اقتباس:
المشاركة الأصلية كتبت بواسطة ملكة القمر
حتى انا اليوم في الفلسفة
ترين العجب في المركز قبل الامتحان كانت السخانة بزاف و كانو البنات كامل متجمعين في وحد الغرفة صغيرة و مساكن قاعدين على الارض من التعب تقول رانا في عرس تاع قراية جامي شفت منظر هكاك بصراحة
المهم كامل كانو يراجعو في المقالات المقترحة و لا وحدة فيهم راجعت المسؤولية ولا وحدة فيهم راجعت الحتمية
المهم درنا دعاء و كامل نقولو نشا الله تطيح الرياضيات و دخلنا نضحكو كالعادة
كي دق الجرس انا قاعدة في الطاولة الاخيرة و انا اخر وحدة يعطوها الاختبار
قاعدة نشوف في rayens اللي معايا ولا حركة
و انا قاعدة كي هذا اللي راح يخلص دراهم في الريسطورون قاعدة غير نستنى
مبعدة دارت ليا وحدة من ريانات هي صديقتي نعرفها من قبل و شافت فيا و قاتلي راحت لا مونسيون
كنت حاطتها تتمسخرلبا
قلت كون جا واعر كون ري نتخرت كيما تفاهمنا ههههههه . نصبر في روحي
مي كي شفت الموضوع قعدت نصف ساعة و انا نتفرج فيه و بديت نخمم في ولد عمتي جاب ثلاثة في الفلسفة في الباك نتاعو
قاعدة نقول نستعرف بيه كي لمها.....ههههههههههه
و مبعد تحول المركز لمستشفى البنات تصرخ و الاسعافات و الناس طالعين هابطين و الحالة حالة و كاين شوي ريانات معايا طاحو و انا مازلت تحت تاثير الصدمة تاع المواضيع
خليني في حالي واش دخلني فيهم هاذ باكي ميش باكهم
جاني الاستقصاء صعيب بين الظاهرة النفسية و الحتمية قلت ايا ندير مسؤولية و خلاص و انا جامي قريت هاذ الدرس لا في القسم و لا وحدي
بديت ندير زعما ثقافة عامة لقيت روحي نخلط وحدي هاذي حبس و هاذا درس القيم اللي في الاسلامية مبعد حبست و قلت ندي 5 في الحتمية افضل من 1 في المسؤولية
و تكلت على ربي و قلت لازم ندخل في السيجي و خلاص
طرح المشكلة قدرت نخدم واحد مليح
ااما عرض منطق الاطروحة عفستو طووول واش يجي في راسي نكتب المهم كان الطول لتغطية العيوب
انتقلت للخظوة يلي بعدها مالقيت واش ندير غاضتني مقالة الرياضيات اللي حفظتها كتبت النقد تاعها (تاع شهاب يلي فيه العقل نسبي ياه كم اعشق ذاك النقد) و بنيت عليه النقد تاعي و نهدر و نعاود في نفس الهدرة المهم لقيت روحي نطلب في اوراق اضافية و الهدرة بدات تجي و حسيت روحي اول مرة نتفلسف في حياتي لاني دايما ندرس الفلسفة بالاعتماد على مقالات الغير
و كي خلصت درت خاتمة باهية و درت على الاخر الاستنتاج تاع المشكلة و الاشكالية كنت حافظته و غاضني منكتبوش
ولات الخمسة ونض و كامل خرجو بقيت غير انا و المصححين يشوفو فيا عينيهم يهدرو في اماكنهم و اما علا بالي بلي بابا هو ثاني استاذ و راه يعس و مايجيش يديني ضك ايا قلت نكمل نشيخ بيهم شوي
ما ديت غير دعوة الشر منهم ربي يسمحلي برك كنت نهز agraffeuse و ندير روحي خلصت هوما يقدمو يتاكدو من بياناتي و انا نطلب ورقة اضافية او وسخ درتلهم الاحباط
و كي خلصت الكتبة و ما لقيت مانزيد فوق هذاك التخلاط حطيت راسي و رقدت و كنت انا الخيرة من خرج و كانو كامل يشوفو فيا نظرة اليتيم مي خرجت نضحك
هاذي حاجة ربي مادة ماقدرتلهاش مررره
كي خرجت من الثنوية لقيت واحد يقرا معايا اول كلمة قالهالي قالي مانزيدوش نحفظو اجتماعيات a vie قتلوو اييييه صح و الله نسيت طلعلي المورال هههه
و هذا هو اسوء امتحان نجوزو في حياتي |
هههههههه تقريبا نفس الشيء ضحكتيني على الغرفة الصغيرة هاذيك هههه و الله كاننا في قاعة انتظار حتى انا لاحظت الموقف العجيب و الفريد الذي كنا فيه بالنسبة للفلسفة قلقونا و نحن ننتظر على اعصابنا حتى ولات و نصف باش جابولنا الموضوع و الطفلة لي تقعد الطاولة الاولى شافت الموضوع و بدات تعيت المسؤولية المسؤولية و حنا حتى اخر لحظة كنا متمسكين بالرياضيات المهم حطولنا الموضوع و المشكلة لي غاضتني بزاااااف اني و الله كنت حافظة مقالة رائعة جداا في الحرية و المسؤولية و نسيت المقدمة في عرض الاطروحة و النقد كنت حافظاتو و هاذي المقالة حفظتها خصيصا في الباك بلون زكارة في. . الاستاذ لي جامي مدلي اكثر من 14 و مع اللخر ماطاحتش هي وانا نقولهم راني متوقعة هي لي راح طيح في الباك قالولي مستحيييل طاحت من قبل
المهم خيرت الموضوع الثاني لي هو الظاهرة النفسية كان عندي عليه شوي معلومات بصح خلطت بزااااف لي في القسم كاامل كانو تحت تاثير الصدمة و طبعا بدينا نسمعوا في الصراخ و الاغماءات حتى خفنا ههه المهم بعض مرور نصف الوقت الرسمي كل القسم خرجوا كلللللهم داروا تحليل نص و خرجوا و بقيت وحدي في القسم و انا عندي رهاب كي نبقى وحدي بديت نكتب و نخلط و الاستاذة متجمين يهدرو ديرونجاوني بزااف و قاعدين يشروا نورمالومون ساعتين ياسر عليهم قتلهم بصحتي عندي 3 ساعات و نصف و لولا اني عندي رهاب البقاء وحيدة و علابالي ابي راهو يستنا الله غير نقعد معاهم حتى للستة معليش
المهم فات الباك هاييل خاصة معاك و معا البنات الاخرين عقبنا يامات روعه ميتنساوش ههههه
( تقرير عن مشاركة سيئة )، و الموجودة أسفل كل مشاركة .
2017-06-15, 23:21
العرض العادي
