الجزء 183 من واش طيبتي اليوم كوزينة القلب الصافي و الذراع الوافي

[x ام رحاب x]

خبز حلو للوليداتي باه يشربو القهوة اجي بنين ايشهي

هادا مذكر حلو تاني انطيبو بزاف الصباح لشرب القهوة
دولمة سردين
خبز العربي
شاورما

[أم فاطمه]

ام رحاب تبارك الله عليك اطباقك تشهي الخبز لحلو دلما سردين الخبز المنفوخ الشورما روعة يعطيك الصحة

[RIMA.87]

المشاركة الأصلية كتبت بواسطة ام هدول

سلام خواتاتي الفحلات....دخلت على حلويات التحفه لريمه رووعه ماشاء الله....ا الفاكهة..وقيييييييله...العناب حنا نقولول ...والله أعلم
شكرا ام يوسف ملوكه...سعيدة على دعواتكم لبنتي الله يحفضكم...ويفرحكم بولداتككم
سعيدة...يهبل ا البطوط...بصحتكم
فضيله خرجلك علكيف االبوراك التركي ...اعطونا الوصفه نسيت نسقسي عليها ديك النهار كرونو ....

المشاركة الأصلية كتبت بواسطة x ام رحاب x

السلام عليكم ورحمة الله وبركاته
اخواتي العزيزات واش راكم وسامحوني طولت الغيبة راني عارفة والله جاوني ضروف فوق طاقتي ماقدرتش ندخل وتوحشتكم بصح الله غالب
امينة الشطورة الفحلة بصحتك الكوزينة والعتبة الجديدة ربي يجعلها فاتحت الخير عليك يارب وايناولك واش راكي متمنية باذن الله تعالى
ماراجعتش شفت الكسكس من يدين الفحلة ام هدول ربي يبارك في صحتك حنونة تسلم ايدك
ريمة كلش تحفة الله ايبارك والفزورة انقولو في الجلفة النبق وزيدي نقطة الثالثة فوق القاف
ام فاطمة امممممممممممممممممم على الاطايب الحلوين تسلم ايدك
انراجع شوية وانولي

المشاركة الأصلية كتبت بواسطة طيور الجنان

صباح سعيد يالحراير.
ام يوسف ايه المسمن و المحاجب تقدري تبليهم في الليل و الصباح تخدميهم تلقاي العجينة طلقت روحها جيك ساهلة.
ام هدول شكرا على النصيحة حبيبة.بصحتكم الكسكسي .واش احوالها الكتكوتة اليوم ان شاء الله تكون ريحت.
ام فاطمة شفتي النت ساعة ساعة ظيرها بينا خخخخخ بصحتكم واش حطيتي ربي يدوم النعم .
ملاك نقولك انا البطبوط ماعنظيش وصفة باينة ندير ثلاث كيلات فرينة بكيلة دقيقة و الخميرة و السكر و الملح عيني ميزاني.
ريمة اختي ماشاء الله على الحلويات هاااايلين و الماسيدوان تزيينها عجبني بزاف.

المشاركة الأصلية كتبت بواسطة أم فاطمه

السلام عليكم لبنات صباح الخير والهناء والبنفسج

امينة وطيور كيف صبحتو مع لقريب اتمنى تكنو يخير
ام يوسف نوم الهنا
تفضلو جبتلكم القهوة والملفاي ولمونة بصحة ياحلوين


.

السلام عليكم اخواتي في الله مشكورين على الترحيب و حل الفزوورة ،اكيد الفاكهة هي العناب او النبق في بعض المناطق من بلادنا ]



و هذا الرابط فيه بعض المعلومات
https://www.djelfa.info/vb/showpost....58&postcount=7

[ام هدول]

هاني جيت ...ديت بنتي للروضة ...قلت نطل سع ...ياخي الحمد لله ...لقيت لخير ةلخمير .اااممممم من عند الغالية ام رحاب ....تسلمي حبيتي
ام فاطمة ..علابالي نجي نلقى لفطور ...اممم .اسنى ندي مرسو منديك التارت ونروح ...للشغالي ....يكثر خيرك ام فاطمة .....سلالامي للجميع غدايا حمص .بادن لله سخفتني فيا سعيدة ...اممم مع شويةبصل ودبشة وزيت الزيتون .من فوق .وكسرة ..ماتشبعش ...سلالالالام ...لغيبات تاني ...

