|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
اشبال بكالوريا 2018 شعبة رياضيات
 |
|
|
أدوات الموضوع | انواع عرض الموضوع |
2017-09-02, 20:40
|
رقم المشاركة : 33 | |||
|
اختي السلام عليكم |
|||
|
|
2017-09-02, 20:43
|
رقم المشاركة : 34 | ||||
|
اقتباس:
اذا كان عندك حساب في الفايسبوك اضيفيني لانني اتواجد هناك غالبا..لكن ان لم يكن معلش تفضلي هنا |
||||
|
|
|
2017-09-02, 20:54
|
رقم المشاركة : 35 | ||||
|
اقتباس:
والله انا مُحتاره جدًا بخصوص تنظيم الوقت والتوفيق بين المواد 9 مواد يجب علي دراستها و التركيز عليها وايفاءها حقها ومع كاين الفلسفه اللي اول مره رح نتطرقوا ليها والله فعلاً خُفت من مشكل الوقت انصحيني بالتفصيل وش لازم ندير في بداية العام خايفه ما نعرفش نتحكم في وقتي ونضبطو ونحسب روحي اُبلي حسنًا يعني نخاف كون ندير حاجه وتظهر غالطه لاني ما عنديش الخبره الكافيه مع عام الباك هذا انصحيني كيفاش لازم نبدا وكي نرجع للدار من النهار الاول كيفاش تكون البدايه وقتاش نقرا هذي المواد التّسعه كامل ونوفق بيناتها ونحقق الامتياز في كل منها خصوصا انو لازم المواد الاساسيه لازم تطغى على جُل وقتي نخاف نكون مُفرطه في المواد الاساسيه مُفرّطه في المواد الثانويه ومُهمله لها نخاف من شدة انهماكي مع المواد الاساسيه ننسى باللي كاين مواد اخرى وينصبّ تفكيري كامل في الرياضيات والفيزياء مع العلم حابه نحقق في كل ماده على حدة حاجه اسمها امتياز والله خايفه من انجراف افكاري نحو الخطأ دون قصد مني خايفه يتبدل تخمامي بلا ارادتي و ننحاز للمواد الاساسيه ونهمل البقيه لانو نفس الشي صرالي فالثانيه ثانوي بحيث اهملت المواد الاخرى واهتميت بالرياضيات والفيزياء فقط كيف لي ان اخرج من هذه الافكار اللي مقيدتني ومأرقتني امانه عليك انصحيني علابالي رح تحسي من كلامي بللي اني حايره وانا فعلاً في شدة التيه مانيش عارفه وش ندير بحاجه الى دليل ومُرشد فـ دُليني جزاك الله خيرًا حبيت نفضفض ونفرّغ قلبي اكثر شي فـ تحمّلي هذا رجاءً وبارك الله فيك |
||||
|
|
|
2017-09-02, 21:04
|
رقم المشاركة : 36 | ||||
|
اقتباس:
لا تقلقي يا اختي فوالله البكالوريا امتحان تافه وتااافه جدا وستدركين هذا عندما يعطوك ورقة الامتحان.. بالنسبة لتنظيم الوقت..ركزي على نقاط ضعفك..فمثلا المادة الثانوية التي ترين نفسك ضعيفة فيها اعطيها حصة الاسد..وهكذا بالنسبة لي اعتمدت جدول توقيت.. سابحث عنه لاحقا وان وجدته سارفعه لك..كنت ادرس الرياضيات والفيزياء +مادة ثانوية في الايام الاولى ونظرا لاننا لم نبدا باكرا..كنت احل تمارين بكالوريات سابقة - الان يمكنك حلها (انصحك ببيكالوريا 2009 الدالة) وسترين مدى تفاهتها.. فاسترجعت مكتسباتي القبلية حتى اتمكن من متابعة الدرس مع الاستاذ اما في الفيزياء فانصحك بحل تمارين الاكسدة والارجاع التي تطرقتم اليها في السنة الثانية.. نعود لتنظيم الوقت..شوفي واش يوالمك نتي..لا تستبقي الخوف فطوال السنة سترين نفسك متاخرة جدا..لكن هذا ليس صحييحا فقط من التوتر..انا ليلة امتحان الرياضيات كنت احس انني لم اكمل ههه.. بالنسبة للحفظ فبدات في عطلة الشتاء..لكن يجب ان تتابعي مع الاستاذ وتفهمي جيدا الدرس حأى يسهل عليك حفظه.. واحذري الغيابات ايضاا اي استفسار اخر انا هنا 😉 |
