اخ زوجي

[مشكلتي]

السلام عليكم
مشكلتي تؤرقني كثيرا .انا متزوجة مند أشهر أسكن مع أخ الزوج و زوجته يعني عايلتين في دار وحدة "الدار تاع الوالدين"
باختصار في الاونة الاخيرة أصبح أخ الزوج "هو يخدم في سلك الشرطة" أصبح يضايقنا كتيرا يعسني
واش ندير و يتحسس مني وكي نطيب حاجة مايعجبهش الطياب أو كي نغير ديكور منزل مايعجبهش و يبدا يتمسخر هو عصبي كتيرا الحقيقة انا متجنباتو بصح يرميلنا الهدرة بزاف متلا" راهي تحكم فيه ..." و الله الحمد لله انا وحدة مطيعة و متربية و حاكمة لساني حتى على حقي منعرفش ندافع لكن امام شخص هكدا حرت واش ندير من غير نجي ل غرفتي و نبدا غير نبكي
و كاين حاجة تانية هو الكبير في العايلة مايصرفش نهائيا حتى الما يشري غير ليه وراجلي ماقدرش يوفق بين كل متطلبات البيت راهورامي كلش عليه و يتكل عليه
انصحوني كيفاش نتعامل معاه و مع زوجتو؟؟
هل أخبر والديه بكل أمر باه يكونو على دراية؟؟

[محمد جديدي التبسي]

لا أظن ان حاله يخفى على والديه
انت لا علاقة لك به لازم ما يشوفكش بلا حجاب وتتجنبيه لا تجلسي في مكان تسمعي كلامه
احكي لزوجك عن مشاكلك وحاوريه هو يلقى حل خاصة من ناحية المصاريف هو اللي يهدر وينزعج المفروض وليس انت ومادام راضي بالوضع علاه تحرقي اعصابك انت؟؟
ابتعدي عن المشاكل واهتمي بزوجك وانعزلي عن الجلسات العائلية مع اخ زوجك ويكفيك الجلوس مع النساء عندما يكون زوجك غائب عن البيت..ربي يفتح عليك

[nihal159]

ربي يفرج عليك إن شاء الله؛ إذا البيت كبير و واسع؛ قولي لراجلك يقسملك بيت و كوزينة؛ لأن الدار لي فيها أكثر من كنة مايفضوش فيها المشاكل.

[yousufpo]

لا اختي خليه كما راه ليزيد عليك هم

الله يقدر خير اختي

[نورسين.داية]

لكن زوجته ماذا فعلت لكي ؟؟؟؟؟ على حسب الرواية هي مادارت والو مسكينة ؟؟؟؟؟؟؟؟؟؟؟؟؟؟

[غزلانْ]

السلام عليكم


لا للتحدث مع أهل زوجك لأنهم على دراية بأن مثل أمر هكذا يحدث أمر متوقع
فيما يخص أخ زوجك فلستِ بالملزمة بخدمته يكفي له زوجة تقوم به و له
حرية التعليق لها لا عليك
لعل المشكل فيك تأقلم هو وزوجته على مسألة خدمتكِ لهما
تفاهمي وزوجك بالاستغناء عن خدمة أخوه اذ الأولوية لزوجته و زوجته
لو كان والديه لكان من باب الاحترام لكن الأمر مختلف
أما المصروف يبقى بينه و بين أخوه
بالتوفيق

[عثمان الجزائري.]

الكراء أهون عليكم من كل هذا تجيكم في الدراهم و تربحوا راحت بالكم، إذا زوج خاوة واحد ما قدر يخرج يكري هذي غريبة شوية، الفقر نعم موجود لكن بدرجات لي حاكم روحوا شوية يخرج يكري و تبقى العلاقة بين الإخوة مليحة....و هذا هو نتيجة التخلاط الذي نعيشه في بلدنا الحبيب.

[قدور بن عاشور]

متزوجة عندك بضعة أشهر و بديتي المشاكل!!!
ربما هي خطة باش تقسمي الدار و لا تهربي بوليدهم....أقول ربما.

