إلغاء الطلبة من إجتياز الباكالوريا (أرجوا دخول الجميع)

[loui za]

رجعوا بداية الاختبار على 8و 30 دقيقة لي يجي بعدها يقصى ماشي كيما الاعوام لي فاتت عندك من 8 ل 8و نصف حق التاخر فهمتيني
يسما الانسان يدير حسابو 8 ولا 7 و 45 دقيقة فالمركز مشو 8 و نصف ولا 9 غير 25

[Mahmoud88]

المشاركة الأصلية كتبت بواسطة الپرنسيسة^_^

اوك نحكو الصح لي يكون عندو مستقبل ماراحش يرقد حتى للثامنة
و لكن عني اخبرك هنالك من سجل حر و ارسلوه لمكان بعيد جدا عن المكان الذي يقطن به وليس لديهم سيارة و وصل متاخر هل هدا يمنعه من المشاركة، فأنا مثلا و عن نفسي سجلت لأجتاز الباكالوريا بصفة حرة و ارسلوني للمكان الذي احتزت فيه العام الماضي و كنت استيقض كل يوم على السادسة و انتقل مسافة ساعة على الارجل حتى اصل الى مكان الحافلة و التي لاتنطلق الا بعد السابعة و عشر دقائق و كنت كلما اصل تكون الساعة الثامنة و خمس دقائق و اجتاز عادي ، او ايضا لنفترض انهم لم يتم التاخر في الاستدعاه تعليمة تقول انه لو تاخر لاقل من نصف ساعة فسيسمح له بالدخول فما دخلهم هم بالاسباب
لا نطلب منهم ابدا المساعدة بل اعطوهم حقوقهم فقط

ساعة مشيا على الاقدام !!!!
ربي يعينك يا مخلوقة

[samalg]

واش نقولو
ربي وكيلهم والله حقروهم بزاف
كيما هاذوك نتاع الترامواي هوما واش ذنبهم مساكين
راهم حاسبين لي تاخر في خمس دقايق يشوف الموضوع ويحلو ويجيب الاجوبة هاذي العقل وما يتصورهاش الانسان لازم يكون شوية منطقي
ولا راهم حاسبين في ذوك خمس دقايق حنا نكونو نحلو فالموضوع اقسم بالله العظيم حنا غيلا ولات قل عشرين وروح باه يجيبو المواضيع
هاذي حالة هاذي هاذا تمسخير والباك ما فيهش مصداقية والمواضيع يتسربو في بلاد ميكي
سبحان الله
الله لا تربحكم يا الوزارة ورؤساء المراكز لي منعتو التلاميذ لي كانو العام كامل يطيحو وينوضو ويقراو باه يفرحو والديهم لي يستناو فيهم وحرمتوهم من حلمهم ان شاء الله ولادكم يصرالهم نفس الموقف باش تتفكرو يا عديمي الاحساس

[الجميلة انا]

الوزارة في صدد تشديد الحراسة و رد الاعتبار للباك معلبالهمش بلي الحالة راي خرجت على السيطرة و يلزم وضع قواعد صحيحة

و هوما فلحوا غير في حكاية لوقت

[berrim]

نحن في واد سوف تجي بعد 10 دقائق عادي ومرات يولو هما يحوسو عليك ويسألو اصحابك علاش مجاش

[aymen.sekhri]

المشاركة الأصلية كتبت بواسطة berrim

نحن في واد سوف تجي بعد 10 دقائق عادي ومرات يولو هما يحوسو عليك ويسألو اصحابك علاش مجاش

هههههههههههههههههههههههه كاينة
كاين حتى لي ماجابش الاستدعاء و قالولو روح ادخل و لعشيا جيب الاستدعاء هههههه
بلادنا فيها الرحمة الحمد الله , مازال هناك بشر عندنا

[منار العلم]

سلام
في الحقيقة حتى المواضيع لا توزع الا بعد مرور 20دقيقة على الوقت
شعب محب للظلم،
بالتوفيق للجمييع

[hadjer hadjora]

انا بنت جارتي اقسيت البارح بسبب التءخير

مسكينة راهي في حالة يرثا لها من قبل كانت ماتكلش من الخلعة و الان زادة ماكلات والوا من البارح

هي و العائلة تاعها الحزن مخيم على الدار بعد ما كانوا يسناو في هاد اليوم و يحسبولوا يالساعة


