متحكمة في نفسي لكن

[مشكلتي]

السلام عليكم
معنديش بزاف زواج عمل زوجي في الشركة مختلط جدا لدرجة انه بزاف معاهم في العمل من النساء عملهم يتواصلو من الزبون والعامل
ومرخرا قالولهم في الشركة استعملوا الواتسب باش تبعثوا الصور عند الانتهاء من كل عمل او تصليح
وانا ديما نكونكتي من هاتف زوجي لقيته بعث لهاد العاملات الصور كيما نقوله في وقت العمل ووحدة منهم ترد عليه على 8 تاع الليل تقوله merci bcp .... لا سيد فلان لا شي تعيطله باسمه وهو مردش وراها على صباح ربي بعثتله في الايميل شكرا فلان ...
مالفين يبعثه بصح كي يوصل خلاص هادي قلقتني وقبل هدا قالي راجلي هاد الكلبة دارت عليا مشكل كي مبعثتش الصور
حبيت نقول وش في قلبي ونسمع نصائح من ناس مجربين

[karimtito]

ربي يجيب الخير

[amira19]

طنش تعش !!! ما تخليش الوسواس و الشك يدمرلك حياتك الزوجية
ما عندها ما تقدر تدير ،،، ديري الثقة ف نفسك و زوجك

[خالد عنابي2]

اسوء حاجة المرا الموسوسة

[~أمة الله~]

عليك السلام ورحمة الله وبركاته
راكي توسوسي في روحك أختي وهاد التجسس على زوجك واش راهو يقول واش راهو يدير ماراحش يديك للبعيد...
استهدي بالله، وتعاوني مع زوجك على طاعة الله وغرس القيم النبيلة في نفسيكما، وكوني له عروسا في البيت، واستعيني بالدعاء أن يعصمه الله من الفتن ولا تلتفتي لهذه الوساوس

[طيور الجنان]

اختي ماتخليش الشيطان يدخل بيناتكم ابدااااا. اذا كان عمل و صور تاع خدمة فلما القلق خليه يحس بللي راكي واثقة فيه .

[basma.lm]

لا حول ولا قوة الا بالله حسني الفاظك اختي وش داك ليها تسبيها وتقولي عليها كلبة وماتشكيش بزاف لانه الشك رح يدمرلك حياتك

[ابو ارسلان]

يا اختي انا عملت في شركة فيها اختلاط و صديقيني الرجال يحاولون اغراء النساء و النساء كذلك خاصة في زمن كزماننا اين معظم القنوات و الانترنت تدعو الى الخيانة و الرذيلة..فكوني متفطنة و حافظي على زوجك وهذا ليس وسواس بل حذر و تفطن..
و كم من عائلة خربت لان زوج تغاضى عن زوجته بدعوى عدم التوسوس.. وكم من زوجة فقدت زوجها لانها نية و راقدة على وذنيها..
كما ان الرجل يحب زوجتو عندما تكون غايرة عليه.

[paloma.laila]

makan ti9a f3ati9a roddi lbal bla matgoli walo ghir raddi lbal