[x ام رحاب x]

ريمة واش اصبحتي حنونة واش راكي عزيزتي
ام هدول وام فاطمة شكرا على كلامكم الطيب

[RIMA.87]

الحمد لله راني بخير و نشكر الله على نعمه ،ربي يحفظك غاليتنا ام رحاب و ربي يبارك فيك على الاطايب لي حطيتيها كنت جربت
الخبز المنفوخ منذ مدة بوصفتك لي حطيتيها و كان ناجح ما شاء الله

[nihal159]

صباح الخير عليكم؛ مزية بكّرت شوية باش نلحق على طارث أم فاطمة و خبز الدار تاع أم رحاب؛ يعطيكم الصحة شكلهم يشهي.
أم رحاب دولمة سردين راهي عذبتني عذاب مابعدو عذاب هههههههههههههههه تسخّّّّّّف راني كثرت الشدّة فوق الخاء باش تحسو بيا و بعذابي هههههههههههههههه
الشاورما من أروع مايكون ألف صحة و عافية على قلوبكم.
أم هدول بصحتكم الخفوفي هذا مايليق بعد وليمة الشخشوخة.
أسيا، البقلاوة شكلها تحفة؛ يعطيك الصحة.
أم إسلام الله يبارك طيابك رائع؛ من السمك للمقرون؛ للفلفون الحلو وصولا للكعكة السحرية؛ روووووعة مطرح مايسري يمري.
مياسم يعطيك الصحة؛ أفدتينا بأنواع الأقماع؛ مشكورة.
سعيدة؛ مستحيل نروح وحدي لازم نديكم معايا باش تحلى القعدة.
ياربي مانكون نسيت حتى واحدة هههههههههه

[x ام رحاب x]

ريمة الحمد لله الي نجحلك الخبز وانت تاني يديك يتلفو في الحرير لوكان ماجيتيش شاطرة ماينجحلكش تسلم ايدك

[nihal159]

مولات الكوزينة مسكينة راهي مشوكية هههههههه مازادتش ضهرت ههههههه
أم يوسف ربي يشفيك فالقريب العاجل؛ أذخلي طمنينا عليك

[x ام رحاب x]

نيهال صباحك ورباحك و100 ناقة في مراحك شكرا حبيبتي على كلامك الطيب وشهيتك في الجنة حنونة

[x ام رحاب x]

انخليكم صحة فطوركم فطوري باذن الله شيفلور قراتان

[أمنية غفران]

مرحبا أخواتي الكريمات الله يبارك عليكم راكم مبهيين الكوزينة و أطايبكم تحفة ماشاء الله

أختي مياسم شكرا على صور الأقماع ربي يحفظك

البارح مادخلتش لقيت النت 4G مقطوعة

عشانا البارح كان لوبيا فصاص شهيتوني فيها إمممم الصورة نسيت ماحطيتهاش في فلاش ديسك باش نبعتها منا من الخدمة إحم إحم

قررت نحط ليكم التشاراك العريان بحلة جديدة بالشده فوق الراء كيما قالت آسيا ربي يهنيها هو مونتاج بين العجينة السحرية نتاع أم أماني و فكرة لقيتها في النت نقسم العجينة إلى كريات متوسطة و كل كرية نحط فوقها خليط لكوكاو مرحي مع السكر و نقرصها شغل مطلوع و نقلبها و نزيد نحط لها خليط الكوكاو و نقرص تاني علاش نقرص باش هاداك الخليط يدخل مليح في لعجينة و نزيد نحلها برولو و نقطعها على ثمانية شكل تشاراك العادي و من بعد نرولي التشاراكة عادي و هادي هي الحلة جديدة يعني من غير ما نديرو حشوة فيه
و هاكه نكملو نفس الطريقة مع جميع كراة العجينة و عدد تشاراكات على حساب الكراة كيما هنايا عندي خمس كريات عطاوني 40 تشاراكة
تفضلن الصور حبيباتي

