[ايمان4]

يا اختي حنا واش عدنا نديرولك مثلا؟؟ ها اهدري مع راجلك و فريوها بيناتكم ... هاد الخاجة معدنا ما ننصحو

[زبدة ذايبة]

نشك أن المشكلة راه في حجرك انت.

هو احتمال كبير تعليقاته عادية وبسيطة.

وانت درتي من الحبة قبة.

انت زوجة لمحمد ولا زوجة لأحمد ؟؟؟؟؟؟.

وش دخلك فيه مايعجبوش الأكل اللي طيبتي؟؟؟؟؟؟.

وش دخلك إذا ماعجبوش الديكور تاع الدار؟؟؟؟؟؟.

انت علاه تبكي؟؟؟؟؟؟؟.

ماعندك حتى علاقة بيه.

عصبي !!!!!!!!.

حنين!!!!!!!!!

متفهم!!!!!!!!

ماكان مادخلك فيه.

صراحة حرت فيك.

من المفروض اللي يهمك زوجك لا أكثر ولا أقل.

المشكلة تكون لما زوجك مايرضاش.

هنا المشكل. وكيما ديري معاه تحصلي.

انت بدلتي راجلك بخوه!!!!!!!.

ومن جهة ثانية راكي تحوسي على طريقة

تتعاملي بيها مع زوجته.

يعني ماكفاش مافريتيهاش مع اخ الزوج

زدتي جبتي طرف ثالث.

وين راكي رايحة؟؟؟؟؟؟؟

ريحي.

الواجب اللي عندك زوجك.

ماعندك حتى علاقة مع الأطراف الأخرى.

الأشياء الثانية اللي ديريها مزية منك.

اسمحيلي

راكي غير تخلطي. حبسي هذ الفوضى اللي

حصلتي روحك بيها.

طيبي وديري شغلك وشوفي رأي زوجك إذا يعجبوا الحال أو لا.

غير هذا مايهمك حتى واحد.

إرضاء الناس غاية لاتدرك.

ولا بديتي تحوسي ترضي الناس يهبلوك.

ركزي على زوجك. ماتركزيش على خوه وزوجتو.

تزوج بيك باش تخدميه وترضيه.

ماشي باش ترضي خوه ومرتوا!!!!!!!!!!.

[mimi mimita]

القلب لحمة ماشي حديد صح الكلام يجرح باش واحد يخدم ولاخر يجي يرمي كلمة مشكيتش كاين واحد يحملها الحل يا ختي هو ربي وكلي ربي عليه خاطر ما بيدك حيلة وكي تكوني تخدمي ديري لكوتور في وذنيك واسمعي قرآن مثلا هكذا تكوني ضربتي عصفورين بحجرة تسمعي كلام ربي وما ترديش على خو راجلك حتى يمل وحدو و ربي يهديه ويهديك ويهدي كل الامة نشا الله

[بالقران نرتقي]

ربي يوفقك ختي لما يرضاه عنك بصح اختي واش دخللك فيه ما تقعديش معاه خلاص طيبي وكي تخلصي روحي لشامبرتك مرتو هي اللي تحطلو الماكلة ماشي انت وتفاهمي انت وراجللك على وقت تاكلو فيه مع بعض المهم ماتلاقايش معاه حاولي تكسبي والدين راجللك والاخرين ما يهمكش فيه اهتمي براجللك اللي مزوجتيه ماشي اخوه تفكري دايما قول الحبيب عندما قال في معناه الحمو الحمو النار المشاكل تاع الدار باللكي تداخلي فيهم ديري روحك ما شفت ما سمت خلي راجلك هو يدبر راسو عيشي حياتك وتمتعي راكي مازلت عروسة ربي يعينك

[رندة.]

حاولي ماتتخالطيش مع اخ زوجك كثير ، باش ماتسمعي منو ما يسمع منك
وبالنسبة للتعليقات اذا كانت مش في محلها، يعني بلا فائدة فقط لمجرد الانتقاد، خليه يعلق على روحو وكأنك ما سمعتي والو[

[صمت الرجوله]

مانيش فاهم علاه راكم متزوجين في بيت واحد و برمتكم وحدة الافظل كل واحد يسكن وحده ....,على الاقل كل واحد في طاج

[الفراشة الرومانسية]

ربي معاااااة