ماذا افعل

[مشكلتي]

ان كنت مع شخص وحبينا بعضانا ومن بعد كي نوينا نتخطبو ونخرجوها للحلال وقفت امو في طرقينا وقالتلو غير هديك لي منجيبهالكش من رغم انها متعرفنيش ومنسكنش في منطقتهم ومن بعد حاول وحاول وحاول مدة 6 شهر وخسر فيهم عملو وخسر بزاف حوايج من بعد قبلت وقالتلو نروح نخطبلك بصح دارتلو شروط تعجيرية كامل باش يبطل وميتزوجنيش وقالتو حتى تخدم وهو ضرك بدون عمل واصلا علاقتنا دامت بزاف, ومش باغيينها تقعد في الحرام والله تعبت نفسيا وزيد الشي لي غاضني اني ديما نوصيه على يماه وخواتاتو ومشفيتش مرة لروحي حرشتو على يماه ولا على دارهم بالعكس كنت باغية نديرها كي يما ثانية كيعاد نحبو ونحبلو يرضي يماه مي هي كرهتني بلا متعرفني وقالتلو راها تحرش فيك علينا و وانا يعلم ربي قسما بالله ميعطيلي قلبي ندير الشي هدا وقالتلو طفلة مش مليحة وهي متعرفنيش اصلاااا

انا الحمد لله سهلتلو كلش وقلتو وش تقدر دير وش متقدرش مديرش المهم تكون علاقتنا في لحلال ويرضى ربي كيعاد نعرف انه في بداية حياتو مش راح يكون عندو كلش من الاول ومكانش قد الحلال لان الحلال يبارك فيه ربي وحتى العرس وصلت بيا قلتلو لا عندك ديرلا معندكش مش شرط نديرو عرس المهم حفلة صغيرة

ادعيولي يسهلي ربي معاه ويكون حلالي لاني بزاف نحبو وباغية يكون زوجي في الدنيا وفي الجنة والله وراني بزاف تعبانة نفسيا غيضتني روحي كيعاد ظلموني


وواش رايكم في حكايتي ؟

[*أم سجى*]

شوفي ياختي المعطيات لي قدمتيها تفيد بلي عجوزتك قبيحة بزاف ويلا كتب المكتوب ورحتي كنة عندهم مهيش راح ترحمك....هذا راكي بعيدة عليها وشوفي واش راها تدير فيك مابالك تروحي لعندها وتعايشيها أنا ننصحك من الافضل تشرطي دارك وحدك وان شاءالله ربي يلاقيك بزوجك لي تمنيتيه .......

[SELLAMI FATHI]

سلام عليكم اختي هدي حاجة مليحة ربي سخرلكم ان شاء لله بخصوص لعجوزة معظم مشاكل الزوجية اليوم تكون سببها نزعات بين لعجوز والكنة لهدا يجب معرفة شخصية زوجك ادا كان شخص يحكم بالعدل والمنطق والحكمة فلا تخافي ان شاء لله ماغديش يظلمك ام ادا كانت شخصيته ضعيفة ممكن تتحكم فيه امه وتعدبك معها لهدا من احسن تساله اسالة اختبارية في طريقة حله لنزعات ومشاكل اسرية هنا تظهر حكمته ورجاحة عقله

[نعمة الله15]

يا اختاه لا انصحك بي البقاء مع من تقولي هو حبيبك ولا تقدري العيش بدونه لا ن الأيام كفيلة بالنسيان وفكرتيني بماضي لي والشخص الدي أحببته وأمه رفضت زواجنا وانا الان متزوجة برجل بمعنى الكلمة تبارك الله تربية واخلاق ودين ولو جاء يوم وجدت الام الحبيب لشكرتها لاني لم اتزوج ابنها وزوجي هو اروع وأجمل حبيب كتبه الله لي لكن للأسف في المراهقة لم نكن نعرف مادا ينتظرنا من مكتوب وعسى ان تحبوا خيرا وهو شرا لكم وعسى ان تكرهوا شيء وهو خير لكم والله يعلم وأنتم لا تعلمون لهدا اتركيه لزمن وادا كان ليس من مكتوبك خليه يدي دعوة الخير من أمه وانتي ربي يجيبلك احسن منه وهدا عن تجربة شخصية والحب يأتي بعد الزواج

