جزء 174 من واش طيبتي اليوم كوزينة احلى رفقة طيبة - الصفحة 21

*سندوسة* · 2016-12-01, 13:47

حبيباتي لبارح ماجانيش رقاد حتى ل4 صباح لقيت روحي عيانة خممت لفطور كرانتيكا

ام هدول · 2016-12-01, 13:47

سلالالالالالالالالام لبنات ...امممممممممممممممممم كلش يشهي بصحتكم رزيقة ...ام سيراج وملاك ....ام يوسف ....فضيلة ..راعيين
ام عبيدة بالشفا عليك ان شالله ...تنحي الجبس وتتانها راني نشوف فيك تعرف تحطي الصور ....انت لي سالتين الصباح ماشفتش سؤالك للاسف ...القبايلية ...كي طلي علينا..خير وبركة
ام يوسف علاش نضحكو ماكنش لي خلق معلم من كرش امو ..رانا كامل بدينا بالشوية وتعلمنا ...المهم المحوالة ...كدللك بالنسبة ل سوسو ...

om obaida · 2016-12-01, 13:47

كسرة الشحمة بعثتهالي يما معلبالهاش بلي راي صايمة متضحكوش علي الصو راني نصور غير بالكميرا نتاع الميكرو وعيانة شوية صح فطور الصايمين

nanoua7 · 2016-12-01, 13:49

اشرقت نفسي بصحتكك هاد الخيرات و الرولي باين هايل ربي يحف.ها لك

حياة نور الدين · 2016-12-01, 13:51

السلام عليكن
صح فطوركم

انا فطرت البسباس وبناتي شربة بالحليب درتها على جال بنتي اللي راه مريضة كلات زوج مغارف ومحبتش تكمل والله هي قليلة وزادت هدوا 3 الايام رايحة تخلاص ماراهيش تاكل والو غير حليب ولا ياغورت

سندوسة بصحتك العرس اختي وشكراا على الاقتباسات وكلامك عويناتك الشابين حنونة

سوسو اهلاا اختي وبصحتك السندويتش

ام عبيدة يا رب تنحي البلاتغ وتتهناي وبصحتك الفطور من يدين الميمىة

ام يوسف اطباقك تحففففة اختي بسيطة وباينة بنينة

ام سيراج اهلااا بالحامل والمحمول كثر خيرك ويعطيك الصحة حبيبتي

رزيقة اهلااا اختي وربي يخليك على كلامك وعويناتك الشابين حنونة البارحىالخبز درتوا غير بالفرينة حقا رزيقة تقدري ديريه ميديش الوقت والجهد والله ساهل شوفي الوصفة وانت تعرفي
والاوملات اممم ثم اكمممم بصحتكم والديسار كما نقول انا هههههه راه ليا اكيد خخخخ

نانوا مساء الانوار اختي

حياة نور الدين · 2016-12-01, 13:54

اشرقت اهالااا اختي ويعطيك الصحة انت واختك

ام هدول صح فطورك

فضيلة اهلااا واطباقك روووعة خاصة الشخشوخة بالحار المضفور اممممم

سندوسة بصحتكم الكرانطيطا تشهي

أم يوسف2 · 2016-12-01, 13:57

https://www.up.djelfa.info/uploads/148059653959271.jpg

om obaida · 2016-12-01, 14:01

ام هدول صح فطورك وهاني تعلمت زكارة في مركز التحميل للاخت سوسو وام يوسف نقلكم كيفاه درت دخلت مركز العملاق كي تحملي الصورة اكليكي عليها يخرجلك طابلواكليكي علي copier ladresse du lien من بعد ولي وين تكتبي الرد ادخلي للمربع الاصفر اكليكي عليه بليمنى نتاع لسوري تلقا في بلاست الرابط //http امحيها وديريcoller يخرج الرابط ديري ok يخرج تحت بلون ازرق اكليكي في الفراغ باه يروح هذاك اللون جربي وشوفي انا عانيت كثييييير باه غلبتو

nanoua7 · 2016-12-01, 14:02

سندوس بصحتك كرانتيكا انا درتها يامس للغداء ام عبيدة المهم البنة من عند الميمة أكيد امم مايهمش الصورة ام هدول واش حالة و حيوتة مابانتش يادرا ام يوسف كملي وراهم وراهم و الزمن طويل حتى يظهرولك هههه

ام هدول · 2016-12-01, 14:11

ام عبيدة نسعرف بيك قدها وقدود..كمليها ابالمصرية ....هه لعقوبة لام يوسف وسوسسو ....بصحتك الكسرة وعضيلي اليديوة لي تحب تصور ..فكرني في بتي بسينصةر تحب دخل يدها في الصور ..عدت نتواحشها النهار كامل في الورضة تابر البي
سنوددوسةبصحتك الكانتيكا راني نحاوا ل نصلح الكرانتيكا ...ولم في الوصفات ..زيدي اعطني طريقتك خخخخخخخخ
حيوتة الله يسلمك وبصحتهم الكتكوتاتات ...بنتك كي ترتاح ترجع تاكل ماعليش
نعنوعة .. ..بصحتك غداك

حياة نور الدين · 2016-12-01, 14:11

ام يوسف تبعيني ههههههه شوفي كي تحملي الصورة روحي لرابط الصورة المباشر ديري كوبيي منبعد ارواحي للمنتدى
روحي للمربع الاصفر كليكي عليه

يخرجلك هدا امحي وكوبيي الرابط تاعك وديري OK وابعثي الرد تخرج الصورة

حياة نور الدين · 2016-12-01, 14:14

ام عبيدة نستعرف بك راكي بيد ودايرة حالة كي تبراي ان شاء تلله تديهالنا كااامل خخخ

nanoua7 · 2016-12-01, 14:24

حياة انتي هنا وان نسول عليك و بنيتك واش راها اليوم ربي يشافيها لك جربي اطحني لها فاكهة مع عصير القارص بالاك تعجبها وتاكل حتى بنت اختي راها مريضة جاها الحر في فمها مسكينة

حياة نور الدين · 2016-12-01, 14:30

نانوا يسقسي عليك الخير حنونة بنتي جاتها الحمى من الضروس ومنبعد خرجلها الحر في فمها هو الي مخلاهاش تاكل ربي يشفي وليداتنا يا رب

nanoua7 · 2016-12-01, 14:32

أم اسلام حبيبتي راني عارفة نحكمك غي هنا راني حابة ندير قاطو سيقار لي حطيتيه موضوع في قسم الحلويات و سألتك تما على الكريمة نظن ماشفتيهش و هو فالكريمة ندير باكي فلان كبيرة ولا صغيرة و الحليب شحال الكمية و شكرا مسبقا