جزء 174 من واش طيبتي اليوم كوزينة احلى رفقة طيبة

[om obaida]

المشاركة الأصلية كتبت بواسطة صدق العطاء

اهلا لبنات باااركولي واخير قدرت نصور ونبعثلكم فوطوات هههههههههههه

هذا فطورنا تاع امس كانوا عندنا ضياف
تليتلي

صدق العطاء واخيرا بنتي والصور مراهمش يبانو

[fofol]

السلام عليكم ورحمته الله

كل شي هيل أطباق كلها تشهي

أخت أم obayda من فضلك عطني وصفة تع كسرة ألي في صور وشكرا

[fofol]

المشاركة الأصلية كتبت بواسطة oum islem

وهذي كسرة التكربابين




والتحلية من بطن الثلاجة إلى بطوننا

السلام عليكم أم إسلام من فضلك عطني وصفات الكسرة شهيتني

وشكراً

[انا هي رزيقة]

يييالهوي على ام اسلام المبدعة و مادارت في العصبانة القبايلية.... رجعتيها مودرن يا محاينك ........خخخخخخخ فرحتيني غاليتي ام اسلام ربي يفرحك في كل عزيز عليك يا رب .. يا عمري قلشتيها تقلاش و لا كانت تحلم به ملي بدعوها الجدات القبايليات البسيطات الطيبات ...... ربي يباركلك في دوك اليدين تع لحراير حنونتي و اكيد اكيد لقبايليات ميزعفوش من تحريفاتك بالعكس رايحين يفتخرو انو فحلة مثلك طبقت تعصvانت و قلشاتها كيما يحب الخاطر وحطاتها في اروع صورة ستبقى خالدة عبر الزمن بضفل الانترنيت ..... خخخخ و يا مامي على فكرة الكسرة و الله بنتها راهي في فمي سور بنينة بهذوك لحشاوش و زيت الزيتون ... انتي فعلا مبدعة اختي ام اسلام ماشاء الله عليك .... ايييه راح الحال هذ وقت خروج تهلاو في اروحتيكم يا بنات

[lyzzabel]

السلاااام عليكم حبيباتي الغاليات كي راكم و كي راهم وليداتكم مع الإمتحانااااات ،، يادرا الغاز طلع ولا مازال خخخ انا راني قريبة نهبل

سندووسة الف مبروووك الكوزينة الجديدة حنووونة و ربي يجعلها فال خير عليك و علينا و على وليداتنا و نفرحو بنتائج تعبنا واااااع ،، تسلمي على الحلو يا حلوة

حبيباتي مانيش نشارك والله ماني نقعد النهار قصير بززززاف الوقت يدير هاك يفوت و يجي الليل وانا نجري موراه خخخ ... مع الإختبارات و الشقا و التربية ربي يكون في عوننا يااارب

سندوسة دك نحاول نحطلك الباروك مع اني ماني نصور والوووو

مريوووومتي الحلوة ايلا راكي تشوفي فيا راني رديت على رسالتك مي ما بغاااتش تفوت قالولي اسم العضو خاطئ سييت شحال من خطرة و لا مام شوز ،، نقولك مااغسييي بوكو ما شيغي على السؤااال نتمنى تكوني غايا نتي و لميمة وقاع لا فامي ،، ربي يحفظك و يفرحك يا الحبييييبة


ميمتي الغااالية سامحيني ما شاركتش في كوزينتك والله تمنيت نلقاها مازال ما كملتش ،، نعوضهالك ان شاء الله في كوزينة وحدخرا مواااااح على الجبين يا أغلى من الغلاااا

[lyzzabel]

بسم الله

هادو كيك بالبتي سويس و حبيبات الشوكولا و قاتو المعجون تاع بيبااااا الحبيييييبة طبعا مع شوية تحريفاات












و الحمد لله على نعمه حمدا كثيرا طيبا مباركا فيه


ما راجعت والوووو حبيباتي الله غاااالب الوقت بححححح غي خطفت شوية باش نطل و نسلم عليكم .. بيزوياااااااات ليكم وحدة وحدة و ربي يحفظكم يا الغاليااااات


أستغفر الله العظيم الذي لا إله إلا هو الحي القيوم و أتوب إليه

[*سندوسة*]

المشاركة الأصلية كتبت بواسطة حياة نور الدين

السلام عليكن

ام ابراهيم كلشي حطيتيه رووووعة من الرولي للغراتان للتحلية ربي يفرحك بوليداتك حبيبتي وكي تكوني قاعدة حللي وناقشي الرولي والتحلية
كنت طلبت التحلبل لقيتوا قدامي ومع بونيس وهداك الفطور الله يبارك بصحتكم وربي يخليك يا شيف

