفانة ماذكرتينيش يعطيك الصحة بصحتهم ضياف الغفلة.
اسيا بصحتكم الحوت يبان يشهي يشهي يعطيك الصحة

أم يوسف2 · 2017-11-09, 11:35

سلااام بفففف مقبيل والمنتدى يحاوز هدا وين رضى عليا
درت اليوم وحد الكروكي جا هايل بصح خسارة ماقدرتش نوريلكم

أم يوسف2 · 2017-11-09, 11:36

حبيباتي عندي غبرة الشانتيي وحابة نديرلهم تحلية بيها شكون لي تقدر تعاوني وتمدلي وصفة مجربة وساهلة

ROZLANE ROSE · 2017-11-09, 11:37

صباح الخير كل وحدة باسمها الله يبارك راكم منورين الكوزينة ربي يحفظكم من العين .
راني نعتدر منكم منيش ندخل بزاف ونشارك صراحة طياباتكم ما شاء الله عليها من الحلو للمالح كلشي يشهي
اليوم جبتلكم حلو ان شاء الله يعجبكم

ROZLANE ROSE · 2017-11-09, 11:44

محبتش تخرج الصورة مفهمتش علاش

ROZLANE ROSE · 2017-11-09, 11:46

ام يوسف الحلو لي درتو بغبرة الشانتيي ان شاء الله يعجبك

ROZLANE ROSE · 2017-11-09, 11:49

هادي هي الصورة

ام هدول · 2017-11-09, 11:52

سلام....لبنات
سعيدة بالشويه على الحار....خخخخ
الله يسلمك عزيزتي
اسيا الباجو مع الخضار ..يامحلاه
ملوكه بصحتهط ضياف الغفلة واش خصهم روز بنين وتحليه ..يمي يم
ام يوسف بصحتك لكروكي...شوفي حل ورينا حرام عليك ....بالنسبه للشانتي عندها استعمالاتيبزاف اضربي طله في اليوتوب وجرببي وقولنا على تجربتك
غزالان....اهلين عروستنا المدللة....حتى انا ماحبوش يخرجولي الصور ممكن النات تقيله
غدايا كسره وحميص...وبس

ام هدول · 2017-11-09, 11:56

اقتباس:

المشاركة الأصلية كتبت بواسطة mina nada

صباحكم ورد وفل وياسمين بارك الله فيكم كل وحدة باسمها حبيت نسال ام هدول على القاطو راكي كاتبة كاس زيت وكاس زبدة هل هذا صحيح رح نجربو ان شاء الله

صحيح ختي دوبي الزبدة في حمام ماإي...بشكل مرهم او كرمي.....ان شالله تجربيه وتنجحي فيه...وترجعيلي لخبر

ام هدول · 2017-11-09, 11:58

غزلان شفت صورة التحلية حلل وناقش? ???

ام هدول · 2017-11-09, 12:04

قرب وقت لغده نوجدو....قربو يجو من لقراية...سلاااام

ROZLANE ROSE · 2017-11-09, 12:12

ههههه الحمد الله كيما بانت .
الوصفة ساهلة ماهلة
تحتاجي كاس غبرة شانتي طلعيها مع نص كاس حليب بارد كيما تطلع زيدلها باط فلان كراميل
بالنسبة للبسكويت خيري اي واحد تحبي انا درت طبقة بيمو وطبقة ****ز تغطسي الحبة فالقهوة سائلة
وتعملي طبقة بسكويت وفوقها طبقة شونتي وهكدا
وفي الاخير طيبي الكراميل ديري كاس سكر خليه يدوب حتي يولي كراميل متخليهش يتحرق ههههه وزيديلو مغرف صغيرة زبدة وخلطي مليح وزيدي نص باط فلان كراميل وخلطي وديريها كطبقة اخيرة للتحلية تاعك والتزيين اختياري.
بالنسبة للمول تاني اختياري انا مكانش عندي درت في بورت مونجي مستطيلة ههههههه

أم فاطمه · 2017-11-09, 12:12

السلام عليكم لبنات حبيت ندخل الكروكي في الصباح باش تتقهواو لاكن المنتدا كان مغلق ماعرفتش علاش

.

.

هدا الكروكي خدمته البارح ودرته موضوع في قسم الحلويات تفضلو اتمنى يعجبكم

omjoujou · 2017-11-09, 12:23

السلام عليكم
اهلين لبنات ليكم وحشة كبيييرة
امنية لحبيبة الف مبروك افتتاح كوزينة جديدة مع اني روطار بصح المهم لحقت عليها قبل ما تخلاص اكيد ماجيتش بيديا فارغين جتلك بعض من طياباتي ليام لي فاتت

صح غدااكم لبنات
نكمل نغدي ولادي انا راني صايمة ونصلي ونرجع نحط بعض الصور