[جنى الجنتين]

راح رلك حاجة نتي درتي الحرام و بغيتي تروديها حلال هذي النتيجة طريق الشيطان و زيد المحبة مشي بسيف بالنسبة للام هي تربي و نتي تدي لالا و الا فيك شي ذرة تاع

حيا و حشمة و كرامة روحي توبي لربي و خلي الشير كون جا فيك عقل و حتي ولو ديتيه مغديش تتهناي راكي غاذي تحطيه ف اختيار صعب و على جالك ممكن يعصي والديه


اهي و يسبهم راني شايفة حالة كيما نتيا و لام راهي تدعي عليه ليل نهار و حتى البنت حسبي الله و نعم الوكيل فيها على الحاله لي نعرفها راكي تفرقي فيه على يماه حرام وتسبي

ف المشاكل و زيد الرسول صلى الله عليه و سلم قال لعن الله امراة فرقت بينها و بين ابنها راكي باغية تكوني ملعونة !!!!!!!!! و حوسي واش معنتها ملعونة

فيقي لعمرك و خطيك منو ربي هو اللي يزوج مشي عرفي و عشقي و منبعد تجي تبكي تقولي بغيت نتزوج بيه حشمي من مولاك وكيما يقولو ان لم تستحي فا فعل ما شئت

راكي رايحة تدخلي ف مشاكل و دعاوي الشر مكاش غير هو ف الدنيا و المسلسلات راهم ماثرين على مخك

علبالي بلي راني قاسية معاك بصح هذا هو الحق المر اللي ما تحبوهش الله يهديك

[إسلام الفاروق]

هذي هي نتيجة العلاقات المحرمة ما ربحتي والو

ارمي عليك و استغفري الله و لد الحلال كي يجي يسسمع هكذا يهرب تخسري فيها بزاف

انتي استثمرت عاطفيا اقطعي خسائرك و اذا حاب يديك يعرف الدار

[الاريام]

السلام عليكم اختي
انا حايرة كيفاه في وقتنا الحالي مع وجود كل انواع الاعلام و التوعية بما يرضاه الله و ما لا يرضاه ومازال كاين ناس بهذه العقليه المتخلفة كيما هذه المراة التي في عوض تلتهى باخرتها هي حابة تفسد على ولدها
ربي يهدينا نشالله
اختي هذه المراة رايحة تعبك في حياتك و انا نقولك لكان انتي قادرة على كل انواع الحروب الي رايحة تشنها عليك و راني نتكلم بكل جدية واهمها واثقة في هدا الرجل بلي عندو شخصية قوية كفاية ليقف الى جانبك و على الاقل ما يدورش عليك حاولوا مع بعض
لكن ان مان عندك ادنى شك في العكس يا اختي حتا هي ما لقاتكش تطايشي و عندك اهلك و ناسك و طيحيش من روحك لانو حتى ولو تحبيه الحب مع الايام ينقص و حتى يروح و خاصة اذا انكشفت بعض الووه المتخبية قبل الزواج وان كنتي لوحدم يا زين لكن ان كان هناك اطفالك تولي في حسرة عظيمة و هم كبير هاذ النو من النساء لا ترحم اي ممكن انها تطلق الروس ولو بعد حين حتى ب5اولاد ما يهمهاش و ان لم تستطع رايحة تخليه يضربك و تفسدلك عيشتك و خاصة ان كان من النوع الي ما عندوش شخصية رانا نشوفو في امثلة كثيرة في المجتمع بنات كي الوردة يلعبو بيهم ولاد لحرام و ماتهم

[لزهاري قزم]

والزواج من خير ما ينبغي أن يصير إليه المتحابان، روى ابن ماجه عن ابن عباس- رضي الله عنهما- أن النبي صلى الله عليه وسلم قال: لم ير للمتحابين مثل النكاح. فإذا كان راغبا في الزواج منك، فليأت الأمر من بابه، ويخطبك من وليك، ويعقد لكما العقد الشرعي فتصيران زوجين. فإن لم يتم ذلك، فليذهب كل منكما في سبيله، ففي ذلك طهارة للنفس، وصون للعرض.