هدي حقرة و ظلم في حق التلاميد




و الله انا كنت شاهدة عليهم الترامواي توقف و التلاميد بداو يجريو كي المهابل و يوقفوا في السيارات لكن كومبروموا حتى السيارات ما قدروش


يمشوا



كانت الساعة 2 و 20 د حتى الساعة 2 و 45 د ما كاين والوا



و الان هادوا واش دنبهم يروحلهم تعبهم لعام كامل بسبب توقف ترامواي


لو تعرفوا حالتها النفسية قالت لهم ما نزيدش نسمع حاجة واسمها الباك



لا حولة و لا قوة الا بالله

[rayen73]

رب معاها والله موقف تقشعر له الابدان لكن الله غالب رآنا في الجزائر ؟؟؟؟؟؟؟؟؟؟

[اعجوبة الحياة]

ربي يصبرهم و يطيقهم على الحالة اللي راهم فيها

و الله قاسيين بزاف الباك راههم يستناو فيه مشي عام بل منذ كانوا صغار و دوك يتقساو حرام عليهم لوكان جاو باتهم جنرالات و اللهه ميديرولهم هاك

حسبنا الله و نعم الوكيل

شكرا برنسيسة على الموضوع

تقبلي مروري

[rafif.ra]

من جهة تقولي هاذ الطالب وش وخرو ياك داروه على 8.30 عندو الوقت الكافي جدا باه يوصل مهما كان بعيد...كيفاش هو يقرا عام كامل و يروح و يجي و نهار الباك يتأخر..من المفروض يخرج بكري من الدار يا ربي حتى على 5 المهم يوصل بكري و يدير حسابو قادر تكون 1000 حاجة في الطريق..يخليوك تقولي هذا تهاون و اهمال .

و من جهة أخرى ثاني تقولي هاذو يهود زعما دقيقة و دقيقتين وش راح يصرا كي يخليوه يدخل ...اصلا في بلاد ميكي ياك ما يجيو يوزعو الاوراق حتى تفوت 15 دقيقة من ورا 8.30 ..و زيد باينة بلي لي عندو معريفة مع المركز بمكالمة هاتفية يدخل ...و القرار لك يطبق في كل المراكز طبعا كاين لي في قلوبهم الرحمة

المهم هذا درس سواء ليهم ولا للطلاب في الاعاوام المقبلة و عسى خير ما نعرف..الخير في ما اختاره الله
على كل ربي يصبرهم مساكن اكيد راهم في حالة...

[~طَـــمُـــوحْ~]

السلام عليكم

تقطع قلبي لما سمعت باقصاء تلك اليتيمة لتاخرها دقيقة واحدة
ربي يصبرها ووين رايح يروح هاد الرئيس تاع المركز

في حين ناس راقدة وتمونجبي وتجاوب فالسوجي قبل الموعد

ما حز في نفسي انني حللت اغلب المواضيع المسربة ربي يستر

[aymen1357]

المشاركة الأصلية كتبت بواسطة PiTCHou YaSSine

خاوتي نقولو الصح
كاين لي يتمسخر عندو الباك وهو مستقبل تاعو يرقد حتى ل 8 ؟

عندك الحق .......................

[أثيلة]

المشاركة الأصلية كتبت بواسطة loui za

رجعوا بداية الاختبار على 8و 30 دقيقة لي يجي بعدها يقصى ماشي كيما الاعوام لي فاتت عندك من 8 ل 8و نصف حق التاخر فهمتيني
يسما الانسان يدير حسابو 8 ولا 7 و 45 دقيقة فالمركز مشو 8 و نصف ولا 9 غير 25

لكن هذا ظلم يعني لازم يقدروا ظروف الطلبة و خاصة انهم يوزعوا الاوراق بعد نصف ساعة

[أثيلة]

المشاركة الأصلية كتبت بواسطة mahmoud88

ساعة مشيا على الاقدام !!!!
ربي يعينك يا مخلوقة

ساعة مشيا على الاقدام لأصل و اجد الحافلة مملوءة على اخرها و اذهب واقفة الى مركز الولاية لاركب بعدها حافلتان اخريتان لأصل الى المركز و الحمد لله ذهبت و اجتزت و تخيل ليس ذلك فقط بل لايعطوننا و لا كاس ماء فما بالك بالغداء
أمين يارب شكرا اخي