تعيشوا ربي يستركم قولولي واش ندير

[مشكلتي]

السلام عليكم ورحمة الله تعالى وبركاتة
تعيشوا عاونوني و قولولي واش رايكم راني ميتة بالخوف
اليو بالصدفة كتبت اسمي في غوغل وجدت حساب في غوغل باسمي والاسم العائلي مت بالخوف يكون كاش واحد راه يستعمل في اسمي بطريقة ماشي مليحة ربي يستركم عاونوني راني مشوكية وخايفة وماتقولوليش تشابه اسماء لا لا استبعدها ياربي تعيشوا قولولي واش ندير

[روح المي]

تأكدي
مانوع الحساب ؟
فيسبوك؟ تويتر؟
هل لديك اعداء يسعون لتشويه سمعتك
عادي اذا استعملوا نفس الاسم المهم ان لا يمكلوا صور لك ؟
ادعي اللهم اكفينيهم بما شئت
ربي يسترك ويبعد عنك شرور

[Zaki Dilmi]

عادي يخرج ادا كنت داخل بحسابك في Google تكتب اسم حساب يخرجلك تصويرة لي حايطها و معلومات
بصح افتحي متصفح اخر و اكتبي اسم ميخرج والو

[*أم سجى*]

كانت غلطتك انتي علاه تحطي معلوماتك الحقيقية على شبكة التواصل معلباكش بلي الامر في غاية الخطورة....المهم مافات قد فات ....ومشكلتك ربما فيها احتمالات ربما اسم لشخص آخر ....انا شخصيا مفهمتش قصتك مليح فهمت غير بلي لقيتي اسمك فالنات....وعليها ننصحك يلا عندك فيسبوك اغلقيه ويلا مسجلة باسمك وتقدري تغيري غيريه ...المهم انتي حاولي تطمسي الآثار باش ميتعرفوش عليك ....وأنا من جهتي ندعيلك ان شاء الله ربي يرزقك الستر والعافية والهناء .....متخافيش بزاف وتعمري راسك بلاك الأمر مش كيم تتخيلي .......

[نورسين.داية]

أنا شخصيا مرة كتبت صديقة لي أسمي في قوقل فإذا بها تجد جمعية أنا منخرطة بها معلنين أسمي كعضوة على صفحة الأنترنت بالموقع الرسمي للجمعية ....كانت صدمة حقيقية ..بالنسبة لي

لكن لم يحدث أي مشكل

صحة بالنسبة لمشكلتك ...هذه الصفحة قد تكون لشخص يحمل نفس إسمك مثال إسم عائلتي يوجد في الجزائر العاصمة و ولاية البلدية و و لاية عنابة نفس الإسم و إكتشفت دلك بالصدفة ... تصادفينهم في المسابقات ....يعني قد لا يكون يخصك أصلا تأكدي من الموضوع

[~أميرة أميري~]

يا اختي حسبتي غير انتي اسمك فلانة؟؟؟؟ راه كاين مليار واحد فالموند عندو نفس اسمك واسم عائلتك مافيها والو كامل كي نكتبو اسماواتنا يخرجنا الف واحد بهداك الاسم
اما ادا لقيتي تصاورك هديك حاجة وحدوخرة
وادا لقيتي غير الاسم راهي حاجة عادية مشي غير انتي لي اسمك هكداك

[~أميرة أميري~]

ديجا راني كتبت في قووقل اسمي وخرجلي الف حساب بأسمي واسم العائلة وحتى حساب في قووقل بذاتو هههه ماتقلقيش روحك اختي

[first first]

1.لست الوحيدة في الكون التي تحمل اسمك ولقبك
2.بالمنطق..............لي يحب يخلط ويجلط في النات لايستعمل اسمه ولقبه ..............يعني حتى لو كانت محاولة لتشويه السمعة لايهمك..............سمعتك انت ادرى بها وربي الحافظ من كل سوء

رمضان كريم اختي الفاضلة