[semayaalg]

ربي يوفقك

وما تتناازليش على دار وحدك يالوكان شامبرة و كوزينه بعيد عليهم

[hicham batna]

والله يا اختي وش رح نقولك معظمنا يعيش مشاكل والله تنفطر لها القلوب عذبتنا الحياة كثيرا لكن لا حل لنا الا الصبر لله عز وجل لاننا نعلم ان الدنيا فانية ربي يكون معاك اومليح كي تفرغي واش في قلبك وشكرا

[meriemanoucha]

ربي يكون معاك

[نعمة الله15]

هدي الدنيا علمتني الكتير ومن صغري نحكي لكم عن قصة اختي المتوفية الله يرحمها ويسكنها الفردوس الأعلى الدي ماتت على النفاس
كانت فتاة جميلة مبتسمة للحياة تعرفت على شخص احبوا بعضهم البعض وبعد سنة جاء لخطبتها ومع والديه وكانت فرحة اختي لا توصف وهي اختي الكبرى وانا كنت انداك صغيرة ادرس وبعدها سءل عنهم ابي الله يرحمه ويجعله من الصالحين رفض هدا الزواج وقال لها مستحيل أعطي بنتي لهدي العاءلة وبعدها جابوا أهله الجاه وخاف ابي من الجاه ومع استمرار اختي على قرارها عندها قالها موافق لكن بعدها لا تلوموني يا أبنتي والله اكتب وأبكي على دكريات رحلت وبعد زواجها بداءت المشاكل وبان الزوج على حقيقته وأكاذيبه الدي اوهم بيها اختي ودايما تجي تشتكي لامي من تصرفته ومعيشتهم الدي لا تطاق بالله عليكم اين هو الحب الدي تتكلمون عليه وندمت لانها لم ترضي والديها وتحملت الماسات مع الحب المزيف واستحملت كل الهموم والمعانات وجاء الطفل الاول والتأني وهي تتألم بداخلها لانه كان هدا اختيارها وماتت على النفاس والآن ابناءها يتعدبون مع أباهم وزوجة أباهم
اختاه عندما تفكري في الزواج أبحتي عن اب يكون قدوى لي أبناءك قبل ان يكون زوج لكي لان لا نعرف ما ينتضرنا غداً وانا عشت مع اختي معناتها وتزوجت بعقلي وليس بقلبي والحمدلله لي 8 سنوات زواج احمد وأشكر الله على ما قدره لي ورضى الوالدين في الزواج يفتح الف باب مغلوق اختاه والله المستعان

[اريج 07]

امممم مااجمل قصتكم اختي لوكان غير مادخلتش فيها الام يا خسارة معليش حبيبتي راح تكوني مع خطيبك و هذا اهم شيء ربي يحفظكم و يجمعكم في لحلال امين يارب

انا مع راي الاخت امل95 و الاريام الا شفتي روحك راح تتحملي كلشي في خاطره متهتمي لوالو و عجوزتك عامليها بالاحسن و كان قساتك و كلي ربي و مترودلهاش و ربي يهديها

الف الف مبروووك مسبقا نتمنالك كل خير

[نسيم الريح ش]

ديري في بالك ادا كان من المكتوب راح تتزوجو وادا كان لا ربي يرزقك ما خير منو .نتمنالك الخير مع ايا كان لانو بغيتي الحلال وسهلتي عليه ما صعبتيش

[جنى الجنتين]

تخيلي الاشكال تاعك تقوليه للرسول صلى الله عليه وسلم واش راح يكون جوابه و ردة الفعل و نظرته ليك لاحول و لا قوة الا بالله

و اتو البيوت من ابوابها وليس من المعرفة اصدي طريق شيطان و انا شخصيا نستعرف بهاذ الام

و امر بالمعروف و انهى عن المنكر