سندوسة اهلاا حبيبتي وبصحتكم الكسكمس راه يشهي حنونة وماشاء الله فحلة ونص

القبايلية اهلاا اختي

ام يوسف اهلاا حبيبتي رانا كيف كيف انا ثان رحت ندير التحاليل ربي يسلكنا على خير وبصحتكم الفريت

وردة اهلااا وسهلاا اختي واش راكي

نوال حبيبتي كي نقرى كلامك لحمي يشوك والله نحسوا خارج من قلبك وربي يفرحك كما تفرحيني بكلامك حنونة وعلى بالي تحبيني كما انا نحبك يا طيبة

رزيقة حبيبتي ربي يقدرك ويعينك ويحفظك حنونة وبصتكم جواز البسباس

فردوس الرحمن اهلااا معنا

مريوووومة يعطيك الصحة على البيتزا والعصير اممم كلشي يشهي حبيبتي

ام عبيدة التارت هايلة والاهم انها من يديك ربي يفرحك بوليداتك وشكرااا على الخفة اللي راكي دايرتها للكوزينة وصيام مقبول

رووعة الصحراء لا شكر على واجب اختي وشكراا على الدعاء

وعليكم السلاااام

الله يسلمك حنونة وبارك الله فيك على الاطراااء

المشاركة الأصلية كتبت بواسطة حياة نور الدين

تفضلوا فطوري

بصحتك حياة ربي يدومها نعمة

المشاركة الأصلية كتبت بواسطة حياة نور الدين

ام عبيدة حبيبتي راني حطيت رابط الوصفة تع الرفيس بالتفصيل

المشاركة الأصلية كتبت بواسطة oum islem

[i][/i



السلام عليكم ورحمة الله وبركاته
مساء الصحة والسعادة غالياتي إن شاء الله تكونو بخير ووليداتكم يقراو مليح بلا ما يتعبوكم ولا يطلع عندكم الضغط
بالتوفيق للممتحنين وربي يعين الأمهات المساكين
حيوتة بصحتكم السردين وبالشفا عليك أنت وأم يوسف ويسهل لك ولكل الحوامل يارب

أم برهومي ما شاء الله على الخيرات تحف ربي يبارك في صحتك ويسهلك قمة قمة شان وحطة

نوال مشكورة حبيبتي على وصفة النعيرية تهبل اصبري نكمل الامتحانات ونحطلك تطبيقي

وردة الرمال وسندوسة وطعامها والغالية أم رحاب ولا كيكة النمر تاع الغالية أم هدول اني مع زقزوقة نستنا في الوصفة
أم عبيدة كل عام وإسلام بألف خير وصحة ربي يصلحه

القبائلية روعة الصحراء ومريومة والبيتزا اللذيذة ولا هداك العصير يبرد على القلب ينسي دمار الإمتحان وأم إسماعيل وكل الغاليات منورين الكوزينة باطباقكم وخيراتكم وطيبتكم حبيباتي

وعليكم السلام ورحمة الله وبركاته
مساء النور حبيبتي
رانا الحمد لله الله يدومها نعمة سوال عليك
شكرا لمرورك

المشاركة الأصلية كتبت بواسطة oum islem

زقزوقتي الرائعة الطيبة جبتلك تطبيقي لتكرvاvين ولا تاعصvنت
بصح حرفت فيه بزاف ماكنش عندي العدس درت حبيبات حمص وزدت حبيبات قرنون وتvسvاسن ونص حبة تقرعاvن خلاني نهدر بالامزيغية
الطبق بنيييين بنيييين والأهم صحي بامتياز ربي يعطيك صحتك ويخليلك زيكو ويفرحك بلي تتمني ويهنيكم
يارب ما يزعفوش القبائليات من تحريفاتي البسيطة





زيكا بما اني نحب روحي بزاف درت غير زيت الزيتون

المشاركة الأصلية كتبت بواسطة oum islem

وكنت كثرت من الخليط المبسس وخفت ما ياكلوهش زدت للباقي شوية دقيق تاع القمح وطميتو بالماء وطيبتو كسرة جات بنيينة تهبل

الله يبارك يا لفحلة ماشاء الله

المشاركة الأصلية كتبت بواسطة oum islem

وهذي كسرة التكربابين




والتحلية من بطن الثلاجة إلى بطوننا

اممم الله يعطيك الصحة تسلم الايادي

المشاركة الأصلية كتبت بواسطة صدق العطاء

اهلا لبنات باااركولي واخير قدرت نصور ونبعثلكم فوطوات هههههههههههه

هذا فطورنا تاع امس كانوا عندنا ضياف
تليتلي

اختي للاسف ماطلعوليش الصور

المشاركة الأصلية كتبت بواسطة om obaida

مساء الخير ومرحبتيين رايحة نحطلكم واش رايحة نفطر حطيت في الطباسا باه نوريلكم فقط هذي لسان العصفور هذا جاج كيما تقول عجوزتي ذوق سردين شكشوكة عشيت عيانة درتها في الكوكوط

