~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 80

omelbanin · 2016-05-17, 10:18

صباح الخير ،حبيباتي سمرا وسيرين وحبيبة ،ووام لينا ،مالا انا ام لبان والله تقتلي بالضحك.
سمراء نورتينا بهذوك النصائح الله ينورك ،وعجبتني بزاااااف شجرة الصلاة ،وانطبقها لولادي انشالله.
حبيبة توحشناك ،حبيت كون الاربعاء اسبوع نديرو موضوع اجتماعي واسبوع موضوع نفسي ،طبعا بعد موافقة حبيبتي سمراء .

فراشات العمر · 2016-05-17, 10:23

سرين راكي تكوناكتي من الخدمة

حياتي كلها امل · 2016-05-17, 10:24

انا اليوم نضت مع الحوايج الي عمرهم ما يخلاسو وغسلت الاواني والفرن والبوتاجي وخملت البيوت ثم انشرت الحوايج وسيقت كلشي وضرك راح نشوي الطرشي باه نخبيه ونقطع الماشطو ونخبيها ثم ندير الفطور . والغشية راني بقاتلي غير جيها تاع الخزانة تاع بنتي نسرجها ونخبي ملابس الشتاء

سرور2 · 2016-05-17, 10:24

سلام لبنات

اهلا حبيبةالحبوبة يعطيك الصحة على كل وش تقدميه

صباح النور للملتحقات

انا كلاوني يديا ومصبرتش نقيت علب التوابل تهنيت منهم

لبنات سقسيتكم البارح ومجوبتونيش على الزجاج انتاع الكوزنيار (بين الزجاجتين كيف نضفة )

الاخت لسقسات على السبور انا كنت 90ك والحدم لله راني 69

في الاول كنت ندير سبور من النت وبدت بالسهل والي هم تمارين 1و2و3ميل وبديت كل مرة نزيد الوقت يعني بديت مدة اسبوع ب15د حتان وصلت ندير يوميا ساعتين سبور

والان الحمد لله شريت تابي راني ندير فيها مسي سريعاو مشي عادي يوميا صباح وعشوة قريب ساعة ومرات اقل ومرات اكثر

اي سؤال راني هنا

فراشات العمر · 2016-05-17, 10:33

سرور انا عندي انيام البيضا نحل لبالن نتاوعها ونحي الزجاج نتاعها ونغسلو وحدو من بعد نشف البالن من شوية زيت ماشن ونعاود نركبو هاني جاوبتك

سرور2 · 2016-05-17, 10:38

بارك الله فيك ان شاء الله تنجحلي نخلي نجيالزوجونقلو ينحها

فراشات العمر · 2016-05-17, 10:55

فراشات العمر · 2016-05-17, 10:56

وهذي الروبة لي راني نخيط فيها ليما

omelbanin · 2016-05-17, 11:16

ام لينا ،سمى انت خياطة الله يبارك ،ديري كلش تخيطي ،تبني ......كل صبع بصنعة
ربي يخليلك ميمتك.
انا اليوم ،كي كملت غسلت شوية فراش ،حكمت هداك عملاااق ،طليتو على واحد البلايك في الكارلاج ،والله غير نحاهم ،ربي يجازيك سمراء كي قلتينا عليه . وكملت سيقت بيه ولات الدنيا تشعل.صح عملاااااق

فراشات العمر · 2016-05-17, 11:18

انا ماجربتوش بصح ردك فكرني باه نكتب قائمة المشتريات والله فكرتيني

omelbanin · 2016-05-17, 11:44

شكون لي تلاقات مع هذي العفسة نتا ع الساشيات تتباع،لي راهم يسكنو في العاصمة ،انا ما تلاقيتش كامل بيها عجبتني هايلة

فراشات العمر · 2016-05-17, 12:02

كي يعود عندي باب للبوتاجي نخمم نتلقا بيها دايرة مسمار ومعلقة الساشيات

روضة 88 · 2016-05-17, 12:03

صباح الخير عليكم
سرور وش راك اختي المهن كما قاتلك ام لينا الزجاج راه يتنحى سايسيه برك ياك كويزينيار انتاعك جديدة معندكش بزاف مني شريتيها.

اكيد العملاق منتوج رائع خاصة في الصيف رائحته تبعد الذبان خاصة اذا مسحتي بيه البوتاجي.

الطرشي ممكن لما تشويوه تقطعوه تزيدولو الثوم وممكن طماطم ويكون عندك حميس واجد .

ممكن الطماطم تخبيوها حبات تستعملوهم في الشربة او الحريرة...

القرنون لما نخدموه الحبات لي يصلحو دولمة نحطوهم وحدهم ولي فزدو شوي نخبيوهم وحدهم.

جهينة اليقين · 2016-05-17, 12:50

اليؤم درت بركوكس للخدامين للغدا بالمرقة حمرا وراس الحانوت والجاج ما كليتوش بصح البركوكس كليت حتى عوارو عينيا
الاخت سرور انا الزجاج نشمخو باي مادة او الخليط تاع ازيس والجافال ومن بعد نحكو بالحبل المسلك يتنقى روعةلاني باش ننحيه نخاف وانا يديا مالحين هههههههههههههههه

حياتي كلها امل · 2016-05-17, 13:27

حبيبة انا محبوش يخرجولي هذوك الروابط ،ام لينا راكي فحلة تخدمي شغل الدار وزيد البنيان وزيد الخياطة ربي يوفقك ويباركلك ويحفظلك يماك.