جزء 173 من واش طيبتي اليوم كوزينة احلى رفقة طيبة - الصفحة 104

نبض الفؤاد · 2016-11-28, 11:26

اقتباس:

المشاركة الأصلية كتبت بواسطة ام هدول

راجعت شوية ماشاء الله عليكم ....كل وحدة باسمها ....على خاطر مالقيت علة من نعلق ..زهتو الكو زينة بطيابكم وبكلامكم الرايع ربي يدوم المحبة ان شالله
عروبة وطن سالتيني على البغرير ..الطريقة تع يما لعزيزة ..وتعلمت نخدم كيفها بميز عيني خاصة الاطباق التقليدية .على كل ...ندير السميد في القصعة الكمية لي موالفة تكفيني
ونحط الملح وشوة زيت عادي وشوية خميرة الخبز ماش بزاف ....ونبلها بالما دافي ..نخلها شوية ترتاح حوالي ساعة تقريبا ...ونرجع ليها بالعجن نعجن ونقطع ....ومن بعد نحط الما دافي ابالشوية ونقطع ...حتى تتحلل العجينة وترجع جارية ونكونو في الاثناءاضيفنا بيضة او بيضتين ...ونبعد نفرغها في اناءغامق تحبي تخليها في الثلاجة حتى لوقت الطهي ..او تبداي تطهي فيها مباشرة ..في الطاجين تع الطين طبعا ...وشهية طيبة تجي خفيفة وماتشبعش ...خاصة اداكانت الزبدة حرة ....(الطريقة تقلدية محضة لكن النتيجة رائعة ..)

يعطيك العافية ام هدول......ويحفظلك الوالدة الكريمة.....حبيت نسأل الطاجين نتوما باه تدهنوه........؟؟

x ام رحاب x · 2016-11-28, 11:28

اقتباس:

المشاركة الأصلية كتبت بواسطة ام هدول

صباح الخير عليكم ....شكرا ام رحاب وعلى دعاوتك ربي تقبل .ان شالله شكرا ليكم كامل وخاصة ام رويدة ونوال ربي يخليكم ويحفضلكم كل عزيز ...فقط وشكون لي تتشجع تفتح الجزءالجاي تع الكوزينة بزاف علها حبيبتنا ام رحاب راهي تسنى تمد المفتاح ....انا شخصيا جايين الامتحانات ..ياربي مانتلهي شوية عندي وحدة من بناتي ..لازم نوقف عليها ..ونركزشوية معها ..وبالتلي رايح يتقص دخولي للمنتدى
...

لاشكر على واجب ام هدول راكم عزاز عليا ربي يخليكم تسلمو وربي ينجح بناتك ان شاء الله واتشوفيهم في اعلى المراتب

اقتباس:

المشاركة الأصلية كتبت بواسطة ام سارة18

صباح الخير
ام رحاب كوزينتك فاتت روعة وفاتت كي البرق ماحسينالهاش خلاص بالطبع الفضل يعود لكل الاخوات اللي حطو طيابهم وخيراتهم ولكل وحدة شاركت ولو ماحطتش طيابها وربي يدوم اللمة هادي ان شاء الله

الفضل ليكم حبيباتي الي زهيتو الكوزينة بخيراتكم ربي يحفضكم ويرزقكم من حيث لاتحتسبون

اقتباس:

المشاركة الأصلية كتبت بواسطة النرجووسة

صباح الفل والياسمبن لاروع شافات

ام رحابالكوزينة من اروع ما يكون جابت الخير والخمير ربي يباركلك وشكرا لكي على كل شيء

لاشكر على واجب حنونة الكوزينة كوزينتنا جميعا وربي يخليك حبيبتي

x ام رحاب x · 2016-11-28, 11:30

نبض الفؤاد صباحو اختي ويوم موفق للجميع
ملاكي ورزيقة ومريومة وتوبة راهم غايبين اليوم ان شاء الله ايكون المانع خير

x ام رحاب x · 2016-11-28, 11:41

فطوري اليوم سباقيتي وبصحتكم واش رايحين تفطرو

*سندوسة* · 2016-11-28, 11:53

بما انكم احترتم فيمن ستفتح المطبخ جديد ان شاء الله انا نبادر ونفتحها

حياة نور الدين · 2016-11-28, 12:09

السلام عليكن

مانيش مراجعة دخلت نحط فطوري منبعد نرجع بادن الله

sousou 16 · 2016-11-28, 12:38

امممم بصحتكم حيوتة ابعثيلي شوية راني خدامة وعجزت نخرج

اريج 07 · 2016-11-28, 13:04

اقتباس:

المشاركة الأصلية كتبت بواسطة x ام رحاب x

نبض الفؤاد صباحو اختي ويوم موفق للجميع
ملاكي ورزيقة ومريومة وتوبة راهم غايبين اليوم ان شاء الله ايكون المانع خير

لسلام عليكم

مزبة لحقت على الكوزينة قبل ماتقفل

ميمتي الغالية يا تاج فوق الراس يا اغلى من الالماس والله معرفتك كنوز و جواهر يا اغلى ام والله معزتك في قلبي ماتقدر بثمن نحبك و ربي يعلم

كوزينتك كانت احلى و اجمل و اروع كوزينه مي مشاركتش فيها بزاااف تمنيت نكون معاكم مي الله غالب حاولت نشارك على قد مانقدر نتمنى نشوفوك في كوزينه دارك و تفتحهالنا والله مالقيت مانقول غير ربي يخليك و يحفظك

قاتلك ماما اطباقك تحف فنية و راكي شاف ولا خمس نجوم

تقبلي مني كل التقدير و الاحترام دمتي متالقة

اريج 07 · 2016-11-28, 13:07

ايه و حبيت نشكر كل لي شاركو في الكوزينه والله راكم شافات كل وحدة في كوزينتها و باطباقها و تفرح عايلتها

و حبيت نشكر اخت الغالية ام رحاب ام اكرام نورتينا حبيبتي و نتمنى طلي علينا ديما

حياة نور الدين · 2016-11-28, 13:13

راني جيييت

ام برهووم الباتسري روووعة في ميزان حسناتك الوصفة وربي يسلكك ان شاء الله كالشعرة من العجين حنونة والكسكس ثان يشهي يا ملكة الباتسري

سوسو، ارزاق، فاطمة ، بحورة صباحكم سعيد ومنور حبيباتي

ام رويدةاهلااا حبيببتي وربي يحفظك على الدعاء وكل واحدة عندها لمستها وبصمتها في الكوزينة واطباقك ثان روووعة ومضموونة

سندوسة اهلاا حبيبتي ويا الله اتكلي على ربي وافتحي الكوزينة وبادن الله رانا

ام يوسف ربي يخليك ويعينك ويعينا على الشغل اللي ميخلاصش وبصحتك البسباس

النرجووسة اهلاا اختي

ام سارة اهلاا وفرحت بمشاركتك معنا في الكوزينة

ام هدول اهلاا ربي يقدرك على الامتحانات وينجح بناتك يا رب

نوال اهلاا بالزينة وكلامها الزين وشكراا على الدعاء

نبض الفؤاد اهلاا بك

سوسو والله ما خسارة في اختي وربي يقدرك على الخدمة

حياة نور الدين · 2016-11-28, 13:16

مريووومة اهلااا بارغم انك مشاركتيش بزاااف بصح دخلتك دائما قوية ماشاء الله سلامي لك وللوالدة حبيبتي

*سندوسة* · 2016-11-28, 13:38

تفضلو رابط كوزينة جديدة

https://www.djelfa.info/vb/showthread.php?t=2016928

أم سدرة · 2016-11-28, 16:43

السلام عليكم ورحمة الله وبركاته
ام رحاب نشكرك على الكوزينة كانت مليئة بالخيرات والاطباق اللذيذة
ونشكر كل العضوات لي شاركو في هاد الكوزينة بارك الله فيكن جميعا

om wassim · 2016-11-28, 17:37

مساء الخير لبنات
ياعمري الحمد لله لي راكي بخير حبيبتي ام رحاب مزية لحقت بكوزينتك ههههه

om wassim · 2016-11-28, 17:39

لبنات لي تقدر تصغرلي الصور تعيشو قبل ماتدخل ام تاج هههههه
و لي عندها وصفة تاع كيكة بالتفاح مجربتها تنورني بالوصفة