مسا النور

صياما مقبول ان شاء الله
بصحتك ختي كلش يشهي
ماشاء الله طياباتك روعة

المشاركة الأصلية كتبت بواسطة om obaida

وهذي لتارت كي قسمتها درتلو عيد ميلادو لعشية باه يقدرو يجو صحابو هذا وش قدرت نصور

جات شابة الله يبارك شكلها يشهي بصحتكم
وربي يوفقه ويسدد خطاه
راكي قايمة بالواجب واكتر راكي صايمة وراكي تحطيلنا في طياباتك ربي يقدرك

المشاركة الأصلية كتبت بواسطة om obaida

وهذو جابهملي بابا وليدي عندو 10سنين ومزال بابا كل يوم يبعثلي الحلوة ومن بعد يقلي واش بيه فمك طاح

ياعمري ربي يحفظهلك ويرضيه عليك
اتهلاي فيه

المشاركة الأصلية كتبت بواسطة om obaida

حيوته ربي يحفضك حنونة والخفة وحلاوة الروح من حبكم وراحة بالي كي ندخل ونتواصل معاكم

[صدق العطاء]

واخيييييييييرااا وبعد طول انتضار هههه
قدرت حتى انا نصور الاطباق ونبعثلكم ههههههه
ههههه البيض منحبوش........كليت زيتون نموووت علييه
و دجاج طايب فالكوشة
وهذام الفلفل احنا نقولولوا منقوع وعلى حسب ماشفت الاغلب يقولولوا فلفل مرقد
هذا تليتلي تاع امس جاونا ضياف ممممممم بنيييين

مركز تحميل الصور


مركز تحميل الصور

مركز تحميل الصور


مركز تحميل الصور

[ام احمدي]

السلام عليكم بصحتكم كاااامل
حياة الزينة راني درت التبيخة تاع الكرمب هااااايلة وهاايلة باباتي مات فيها كلاها وحدو هههه قلتلو كول وادعي لمولاتها ههه ربي يسهلك ويشافي دعاء ويخليلك اختها ويرزقك بطفل بهي الطلعة ياااااارب

رزيقة حنونة ممكن طريقتك في الجواز تاع البسباس يبان هااايل وراني درت اللوبيا بطريقتك واش نقولك ذوق رهييييب على قولة ام ابراهيم امممم ربي يرزقك خير الدارين ياااارب

[nanoua7]

سلام البنات واش راكم لاباس واش دارو فيها وليداتكم مع امتحانات ربي يوفقهم ان شاء الله دارتها بيا نات من يامس هادا وين جات

[om obaida]

مساء الانوار وصح عشاكم انا هذا وين تحلو عينيا بعد قهيوة

[nanoua7]

بنات تعيشو راني محتاجة طريقة ام ابراهيم في قاطو اسبانيول لأنها هي حرفت فالكريمة عييت نحوس عليها جابلي ربي حطتها في كوزينة حياة و شكرا حبوباتي

[حياة نور الدين]

السلام عليكن

ام عبيدة فطورك يشهي وصح فطورك وربي يحفظلك باباك ان شاء الله تاج فوق راسك

ام احمدي يا عمري حنونة فرحتيني كي قلتيلي التبيخة عجباتك وخاصة عمي ربي يحفظهولكم ويخليك على دعوة الخير حبيبتي

ام اسلام اهلااا وكنت قلت لرزويقة البارح حابة نجرب تكرفافين وكي شفت تطبيقك زدت حبيت اكثر ماشاء الله رووووعة ربي يخليلك صحتك

سندوسة مساء الانوار حبيبتي وشكرا على كلامك

ليزا واش راكي واش راه صفصف خلينا من الكبار راهم يقباحوا نحكوا على اللي مازال هههههه توحشناك وربي يقدرك ويحفظهملك وينجحهم وكالهادة حلو او مالح روووعة


صدق العطاء اهلاا هدي غيببة واطباقك روووعة حنونة يعطيك الصحة

نانوا مساء الانوار حنونة واش راكي

[om obaida]

حيوته مساء الفل والياسمين كيفاه راكي وانشاء الله ليزاناليز لاباس حنونة باه يجي البيبي منور كي ماماه او منورة وقوليلي وين حطيتي رابط الرفيس النت راها شوية ثقيلة راني هكذا معاها

[حياة نور الدين]

تفضلوا عشايا ارز بالكوكوت لام وليد هااايل ودجاج محمر في كيس الشواء وسلطة