إممم فطورنا اليوم روز

[أمنية غفران]

و بالمناسبة جبت ليكم وصفة خبز صيني في صورة نتاع لهلوبة ربي يحفظها نتمنى طل علينا و تقول لينا هاي برك

[أمنية غفران]

و تانيك جبت ليكم وصفة أنسيمادا .. البريوش الإسباني في صورة نتاع حبيبتنا زينوبة ربي يحفظها و يهنيها و يعطيها ما تتمنى نتمنى طل علينا و تقول لينا هي تاني هاي برك إحم إحم




دمتم في رعاية الله و حفظه

[RIMA.87]

المشاركة الأصلية كتبت بواسطة أم يوسف2

بقى في ذهني وحد الاسم تاع حلوة نسيت شكون حطاتو واسمو السوفية على مااظن هو شفتو كحلوش خخخخ لي دارتو تقولي كيفاه عملاتو بلئيز

السلام عليكم اختي ام يوسف طهورا ان شاء الله ،على ضرسك لي نحيتيه ،
و القاطو شفتيه في هذه المشاركة ديالي الصورة الثانية ،حقيقة هو كحلوووش و بنييين
و تفضلي الوصفة عملتهالك وصفة مصورة ما عنديش المراحل لكن سهلة و بنينة و تقطع كمية ما شاء الله خاصة اذا درتي الكويرات بوزن صغير شوية لانهم يتنفخو بفعل الخميرة الكيميائية و اعتذر على التاخير ،

المشاركة الأصلية كتبت بواسطة RIMA.87

السلام عليكم ،
بسم الله ما شاء الله عليكم اخواتي في الله ،لمة طيبة و اطايب مشهية ،ربي يبارك فيكم و في رزقكم كلكم دون استثناء ،مشكورين اخواتي سحابة و ام هدول و بيان و يا عييني على اختي امنية و زغاريدها .......مشكووورين على الترحيب ،لكن عندي مشكل في النت و كل ما نلقى فرصة نطل على لمتكم الحلوة و الخيرات و الوصفات لي اتحفتونا بيها،
بدون اطالة نترككم بما جادت به اناملي ههههههه
هادو سنيوات واحدة قريوش و الاخرى قاطو السوفية درتهم الاسبوع الماضي ديتهم كان عندي عرس.

و هذا قاطو بالنيسلي درتو لبارح

و اليوم جاونا ضيوف درنا شربة و مثوم و سلطات لكن الماسيدوان هي لي تقلشت و تصورت دون الاطباق الاخرى ههههه .


و هادي بقلاوة بلابات فيلو كنت درتها في عيد الفطر و بعدها لم ادخل للمنتدى بسبب انقطاع النت و اليوم قلت نحطها تشوفوها ،الحمد لله هادي المرة ااثانية لي طيبها و نجحت فيها و جات مورقة و معسلة ما شاء الله ، لانو التجربة الاولى مع البقلاوه كانت فاشلة ههههههه

و الاخوات اللواتي لم يتسنى لهم رؤية حلويا العرس لي حطيتها الاسبوع الماضي
تفضلوا هي عبارة عن فاكهة بعجينة اللوز ،من كثرة ما عجبوني صورت و عاودت و لكم ان تحكموا



و نختموها بهاد النوع من الفاكهة من حديقة أمي الحبيبة ربي يحفظهالي و يحفظ جميع امهات المسلمين و يرحم الموتى منهم و جميع موتى المسلمين و كل اخت تقولنا واش تسموها في منطقتكم .
ولي ماتعرفهاش رايحة تكتشفها معانا .
شكون اول واحدة تحل الفزووورة ههههههههه

سبحانك اللهم و بحمدك اشهد ان لا اله الا انت استغفرك و اتوب اليك