||||
|
|
|
2017-09-02, 21:21
|
رقم المشاركة : 38 | ||||
|
اقتباس:
 خايفه من الحماس الزائد تاعي ومبعدا كي نتحط فالامر الواقع نتصدم بيه ومانعرفش نتصرف ان شاء الله تكوني فهمتي فكرتي مش مليح واحد يتخيل ويخطط ياسر ومبعدا يُصدم مثلاً بالوقت اللي يكون عدو ضدّه كُنتي تقراي رياضيات وفيزياء في يوم واحد ؟ 3 ساعات رياضيات و 3 ساعات فيزياء يوميًا تسمى مليحه ؟ حبيت نجمع بيناتهم في زوز عام كامل هل نقدر هل تفيدني ؟ شوفيني نخطط في حاجه معلاباليش اذا منطقيه ولالا اذا تفيدني ولالا علابيها قلتلك خايفه نتصدم الفلسفه وقتا كنتي تقرايها ؟ بصفتك شعبة رياضيات وقتا تحسّي روحك هضمتي الوحده الفلانيه وتمكنتي منها سواء في الرياضيات والفيزياء لانك كيماقلتي في رد سابق مهما حليتي تبقاي تحسي باللي مزالك ناقصه ،، بالنسبه للفلسفه اطلعت على مواضيع الاستاذ شهاب طله خفيفه والله وقعت في حبها تشوقت ليها خلاص هههه بصح بانتلي تاخذ وقت كبير لذلك حرت كيفاش نقسم وقتي ومع العلم اني مكمّله وحدة تاع علوم في عطلة الصيف بالاضافه الى برنامج الانجليزية كامل قوليلي وش رايك في Compte rendu علاش شايعه عليه ما ينقطوش عليه ياسر اذا ما يتنقطش عليه ياسر علاش مالا يتحط ف ورقة الاسئله اصلا -_- شوفي قررت وحد العفسه وانتي قوليلي اذا صحيحة ولالا السّع كاين لي شاورتهم واستحسنوا الفكره وشجعوني عليها قُلت في سبتمبر باذن الله بما اني عندي اطلاع بسيط على برنامج العلوم وخصوصا الوحده الاولى ؟ نخصص كل مساء ثلاثاء لـ وحدة لانو مانقراوش الثلاثاء لعشيه يعني هوما الوحدات اللوالى هذوك 3 و بسيطين يهبلوا نقراهم بـ كُل تركيز وتمعن ونفهمهم مليح ونتخلص من العلوم في غضون شهر او شهرين ونبقى غير نحل بكالوريات سابقه وتمارين مع مرور العام ونكون خلصت نفسي من عبء تاعها بخصوص الفلسفه كل مره نقرر حاجه ، مره نقول نخصصلها الخميس العشيه ومرة نقول لالا انا ناقصه فالفرونسي نخصص الخميس العشيه للفرونسي والفلسفه فالثلاثاء لعشيه ومبعد نقول لالا خلي يعطيونا توقيت الزمني في الثانوية ونقرر من شدة الحماس مُخي ما حبسش مالتخمام مره هههه المغني هل هو ضروري في الرياضيات :/ لانو ماعجبنيش خاطر مخصص فقط للعلمين حتى محور الجبر غير موجود فيه مي في الفيزيك عجبني ياسر هو والمراجعه النهائيه ،، |
||||
|
|
|
2017-09-02, 21:46
|
رقم المشاركة : 39 | ||||
|
اقتباس:
