لن نسكت ابدا!!!

[bac2016]

لا تقلقوا قالكم القضية خرجت من يد الوزيرة و راهي عند بوتفليقة و سلال المهم اما اعادة المواد التي وقع فيها التسريب و اما ستعاد البكالوريا كاملة و على الارجح مباشرة بعد العيد
هذا ما سمعته و الله اعلم
انا شخصيا لا اضن انه سيكون هناك حل اخر صدقوني و نهار الاحد سيتحدثون عن الموضوع و نشوفوا وين يوصلوا

[sosobibicha]

سلام عليكم
حسبي الله و نعم الوكيل

[toulay]

اذا حابين الباك يتعاود لازم كامل تكونوا يد وحدة
par exemple في كل ولاية يتلموا التلاميذ ويديروا احتجاج قدام مديرية التربية تاعهم ويبداو يطالبوا في اعادة البكالوريا وديروا لافتات
هكذا باش تبينلوهم بلي مشي عاجبكم الحال ومدابيكم الامتحان يتعاود
بالتوفيق

[ماريا للنجاح]

يحيروني لي عاجبهم الحال ......طبعا الناس لي متعبتش جاها طاااايب تفرح لازم تفرح......ياااااااو لالالالازم يتعاود لو جات تسريب ي ولاية زوج ناس قليلة ولا امتحان واحد بالاك مانعاودوهش صراااات من قبل..........بصح هادي لكان قبلوها وفاتت عادي نتامن بلي انا مش عاااااايشة في دولة عندها قانون ونظام يسيرها...........كيفاه تسريب كل مواضيع الامتحان ماعد العربية وعلنا وزيد كل الولايات من الشماااااااال الى الجنوووووب لحقوهم لي سووووجي.........ويقول منعاودوووش.....بسيييييييف علييييييييييهم يعاودوه تمسخير نلعبو هنا

[sousoi285]

اختي اسبوع ننتظر باش يفوت وتزيدي تقولي دورة ثانية كيفاش احنا تعبنا عام كامل من سبتمبر حتى اجوان وراني راضية بواش كتبهلي ربي درت لي عليا وانا ضد اعادة البكالوريا وهادوك لي غشوا وكيلهم ربي

[dali rami]

يجب أن تعاد الدورة بالكامل إنصافا لمن كد وتعب واجتهد وإثباتا لغش من أرادوا سرقة أفضل التخصصات بأي طريقة كانت

[ماريا للنجاح]

لالالالالالا اختي متقوليليش تعبتي...........تعبتي هل ترضين بتعبك يروح هباءااا منثورا؟؟؟.....وش مشكلة ادا عاودتيها ياك تعبتي.........قادرة تعاوديها نووورمال.......بصح الجماعة لي غشت تقول لالا خطراك ماراهي فاهمة فيها والو

[الدرّة المصونة]

السلام عليكم

التعب و الانهاااك طول العام و تخدام المخ في الباك و تجي تسمع تسربت المواضيع

و تزيد تعاود البااك و الله ماي ساهلة

[sousoi285]

اضن انكم لم ترضون بما قدماتموه في الامتحانات وتاكدي ان الغشاشين سوف لا تتجاوز معدلاتهم 11 من عشرين في البكالوريا والدليل ان الموضوع عندهم ويبحثون عن الحل انا ضد لان ليست بالسهل حتى اسبوع البكالوريا وفي الدقيقة الاخبرة راجعنا عن ثانويتي لم نبالي بالتسريبات والحمد الله راضية واللي غش ان شاء الله يطيح في مصحح يحرقو

[djassemine]

السلام عليكم
اخواتي منسكتوش علا حقنا
لازمنا نخمو مليح و رجعوا حقنا لي حب يعاود باك يكون معانا

[* قمر*]

ربي يكون في عونكم .

[الدرّة المصونة]

اني قلتلكم مش ساهلة تعاودوا البااك يا خاوتي


انا الحمد لله خادمة و الله و فوور تاني ،،،،و لكن خبر التسريبات هبطلي المورال

و مش اللي راه يطالب باعادة الباكالوريا ماخدمش فالباكالوريا باي حق تتهمون ؟؟؟
تأكدوا ان الباكالوريا اذا تمت اعادتها لن تكون لاسئلة سهلة


ربي يجب اللي فيه الخيير

[chaima 1996]

أنا مع اعادة البكالوريا ولن نسكــــــت مهما كلف الثمن
السبب الاول و الوحيد الذي يجعلني أطالب بهذا هو الرفع في معدلات القبول بطبيعة الحال ستكون المعدلات عالية هذا العام... على كل المسألة في يد السلطات الان و اللي فيها الخير يجيبها ربي

[ماريا للنجاح]

المشاركة الأصلية كتبت بواسطة sousoi285

اضن انكم لم ترضون بما قدماتموه في الامتحانات وتاكدي ان الغشاشين سوف لا تتجاوز معدلاتهم 11 من عشرين في البكالوريا والدليل ان الموضوع عندهم ويبحثون عن الحل انا ضد لان ليست بالسهل حتى اسبوع البكالوريا وفي الدقيقة الاخبرة راجعنا عن ثانويتي لم نبالي بالتسريبات والحمد الله راضية واللي غش ان شاء الله يطيح في مصحح يحرقو

هدا هو ردكم اختي.....شوفي انا مترشحة حرة والعام لي فات داياتو وسنة عاودتو وان شاء الله معدل ممتااز راكي فاهمة.........شوفي انا مرانيش مقلقة على المعدل انا راني مقلقة على المقااااعد البدااااغوجية......اني ديت16 ومبعد تخصص لي حابته يطلح 17 ولا18.......اهيه وش الفااايدة قوليلي.....وهدا الهدرة تع ان شاء الله يطيحو في مصحح كدا و الغشاش عمرو ما ينجح وش دخلني فييييييهم.........ارقدي سوجيات تسربت بالحلووووول انا فالفيزياء قعدت لاخر دقيقة ونشوف عباد والله عام كامل قصرة وضحك يخرج فالساعة الاولى ويضحك........امر يثير الاستفزاززززززز

[sousoi285]

المشاركة الأصلية كتبت بواسطة الدرّة المصونة

اني قلتلكم مش ساهلة تعاودوا البااك يا خاوتي


انا الحمد لله خادمة و الله و فوور تاني ،،،،و لكن خبر التسريبات هبطلي المورال

و مش اللي راه يطالب باعادة الباكالوريا ماخدمش فالباكالوريا باي حق تتهمون ؟؟؟
تأكدوا ان الباكالوريا اذا تمت اعادتها لن تكون لاسئلة سهلة


ربي يجب اللي فيه الخيير

اختي صدقت لكن الدين يطالبون بالكالوريا اليس لديهم قلوب رحيمة مثلا انا بعيدة عن ثانوياتتا قرابة 11 كلم والحمد الله تعبت وانا راضية على ما قدمت ما دخل لي بالغشاشين