ممكن مساعدة بخصوص المدرسة العليا بالعتاد الحراش

[ألجا زايري]

السلام عليكم
جاءتني order d'appel لأداء الخدمة الوطنية بالمدرسة العليا للعتاد بالحراش، رتبة ظابط احتياطي.
لما أصل إلى محطة خرّوبة ماهي الحافلة التي استقلها لتوصلني إلى المدرسة؟
+
الالتحاق يكون يوم 15 سبتمبر، فكم يمكنني أن أتأخر عن هذا اليوم من دون التعرض لمشاكل؟
وهل من توجيهات وافادات ممن قضى فترة التربص بهذه المدرسة؟
بوركتم اخوتي.

[mazari10]

اخي العزيز انا ايضا راني رايح ليها مي معلبليش ون جاية سقسي حتى توصل
اروح الفيسبوك قروب خاص بالخدمة الو طنية مليح تستفاد منو بيان https://www.********.com/groups/528410293952278/

[ألجا زايري]

ok خويا ، بوركت

[zaz-did]

كي توصل خروبة سقسي على لي بيس نتاع بومعطي اركب فيهم و قولو لاري نتاع سيدي مبارك لتم سقسي ماشي بعيدة بزاف واحد 100 متر .. ولاكان على التاريخ ميهمش دير روطار ... وزيد متنساش تدي زوج بورطابلات خطر ينحيولك البورطابل

[ألجا زايري]

بارك الله فيك أخي

[parayeve]

راني كنت فيها ههه‍ههه شوف تلحق للخروبة اقطع الطريق المزدوج اركب في كار الحراش ايا وسقسي لابوليس توصل المهم عندك فالباب يفتشولك الكابا وبعد يدخلوك للشالي تقعد تستنى حتا نهار الفحص المهم ادا معندكش معريفة غير راك رايح تفوت ربع شهر التلفون ممنوع ادي زوج وخبي واحد ايا القش سيفيل ينحيوهولك كي تلبس وتقدر تروح عندك حتا نهاية الشهر