شوفي بالنسبة للعلوم ماتحتاجش بزاف وقت يعني حنا شعبة رياضيات مايحاسبوناش كيما العلميين يعني كاين لي يدو 20 عادي انا ننصحك.تمشي مع الاستاذ لانو قادرة تتخلطلك بصح ويلا لقيتي روحك مرتاحة هكاك تقدري تتقدمي مي ماتحطيش روحك فالضيق علا خاطر العلوم ما تحتاجش بزاف تعب عاودي حلي الوثائق تاع الكتاب وجاوبي علا الاسئلة لي فييها والبكالوريات السابقة تكفي. ( اطلعي على حل وثائق الكتاب من حقيبة الاستاذ بوالريش لاكتساب المنهجية) بالنسبة للفرنسية انا درت ال compte rendu. ونحتولي عليه نقطة ونصف مع انه في الفصول كنت ندي عليه العلامة الكاملة 😶 لذا انصحك بتفاديه تدربي على الوضعيات الحرة احسن خصوصا ويلا كنتي متمكنة في اللغة.. ويالنسبة لوعلاش حتى يحطوه فالورقة انا ثان كنت نخمم كيفك بصح كاين بزاف اساتذة _ سامحهم الله - يحبو الزكارة اتسما نتي وزهرك قادرة تتلقاي معا استاذ ينقطلك عليه مليح وقادرة العكس.. اما الفلسفة 3ساعات في السبوع اكثر من كافية في نظري خصوصا اذا التزمتي..ويكون عندك الوقت في العطلة تاع 15يوم تعاودي قاع واش قويتو في الفصل.. انصحك بتقليص ساعات يومك تدرييجيا و اياك ان تقلصيها دفعة واحدة لانها ستضر بصحتك..ولا تضيعي الوقت فقط الفرنسية بامكانك ان تدرسيها بالتناوب مع الانجليزية مثلا اسبوع فرنسية واسبوع انجليزية وهكذا وان احسست بالنقص يمكنك ان تقدمي مادة على حساب اخرى..لكن تبقاي انت طبيبة نفسك وانت لي تعرفي واش يخرج عليك بالنسبة للمغني انا ماعجبنيييش وندمت لي شريتو خسرت دراهمي شريت 2 اجزاء وماقريتش بيه..مخصص للعلميين اسئلته بسيطة عكش المغني في الفيزياء حيث لم. استطع الاستغناء عنه اي استفسار انا هنا |
||||
|
|
|
2017-09-02, 21:53
|
رقم المشاركة : 40 | ||||
|
اقتباس:
اجبتي تحديدًا على وش راني حابه نعرف وفهمتيني عجبتني تاع فرنسيه وانجليزيه بالتناوب راقتني الفكره رح نفكر فيها باذن الله ورح نخلي الدور للفرنسيه اكثر لاني ناقصه فيها شوي وي فالعلوم ان شاء الله قلت الكتاب المدرسي و حقيبة ابو الرريش منهجية عقريب كمال والبكالوريات السابقه باذن الله لذلك حبيت نليكيديها من الاول نتهنى منها مجاوبتينيش على السؤال تاع كيفاش تحسي روحك متمكنه من الوحدة فالمات والفيزيا ههههه سمحيلي تعبتك |
||||
|
|
|
2017-09-02, 21:57
|
رقم المشاركة : 41 | |||
|
ايه ثانيك حبيت نسقسيك اذا عندك طابعه تسكاني ولالا ؟ |
|||
|
|
|
2017-09-02, 22:11
|
رقم المشاركة : 42 | ||||
|
اقتباس:
شوفي تولي تحسي بلي قادرة تخلي اي تمرين بدون اي صعووبات وتولي ماتخافيش منها يعني نفسيا ترتاحي في الرياضيات جامي حسيت روحي متمكنة من وحدة ههه بصح كان لازم نمشي فالبرنامج باش مانتاخرش..لكن الحمد لله كي درت مراجعة وجدت نفسي قادرة على حل اصعب التمارين اما الفيزياء فهي جد جد سهلة وراائعة ماتخافيش كامل منها (شخصيا كنت نحل تمارين في الرياضيات اكثر من الفيزياء) اما الطابعة فانا جد اسفة لا املك واحدة |
||||
|
|
|
2017-09-02, 22:15
|
رقم المشاركة : 43 | ||||
|
اقتباس:
فعلا افدتيني يا اختي والله استفدت منك ووجدت ضالتي عندكِ خبريني وش اسمك يا جميله =) |
||||
|
|
|
2017-09-02, 22:19
|
رقم المشاركة : 44 | ||||
|
اقتباس:
وكما ذكرت سابقا كنت اخصص نهاية الاسبوع للمواد الادبية بما فيها الفلسفة |
||||
|
|
|
2017-09-02, 22:20
|
رقم المشاركة : 45 | ||||
|
اقتباس:
اسمي ابتسام وانت؟ |
||||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
